ଆଜିକାଲି ଅଧିକାଂଶ ଲୋକ ସ୍ୱାସ୍ଥ୍ୟକାରୀ ଖାଦ୍ୟ ବଦଳରେ ଫାଷ୍ଟଫୁଡ ଓ ପାଟି ସୁଆଦ ଖାଦ୍ୟ ଖାଇବାକୁ ପସନ୍ଦ କରନ୍ତି, ଯେଉଁ କାରଣରୁ ସେମାନଙ୍କର ଓଜନ ବଢିଥାଏ । ଥରେ ଓଜନ ବଢିଗଲେ,ଏହା ହ୍ରାସ କରିବା ଏକ ସହଜ କାମ ନୁହେଁ I ଏଥିପାଇଁ ଲୋକମାନେ ବିଭିନ୍ନ ଉପାୟ ଅବଲମ୍ବନ କରିବା ସହିତ ଖାଦ୍ୟ କମ ଏବଂ ବ୍ୟାୟାମ ଅନୁସରଣ କରନ୍ତି I କିନ୍ତୁ ଆପଣ ଜାଣନ୍ତି କି ଓଜନ ହ୍ରାସ ପାଇଁ ଜଳ ଉପବାସ ମଧ୍ୟ କରାଯାଇଥାଏ I ଆଜିକାଲି ଜଳ ଉପବାସ ବହୁତ ଲୋକପ୍ରିୟ ହେଉଛି I
ଜଳ ଆମ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ଏବଂ ପ୍ରତିଦିନ ଏହାକୁ ପ୍ରଚୁର ପରିମାଣରେ ପିଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ I ଉପବାସରେ ଖାଦ୍ୟ ଛାଡିବା ପରି ଏହାକୁ ଛାଡିବା ଠିକ୍ ନୁହେଁ I ସେଥିପାଇଁ ଓଜନ ହ୍ରାସ ପାଇଁ ଏହା ଏକ ଭଲ ଖାଦ୍ୟ ଭାବରେ ବିବେଚନା କରାଯାଏ I ଆଜି ଆମେ ଆପଣଙ୍କୁ ଜଳ ଉପବାସର ପଦ୍ଧତି ଏବଂ ଏହାର ଉପକାରିତା ବିଷୟରେ କହିବାକୁ ଯାଉଛୁ I
ଜଳ ଉପବାସର ଲାଭ :ଜଳ ଉପବାସ କେବଳ ଓଜନ ହ୍ରାସ କରିବାରେ ସାହାଯ୍ୟ କରେ ନାହିଁ ବରଂ ଏହା ସ୍ୱାସ୍ଥ୍ୟ ପାଇଁ ବହୁତ ଲାଭଦାୟକ I ଜଳ ଉପବାସ କୋଲେଷ୍ଟ୍ରଲ ଏବଂ ମଧୁମେହକୁ ନିୟନ୍ତ୍ରଣ କରିବାରେ ସାହାଯ୍ୟ କରେ I ଏହା ବ୍ୟତୀତ ଏହା ଆପଣଙ୍କ ଶରୀରକୁ ଡିଟକ୍ସିଫାଇ କରିବାରେ ମଧ୍ୟ ସାହାଯ୍ୟ କରେ I ଜଳ ଉପବାସ କଲେ ଏଥିରେ କୌଣସି କଠିନ କିମ୍ବା ଦୃଢ ନିୟମ ନଥାଏ , ଏହା ଯେକୌଣସି ଦିନ ୨୪ ଘଣ୍ଟା ପର୍ଯ୍ୟନ୍ତ କରାଯାଇପାରିବ I ଆପଣ ସପ୍ତାହକୁ ଥରେ ଏହା କରି ପାରିବେ I କିନ୍ତୁ ଏହାର କିଛି ଅସୁବିଧା ମଧ୍ୟ ଅଛି ଫୋର୍ଟିସ୍ ହସ୍ପିଟାଲର ଡାଏଟିସିଆନ୍ ସିମରନ୍ ସାଇ ଏହାର ସୁବିଧା ଏବଂ ଅସୁବିଧା ବିଷୟରେ କଣ କହୁଛନ୍ତି ଆସନ୍ତୁ ଜାଣିବା :
