ଭୁବନେଶ୍ବର: କଟକ ବିଜେପିର ଲୋକସଭା ପ୍ରାର୍ଥୀ ଭର୍ତ୍ତୃହରି ମହତାବ ଶୁକ୍ରବାର ତାଙ୍କର ନାମାଙ୍କନପତ୍ର ଦାଖଲ କରିଛନ୍ତି। ହଜାର ହଜାର ସମର୍ଥକଙ୍କ ସହ ଏକ ବିରାଟ ପଟୁଆରରେ ଆସି ଭର୍ତ୍ତୃହରି ଆଜି କଟକ ଜିଲାପାଳଙ୍କ କାର୍ୟ୍ୟାଳୟରେ ତାଙ୍କର ନାମାଙ୍କନ ଦାଖଲ କରିଛନ୍ତି। ତେବେ ନାମାଙ୍କନ ଦାଖଲ ପରେ ରାଜ୍ୟ ସରକାରଙ୍କୁ ଟାର୍ଗେଟ କରି ଶ୍ରୀ ମହତାବ କହିଛନ୍ତି ଯେ ଦୀପ ଲିଭିଲା ବେଳେ ଜୋର ଜଳେ । ଓଡ଼ିଆ ଅସ୍ମିତା ଓ ସ୍ୱାଭିମାନ ପାଇଁ ଆମର ଏହି ଲଢେଇ । ବିଶେଷ କରି ନୂଆ ଭୋଟର ମୋଦୀଙ୍କ ପଦ୍ମ ଚିହ୍ନରେ ଭୋଟ ଦେବେ । ମୋଦୀ ବିଶ୍ୱରେ ଦେଶର ସମ୍ମାନ ବଢାଇଥିବାରୁ ଯୁବ ଭୋଟ ବିଜେପି ପ୍ରତି ଆକୃଷ୍ଟ ହୋଇଥିବା ଭର୍ତ୍ତୃହରି ମହତାବ କହିଛନ୍ତି । ସୂଚନାଯୋଗ୍ୟ, ଭର୍ତ୍ତୃହରି ଜଣେ ଭାରତୀୟ ରାଜନେତା ଭାବେ ବିଜୁ ଜନତା ଦଳ (ବିଜେଡି)ର ସଦସ୍ୟ ଥିଲେ ଏବଂ ୨୮ ମାର୍ଚ୍ଚ ୨୦୨୪ରେ ବିଜେଡିରୁ ଇସ୍ତଫା ଦେଇ ସେ ବିଜେପିରେ ଯୋଗ ଦେଇଥିଲେ। ସେ ୧୯୯୮ରେ ଓଡ଼ିଶାର କଟକ ନିର୍ବାଚନମଣ୍ଡଳୀରୁ ଦ୍ୱାଦଶ ଲୋକ ସଭାକୁ ନିର୍ବାଚିତ ହୋଇଥିଲେ। ସେ ଏହି ନିର୍ବାଚନମଣ୍ଡଳୀରୁ କ୍ରମାଗତ ଭାବେ ୧୯୯୯, ୨୦୦୪, ୨୦୦୯, ୨୦୧୪ ଏବଂ ୨୦୧୯ରେ ଲୋକ ସଭାକୁ ନିର୍ବାଚିତ ହୋଇଥିଲେ। ସେ ଉଲ୍ଲେଖନୀୟ ଅବଦାନ ପାଇଁ ୨୦୧୭ରେ ସଂସଦୀୟ ପୁରସ୍କାର ବି ପାଇଥିଲେ।
Comments are closed, but trackbacks and pingbacks are open.