ଷ୍ଟକ୍ ମାର୍କେଟ୍ : ଦ୍ରୁତ ହ୍ରାସ ପରେ ଜବରଦସ୍ତ ବୃଦ୍ଧି ପାଇଲା ସେୟାର ବଜାର , ନିବେଶକ ଖୁସ

ବିଶ୍ୱ ବଜାରରେ ମାନ୍ଦାବସ୍ଥା କୋହଳ ପରେ ଏହାର ପ୍ରଭାବ ଘରୋଇ ଷ୍ଟକ୍ ବଜାର ଉପରେ ପଡିଛି I ଗୁରୁବାର ଦିନ ବିକ୍ରୟ ଚାପରେ ପ୍ରବଳ ହ୍ରାସ ସହ ବନ୍ଦ ହୋଇଥିବା ଭାରତୀୟ ଷ୍ଟକ୍ ମାର୍କେଟ ଶୁକ୍ରବାର ସକାଳେ ସବୁଜ ଚିହ୍ନ ସହିତ ଖୋଲିଛି। ପ୍ରରମ୍ଭିକ କାରବାରରେ ସେନ୍ସେକ୍ସ ଏବଂ ନିଫ୍ଟି ୧.୫ ପ୍ରତିଶତରୁ ଅଧିକ ବୃଦ୍ଧି ଦେଖିବାକୁ ମିଳିଛି । ବାଣିଜ୍ୟିକ ସପ୍ତାହର ଶେଷ ଦିନ ଅର୍ଥାତ ଶୁକ୍ରବାର ଦିନ ସେନ୍ସେକ୍ସ ୫୩,୫୧୩.୯୭ ପଏଣ୍ଟରେ ଖୋଲିଛି । ସକାଳ ପ୍ରାୟ ୯ .୪୦ ରେ ବାଣିଜ୍ୟ ଅଧିବେଶନ ସମୟରେ, ସେନ୍ସେକ୍ସ ୨୦୧୦ .୭୧ ପଏଣ୍ଟ ହାସଲ କରି ୫୩ ,୮୦୨ .୯୪ ରେ କାରବାର ଆରମ୍ଭ କରିଛି I ପ୍ରାୟ ସମାନ ସମୟରେ, ନିଫ୍ଟି ୧୬ ,୧୧୫ .୫୦ ସ୍ତରରେ ୩୦୬ .୧୦ ପଏଣ୍ଟ ଉପରକୁ ଉଠି ଥିବାର ଦେଖାଯାଇଥିଲା I

ପ୍ରି-ଓପନ ସେସନ୍‌ ସମୟରେ ସେନ୍ସେକ୍ସର ସମସ୍ତ ୩୦ ସେୟାର ସବୁଜ ସଙ୍କେତ ସହ କାରବାର କରୁଥିବା ଦେଖିବାକୁ ମିଳିଛି । ଆଜିର କାରବାର ସେସନ୍‌ରେ ୧୫୪୭ ଷ୍ଟକ୍‌ରେ ଏକ କ୍ରୟ ସମୟ ଥିଲା ଏବଂ ୨୫୭ ଷ୍ଟକ୍‌ରେ ବିକ୍ରୟ ଦେଖିବାକୁ ମିଳିଥିଲା । ସେହିଭଳି ୬୪ଟି ସେୟାରରେ କୌଣସି ପରିବର୍ତ୍ତନ ହୋଇନଥିଲା ।

ଗୁରୁବାର ବିଶ୍ବ ବଜାରରେ ଏକ ମିଶ୍ରିତ ଧାରା ରହିଥିଲା । ଆମେରିକା ବଜାରରେ ପୁଣି ହ୍ରାସ ଦେଖିବାକୁ ମିଳିଥିଲା । କାରବାର ସେସନ୍‌ରେ ଡାଓ ଜୋନ୍ସ ୨୫୦ ପଏଣ୍ଟ ପର୍ଯ୍ୟନ୍ତ ହ୍ରାସ ପାଇଥିଲା । ନେସଡେକ୍‌ରେ ମଧ୍ୟ ବିକ୍ରୟ ଧାରା ରହିଥିଲା । ଦୁର୍ବଳ ଆରମ୍ଭ ପରେ ଆମେରିକା ବଜାର ହାଲକା ପୁନରୁଦ୍ଧାର ପରେ ବନ୍ଦ ହୋଇଥିଲା ।

ଏହା ପୂର୍ବରୁ ଗୁରୁବାର ଦିନ ବିଶ୍ବ ବଜାରର ଖରାପ ସଙ୍କେତ ଏବଂ ପ୍ରବଳ ବିକ୍ରୟ ଚାପ ଯୋଗୁଁ ସେୟାର ବଜାରରେ ଜବରଦସ୍ତ ହ୍ରାସ ଘଟିଥିଲା । ବାଣିଜ୍ୟ ସେସନ୍‌ ଶେଷରେ ୩୦ ପଏଣ୍ଟ ସେନସେକ୍ସ ୧୪୧୬.୩୦ ପଏଣ୍ଟ ହ୍ରାସ ପାଇ ୫୨,୭୯୨.୨୩ରେ ବନ୍ଦ ହୋଇଥିଲା । ସେହିଭଳି ୫୦ ପଏଣ୍ଟ ନିଫ୍ଟି ୪୩୦.୯୦ ପଏଣ୍ଟ ହ୍ରାସ ପାଇ ୧୫,୮୦୯.୪୦ ପଏଣ୍ଟରେ ବନ୍ଦ ହୋଇଥିଲା ।