ନୂଆଦିଲ୍ଲୀ: ରାଜ୍ୟର ଆଇଶୃଙ୍ଖଳାର ସୁରକ୍ଷା ପାଇଁ ଖାଲି ପଡିଛି ପୋଲିସ ଅଧିକାରୀଙ୍କ ପଦବୀ। ତାଙ୍କ ଜାଗାରେ ଅସ୍ଥାୟୀ ଡିଜିପିମାନେ ପୋଲିସ ମୁଖ୍ୟ ଭାବରେ କାର୍ଯ୍ୟ କରୁଛନ୍ତି। ଯୋଗ୍ୟ ଅଧିକାରୀଙ୍କ ଉପଲବ୍ଧତା ସତ୍ତ୍ୱେ ରାଜ୍ୟ ସରକାର ନିୟମିତ ପୋଲିସ ମୁଖ୍ୟ ନିଯୁକ୍ତ କରୁନାହାନ୍ତି। ଯାହାକୁ ନେଇ ଜାତୀୟ ଗଣମାଧ୍ୟମରେ ବିଭିନ୍ନ ରିପୋର୍ଟ ମଧ୍ୟ ପ୍ରକାଶ ପାଇଛି। ତେବେ ଗୃହ ମନ୍ତ୍ରଣାଳୟ (ଏମ୍ଏଚ୍ଏ) ଏହି ନିଯୁକ୍ତି ଉପରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପାଳନ କରିବାକୁ ଚିଠି ଲେଖିଛନ୍ତି। ଯେଉଁଥିରେ ଉତ୍ତରପ୍ରଦେଶ, ଆନ୍ଧ୍ରପ୍ରଦେଶ, ତେଲେଙ୍ଗାନା, ପଞ୍ଜାବ, ଓଡିଶା ଏବଂ ପଶ୍ଚିମବଙ୍ଗ ନାଁ ରହିଛି। ଗତ ସପ୍ତାହରେ କେନ୍ଦ୍ର ଗୃହ ସଚିବଙ୍କ କାର୍ଯ୍ୟାଳୟରୁ ଏହି ସାତୋଟି ରାଜ୍ୟର ମୁଖ୍ୟ ସଚିବଙ୍କ ନିକଟକୁ ଏକ ଚିଠି ପଠାଯାଇଥିଲା ଯେଉଁଥିରେ ଅସ୍ଥାୟୀ ଡିଜିପିମାନେ ପୋଲିସ ମୁଖ୍ୟ ଭାବରେ କାର୍ଯ୍ୟ କରୁଛନ୍ତି।
ଭାରତୀୟ ପୋଲିସ ସେବା ପାଇଁ କ୍ୟାଡର-ନିୟନ୍ତ୍ରଣ କର୍ତ୍ତୃପକ୍ଷ ଥିବା ମନ୍ତ୍ରଣାଳୟର ଜଣେ ଅଧିକାରୀ କହିଛନ୍ତି ଯେ ପ୍ରକାଶ ସିଂ ମାମଲାରେ ଡିଜିପି ନିଯୁକ୍ତି ସମ୍ପର୍କରେ ସୁପ୍ରିମକୋର୍ଟ ନିର୍ଦ୍ଦେଶନାମା ଉପରେ ଏହି ଚିଠିରେ ଦର୍ଶାଯାଇଛି। ବରିଷ୍ଠ ଅଧିକାରୀ କହିଛନ୍ତି ଯେ ସର୍ବୋଚ୍ଚ ନ୍ୟାୟାଳୟ ନିର୍ଦ୍ଦେଶକୁ ଦର୍ଶାଇ ରାଜ୍ୟମାନଙ୍କୁ କହିଛନ୍ତି ଯେ ଅସ୍ଥାୟୀ କିମ୍ବା କାର୍ଯ୍ୟକାରୀ ଡିଜିପିମାନଙ୍କୁ କେବଳ ବ୍ୟତିକ୍ରମ ପରିସ୍ଥିତିରେ ଏଡ଼ାଇ ଦିଆଯିବ। ଏଥିରେ କୁହାଯାଇଛି ଯେ ଦୁଇ ବର୍ଷର କାର୍ଯ୍ୟକାଳ ସହିତ ନିୟମିତ ଡିଜିପି ନିଯୁକ୍ତି ଉପରେ ରାଜ୍ୟମାନେ ସର୍ବୋଚ୍ଚ ନ୍ୟାୟାଳୟର ନିର୍ଦ୍ଦେଶ ପାଳନ କରିବା ଜରୁରୀ।
କେବଳ ଏହି ସାତୋଟି ରାଜ୍ୟ ବୋଲି ନୁହେଁ, ଜାମ୍ମୁ କାଶ୍ମୀର ପ୍ରଶାସନକୁ ମଧ୍ୟ ସମାନ ଚିଠି ପଠାଯାଇଛି କି ବୋଲି ଅଧିକାରୀଙ୍କୁ ପ୍ରଶ୍ନ କରାଯାଇଥିଲା। ଯାହାର ଉତ୍ତରରେ ସେ କହିଛନ୍ତି ଯେ ସୁପ୍ରିମକୋର୍ଟଙ୍କ ଏହି ନିର୍ଦ୍ଦେଶ କେବଳ ରାଜ୍ୟ ପାଇଁ ପ୍ରଯୁଜ୍ୟ ବୋଲି ସେ ପ୍ରତିକ୍ରିୟା ଦେଇଛନ୍ତି।