ଏମିତି କରନ୍ତୁ ଜଳ ଉପବାସ : ଯଦି ଆପଣ ପ୍ରଥମ ଥର ଓଜନ ହ୍ରାସ ପାଇଁ ଜଳ ଉପବାସର କରିବାକୁ ଚାହୁଁଛନ୍ତି, ତେବେ ଏହାକୁ ଆରମ୍ଭ କରିବାର ୨ ରୁ ୩ ଦିନ ପୂର୍ବରୁ ଖାଇବା କମ ଶରୀରକୁ ପ୍ରସ୍ତୁତ କରନ୍ତୁ I ଆପଣ ଦିନକୁ ଥରେ ପେଟ ପୁରା ଖାଦ୍ୟ ନଖାଇ,ଥରକ ଖାଇବାକୁ ଦିନକୁ ଅଳ୍ପ ଅଳ୍ପ କରି ୩ ବଥର ରେ ଖାଆନ୍ତୁ I ଯଦି ଆପଣ ୨୪ ଘଣ୍ଟାରୁ ୭୨ ଘଣ୍ଟା ପର୍ଯ୍ୟନ୍ତ ଶୀଘ୍ର ଜଳଉପବାସ କରୁଛନ୍ତି, ତେବେ ଆପଣଙ୍କୁ କେବଳ ସେହିଦିନ ପାଣି ପିଇ ରହିବାକୁ ପଡିବ I ତେଣୁ ଆପଣ ପ୍ରଥମେ ଏହା ୨୪ ଘଣ୍ଟା ପର୍ଯ୍ୟନ୍ତ କଲେ ଭଲ I ଏହା ଉଚ୍ଚ ରକ୍ତଚାପକୁ ସାମୟିକ ଭାବରେ ହ୍ରାସ କରିବାରେ ସାହାଯ୍ୟ କରିଥାଏ I କଲେଷ୍ଟ୍ରୋଲ କମାଇବା ସହିତ ଏହା ଶରୀରରେ ଇନ୍ସୁଲିନ ସ୍ତରକୁ ଠିକ ରଖିଥାଏ ଇ ଯାହାକି ଟାଇପ-୨ ମଧୁମେହ ରୁ ରକ୍ଷା କରିଥାଏ I
ଏହିମାନେ କରନ୍ତୁ ନାହିଁ ଜଳ ଉପବାସ : ୧୮ ବର୍ଷରୁ କମ୍ ବୟସର ଲୋକମାନେ ଜଳ ଉପବାସ କରିବା ଉଚିତ୍ ନୁହେଁ I ଏହା ବ୍ୟତୀତ, ଯେଉଁମାନେ ୬୦ କିମ୍ବା ୭୦ ବର୍ଷରୁ ଅଧିକ, ସେମାନଙ୍କୁ ମଧ୍ୟ ଉପବାସ ନକରିବାକୁ ପରାମର୍ଶ ଦିଆଯାଇଛି I ଏହା ବ୍ୟତୀତ ଗର୍ଭବତୀ ମହିଳା କିମ୍ବା ଯେଉଁମାନେ ଛୋଟ ପିଲାମାନଙ୍କୁ ସ୍ତନ୍ୟପାନ କରାଉଛନ୍ତି ସେମାନେ ମଧ୍ୟ ଓଜନ ହ୍ରାସ ପାଇଁ ଜଳ ଉପବାସ କରିବା ଉଚିତ୍ ନୁହେଁ I ସେହିପରି ମଧୁମେହ, କର୍କଟ କିମ୍ବା ଅନ୍ୟ କୌଣସି ରୋଗରେ ପୀଡିତ ଲୋକଙ୍କୁ ମଧ୍ୟ ଉପବାସ ନକରିବାକୁ ପରାମର୍ଶ ଦିଆଯାଇଛି।
Comments are closed, but trackbacks and pingbacks are open.