ଜେରୁଜେଲମ: ପେଗାସସ ଭାଇରସ ଜରିଆରେ ସରକାର ଲୋକଙ୍କ ମୋବାଇଲରୁ ବ୍ୟକ୍ତିଗତ ତଥ୍ୟ ଚୋରି କରୁଛନ୍ତି। ଏଭଳି କିଛି ଅଭିଯୋଗ ଆସିଛି ଭାରତ ସମେତ ବିଭିନ୍ନ ଦେଶର ସରକାର ଉପରେ। ନିକଟରେ ଆମେନିସଟି ଇଣ୍ଟରନ୍ୟାସନାଲ(Amnesty International) ଏହି ଦାବି କରିଥିଲା। ପରେ ବିଭିନ୍ନ ଅନ୍ତର୍ଜାତୀୟ ମିଡିଆରେ ଏହି ଖବର ପ୍ରକାଶିତ ହୋଇଛନ୍ତି। ବିବାଦ ବଢ଼ୁଥିବା ଦେଖି ପେଗାସସ ସଫ୍ଟଓ୍ୱୟାର କମ୍ପାନୀର ନିର୍ମାତା ଇସ୍ରାଏଲର ଏନଏସଓ ପ୍ରତିକ୍ରିୟା ରଖି ବ୍ୟକ୍ତିଗତ ତଥ୍ୟ ଚୋରି କରାଯାଉଥିବା ଅଭିଯୋଗକୁ ଖାରଜ କରିଛି। କମ୍ପାନୀ କହିଛି ଏହି ସଫ୍ଟଓ୍ୱୟାର କାହା ମୋବାଇଲର ଡାଟା ଚୋରି କରେ ନାହିଁ। ବରଂ ଏହି ସଫ୍ଟଓ୍ୱୟାର ଏକ ଏପରି ଟେକ୍ନୋଲଜିରେ ତିଆରି ହୋଇଛି ଯାହାକି ସାରା ବିଶ୍ୱକୁ ସୁରକ୍ଷିତ ରଖିପାରିବ।