ପୂର୍ବ ସୂଚନା ଅନୁସାରେ ଉତ୍ତରପ୍ରଦେଶ, ଆନ୍ଧ୍ରପ୍ରଦେଶ, ତେଲେଙ୍ଗାନା, ପଞ୍ଜାବ, ଓଡିଶା ଏବଂ ପଶ୍ଚିମବଙ୍ଗରେ ପୋଲିସ ଅଧିକାରୀ ଓ ସେମାନଙ୍କ ଖାଲି ପଡ଼ିଥିବା ପଦବୀକୁ ନେଇ ଚର୍ଚ୍ଚା ହେଉଥିଲା। ଓଡ଼ିଶାରେ ମଧ୍ୟ ଏହି ଖାଲି ପଦବୀକୁ ପୂରଣ କରିବା ପାଇଁ ଅଧିକାରୀଙ୍କ କାର୍ଯ୍ୟକାଳକୁ ବୃଦ୍ଧି କରାଯାଉଥିବା ନଜର ରହିଛି। ତେବେ ସର୍ବୋଚ୍ଚ ଅଦାଲତ କହିଛନ୍ତି ଯେ ପୋଲିସ୍ ମୁଖିଆଙ୍କ କୌଣସି ଅସ୍ଥାୟୀ କିମ୍ବା ଆଡହକ୍ ନିଯୁକ୍ତିକୁ ବ୍ୟତିକ୍ରମ ପରିସ୍ଥିତିକୁ ବାରଣ କରାଯିବା ଉଚିତ୍ ନୁହେଁ। ୟୁପିଏସସି ଗାଇଡଲାଇନରେ କୁହାଯାଇଛି ଯେ ବର୍ତ୍ତମାନର ଡିଜିପି ଅବସର ଗ୍ରହଣ କରିବାର ମାସେ ପୂର୍ବରୁ ରାଜ୍ୟଗୁଡିକ ଅତି କମରେ ତିନିଜଣ ବରିଷ୍ଠ ଅଧିକାରୀଙ୍କ ସହ ଯୋଗ୍ୟ ଅଧିକାରୀଙ୍କ ତାଲିକା ଆୟୋଗକୁ ପଠାଇବାକୁ ପଡିବ।
ଏହି ମାମଲା ପ୍ରକାଶ ସିଂ ଙ୍କ ମାମଲାରୁ ଆରମ୍ଭ ହୋଇଥିଲା। ପ୍ରକାଶ ସିଂ ହେଉଛନ୍ତି ଜଣେ ପୋଲିସ ଅଧିକାରୀ ଯିଏ କି ଅଧିକାରୀଙ୍କ ନିଯୁକ୍ତିରେ ସଂସ୍କାର ଆଣିବା ପାଇଁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ଯାହା ପରେ ସୁପ୍ରିମକୋର୍ଟ ମଧ୍ୟ ଏହି ମାମଲରେ ବିଚାର କରି ଏଥିରେ ସଂସ୍କାର ହେବା ଆବଶ୍ୟକ ବୋଲି ରାୟ ବାଢିଥିଲେ। ସାତୋଟି ବାଧ୍ୟତାମୂଳକ ନିର୍ଦ୍ଦେଶନାମା ପାଳନ କରିବାକୁ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳଗୁଡିକ ନିର୍ଦ୍ଦେଶ ଦିଆଯାଇଥିଲା ଯାହା ସଂସ୍କାର ଆରମ୍ଭ କରିବ। ଆନ୍ଧ୍ରପ୍ରଦେଶ, ତେଲେଙ୍ଗାନା, ୟୁପି ଏବଂ ପଞ୍ଜାବରେ ପ୍ରାୟ ଏକ ବର୍ଷରୁ ଅଧିକ ସମୟ ଧରି ଏପରି ଅସ୍ଥାୟୀ ଡିଜିପି ରହିଆସିଥିବା ବେଳେ ଓଡ଼ିଶା, ପଶ୍ଚିମବଙ୍ଗ ଏବଂ ଜମ୍ମୁ ଓ କଶ୍ମୀର ପରି କେନ୍ଦ୍ର ଶାସିତ ଅଞ୍ଚଳ ନିକଟରେ କାର୍ଯ୍ୟନିର୍ବାହୀ ଡିଜିପି ନିଯୁକ୍ତ ହୋଇଛନ୍ତି।
Comments are closed, but trackbacks and pingbacks are open.