ଆଖି ବୁଜିଲା ପୋଷା ଦନ୍ତା ହାତୀ ନନ୍ଦ

ଚନ୍ଦକା ଅଭୟାରଣ୍ୟରେ ପୋଷା ଦନ୍ତାହାତୀ ନନ୍ଦର ମୃତ୍ୟୁ ହୋଇଛି । ରବିବାର ଠାରୁ ଅସୁସ୍ଥତା କାରଣରୁ ନନ୍ଦର ମୃତ୍ୟୁ ହୋଇଥିବା ଜଣାପଡ଼ିଛି । ନନ୍ଦ ଅସୁସ୍ଥ ହେବାପରେ ତାର ଚିକିତ୍ସା କରାଯାଉଥିଲା । ଡାକ୍ତର ତାର ଚିକିତ୍ସା କରିବା ପରେ ବି ନନ୍ଦର ମୃତ୍ୟୁ ହୋଇଛି । ତେବେ କେଉଁ କାରଣରୁ ସେ ଅସୁସ୍ଥ ଥିଲା ତାହା ଜଣାପଡ଼ିନାହିଁ । ପୋଷ୍ଟମର୍ଟମ ରିପୋର୍ଟକୁ ଅପେକ୍ଷା କରାଯାଇଛି । ପୂର୍ବରୁ ହାତୀ ନନ୍ଦ ନନ୍ଦନକାନନରେ ଥିଲା । ପର୍ଯ୍ୟଟକଙ୍କ ସହ ମିଶିବା ସହ ମନ ଜିଣୁଥିଲା ।

ସୂଚନାନୁସାରେ ୨୦ ଦିନ ତଳେ ହାତୀଟି କୁ କୁମାରଖୁଣ୍ଟି ଅଞ୍ଚଳରେ ଟ୍ରଙ୍କୁଳାଇଜ କରାଯାଇଥିଲା। ତାପର ଠାରୁ ହାତୀଟି ଅସୁସ୍ଥ ହୋଇ ପଡିଥିବା ଜଣାପଡିଛି। ରବିବାର ଭୋର ୪ଟାରେ ହାତୀ ଟି ଆପେ ଆପେ ଗଳି ପଡିବା ପରେ ହାତୀଟିକୁ ସଲାଇନ ଲଗାଯାଇଥିଲା । ଖାଇବା ପିଇବା ଛାଡି ଦେଇଥିବାରୁ ନନ୍ଦର ଅବସ୍ଥା ବିଗିଡି ଯାଇଥିଲା । ଶେଷରେ ସୋମବାର ଦିନ ଭୋର ସମୟରେ ହାତୀଟିର ମୃତ୍ୟୁ ହୋଇଛି । ତେବେ ନନ୍ଦନକାନନରେ ଜନ୍ମ ହୋଇଥିବାରୁ ହାତୀର ନାଁ ନନ୍ଦନ ରଖାଯାଇଥିଲା ।