ଆପଣଙ୍କ ପାଦ ଫୁଲୁଛି କି ? କରନ୍ତୁ ନାହିଁ ଅଣଦେଖା,ତୁରନ୍ତ ଡାକ୍ତର ଙ୍କ ପରାମର୍ଶ ନିଅନ୍ତୁ

ଆମେ କୁଆଡେ ଯାତ୍ରା ସମୟରେ ବହୁତ ସମୟ ଧରି ପାଦ ଓହ୍ଲେଇ ବସିଲେ ପାଦ ଫୁଲି ଯାଇଥାଏ I ପୁଣି ଏହା କିଛି ସମୟ ପରେ ଠିକ ହୋଇଥାଏ I କିନ୍ତୁ ଆମେ ଘରେ ଥାଇ ଯଦି ପାଦ ର ଗୋଇଠିରେ ସବୁବେଳେ ଫୁଲା ରହୁଥାଏ , ଏହାକୁ ଆଦୌ ଅଣଦେଖା କରିବା କଥା ନୁହେଁ I ସାଧାରଣତଃ ଓଜନ ଏବଂ ପେଟର ଚର୍ବି ବଢିଲେ ହାଇ କୋଲେଷ୍ଟ୍ରଲ ଚିହ୍ନଟ କରିଥାଉ, କିନ୍ତୁ ଏହା ଅନ୍ୟାନ୍ୟ ଉପାୟରେ ମଧ୍ୟ ଚିହ୍ନଟ ହୋଇପାରେ। ଏହା ଏକ ପ୍ରକାର ଚର୍ବି ଯେଉଁଥିରେ ଯକୃତ ଏହାର ଗଠନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଶରୀରରେ ଉତ୍ପାଦିତ ଖରାପ କୋଲେଷ୍ଟ୍ରଲ ମଧୁମେହ ଏବଂ ହୃଦଘାତ ଭଳି ସମସ୍ୟା ସୃଷ୍ଟି କରିଥାଏ। ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଉଚ୍ଚ କୋଲେଷ୍ଟ୍ରଲ୍ର ଲକ୍ଷଣ ମଧ୍ୟ ପାଦରେ ଦେଖାଯାଏ, ତେଣୁ କିଛି ଅଙ୍ଗଭଙ୍ଗୀକୁ ଆଦୌ ଅଣଦେଖା କରାଯିବା ଉଚିତ୍ ନୁହେଁ।

ପାଦରେ ଉଚ୍ଚ କୋଲେଷ୍ଟ୍ରଲ୍ର ଲକ୍ଷଣଗୁଡ଼ିକ କ’ଣ?

ପାଦର ଥଣ୍ଡା ରହିବା ଶୀତଦିନେ ଏକ ସାଧାରଣ କଥା, କିନ୍ତୁ ଯଦି ଖରା ଦିନେ ଏପରି ଘଟେ, ତେବେ ବୁଝିଯିବେ ଯେ କିଛି ବଡ ଭୁଲ୍ ହେଉଛି। ଏହା ଶରୀରରେ ଉଚ୍ଚ କୋଲେଷ୍ଟ୍ରଲ୍ର ଲକ୍ଷଣ ହୋଇପାରେ। ଏହି ପରିସ୍ଥିତିରେ, ତୁରନ୍ତ ଚେକଅପ୍ କରାଯିବା ଉଚିତ।

ଉଚ୍ଚ କୋଲେଷ୍ଟ୍ରଲ କାରଣରୁ ପାଦରେ ରକ୍ତ ସଞ୍ଚାଳନ ଉପରେ ପ୍ରଭାବ ପକାଇଥାଏ ଯାହା ସ୍ପଷ୍ଟ ପାଦରେ ଦେଖିବାକୁ ମିଳେ। ରକ୍ତ ଅଭାବ ହେତୁ ପାଦର ଚର୍ମ ଏବଂ ନଖର ରଙ୍ଗ ବଦଳିବା ଆରମ୍ଭ ହୋଇଥାଏ। କାରଣ ରକ୍ତ ମାଧ୍ୟମରେ ଅମ୍ଳଜାନ ଏବଂ ପୁଷ୍ଟିକର ପୋଷଣତ୍ବ ବାଧାପ୍ରାପ୍ତ ହୋଇଥାଏ।

ବହୁ ସମୟରେ ରାତିରେ ଶୋଇବା ସମୟରେ ଅନେକ ଲୋକଙ୍କର ମଶଲ ଟାଇଡ ହୋଇଯିବା। ଏହାର ଲକ୍ଷଣ ହେଉଛି ଉଚ୍ଚ କୋଲେଷ୍ଟ୍ରଲ ସଙ୍କେତ। ଏହାର ଅର୍ଥ ହେଉଛି ଆପଣଙ୍କ ଶରୀରର ନିମ୍ନ ଭାଗରେ ଥିବା ସ୍ନାୟୁ ଗୁଡିକ ଦୁର୍ବଳ ହେବାରେ ଲାଗିଛି। ପାଦ ବ୍ୟତୀତ ଆଙ୍ଗୁଠି, ଗୋଇଠି କିମ୍ବା ଆଙ୍ଗୁଠି ମଧ୍ୟରେ ଫାଟ ସୃଷ୍ଟି ହେବା ମାନେ ଆପଣଙ୍କ ନିଦ ଉପରେ ପ୍ରଭାବ ପକାଇଥାଏ।

ଯଦି ଆପଣ ଗୋଡ ଭାରି ହେବା ଥକ୍କାପଣ ଅନୁଭବ କରିବା ମାନେ ଉଚ୍ଚ କୋଲେଷ୍ଟ୍ରଲ କାରଣ। ଏହି କାରଣରୁ ପାଦରେ ରକ୍ତ ସଞ୍ଚାଳନ ଠିକ୍ ଭାବରେ ହୁଏ ନାହିଁ ଏବଂ ଆପଣ ସାଧାରଣ ଚାଲିବା ମଧ୍ୟ ସହଜ ହୋଇ ନ ଥାଏ।