ଭୁବନେଶ୍ବର: କିଛି ଦିନ ହେବ ସାରା ରାଜ୍ୟରେ ଗ୍ରୀଷ୍ମ ପ୍ରବାହ ଲାଗି ରହିଥିଲା । ଏବେ ସେ ତାତିରୁ ମିଳିବ ଆଶ୍ୱସ୍ତି । ତେବେ ଆଜି ପଶ୍ଚିମ ଓଡ଼ିଶାରେ ସାମାନ୍ୟ ବର୍ଷା ହୋଇପାରେ । ୨୪ ତାରିଖ ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀର ପ୍ରଭାବ ରହିପାରେ ବୋଲି ପୂର୍ବାନୁମାନ କରିଛି ପାଣପାଗ ବିଭାଗ । ଯାହାର ପ୍ରଭାବରେ ବିଭିନ୍ନ ସ୍ଥାନରେ ଦିନ ତାପମାତ୍ରାର ୨ରୁ ୩ଡିଗ୍ରୀ ଯାଏ ହ୍ରାସ ନେଇ ପୂର୍ବାନୁମାନ କରିଛି ପାଣିପାଗ ବିଭାଗ ।
ସେହିପରି ଗତ କାଲି ବୌଦ୍ଧ ଓ ବାରିପଦା ସବୁଠୁ ଉତ୍ତପ୍ତ ସହର ପାଲଟିଥିଲା । ୪୫.୨ଡିଗ୍ରୀ ସର୍ବୋଚ୍ଚ ଦିନ ତାପମାତ୍ରା ରେକର୍ଡ କରାଯାଇଥିଲା ।ସେହିପରି ଅସହ୍ୟ ତାତିରେ ସନ୍ତୁଳି ହେଉଛି ଝାରସୁଗୁଡା, ସମ୍ବଲପୁର, ରାଉରକେଲା, ହୀରାକୁଦ, ଚାନ୍ଦବାଲି, ଭୁବନେଶ୍ୱର ଓ ବାଲେଶ୍ୱର ।
ଆଜିଠାରୁ ପଶ୍ଚିମା-ଝଡ ପାଇଁ କାଳବୈଶାଖୀ ପ୍ରଭାବରେ ୨ରୁ ୩ଡିଗ୍ରୀ କମିପାରେ ଦିନ ତାପମାତ୍ରା । ଫଳରେ ତାତିରୁ ସାମୟିକ ଆଶ୍ୱସ୍ତି ମିଳିବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । କିନ୍ତୁ ୨୬ ପରେ ପ୍ରଚଣ୍ଡ ତାତିରେ କଲବଲ ହେବ ଓଡ଼ିଶା ।
Comments are closed, but trackbacks and pingbacks are open.