ଦୀର୍ଘ ଦିନର ଅପେକ୍ଷାର ଅନ୍ତ : ଆଜି ଆସିବ ଏଲଆଇସି ଆଇପିଓ; ନିବେଶକଙ୍କ ମଧ୍ୟରେ ଜବରଦସ୍ତ ରେସପନ୍ସ

ଦୀର୍ଘ ଦିନ ପ୍ରତୀକ୍ଷା ଅନ୍ତ ଘଟାଇ ର ଦେଶର ସବୁଠୁ ବଡ଼ ପ୍ରାରମ୍ଭିକ ପବ୍ଲିକ୍‌ ଅଫର (ଆଇପିଓ) ବୁଧବାର ଆସିବାକୁ ଯାଉଛି। ଆଇପିଓ ପ୍ରତି ଆଙ୍କର ନିବେଶକମାନେ ଭଲ ରେସପନ୍ସ ଦେଖାଇଛନ୍ତି। ଏହି ଆଙ୍କର ନିବେଶକଙ୍କ ଲାଗି ସଂରକ୍ଷିତ ରଖାଯାଇଥିବା ସମସ୍ତ ୫୬୨୦ କୋଟି ଟଙ୍କା ମୂଲ୍ୟର ସମସ୍ତ ଶେୟାର ସବ୍‌ସ୍କ୍ରିପ୍‌ସନ୍‌ ହୋଇଯାଇଛି। ଏହା ସହିତ ଏଲଆଇସି ପ୍ରାୟ ୨୧ ହଜାର କୋଟି ଟଙ୍କାର ଆଇପିଓ ଅର୍ଥାତ ୨୨ ଦଶମିକ ୧୪ କୋଟି ସେୟାର ବଜାରକୁ ଛାଡିବ । ପ୍ରତ୍ୟେକ ସେୟାରର ମୂଲ୍ୟ ୯୦୨ରୁ ୯୪୯ ଟଙ୍କା ରହିଛି ।

ସେହିପରି ପ୍ରତି ସେୟାରରେ ପଲିସିଧାରୀଙ୍କୁ ୬୦ ଟଙ୍କାର ରିହାତି ମିଳିବ । ଖୁଚୁରା ନିବେଶକ ଓ କର୍ମଚାରୀଙ୍କ ପାଇଁ ୪୫ ଟଙ୍କାର ରିହାତି ଦିଆଯିବ । ଆଇପିଓ ବନ୍ଦ ହେବାର ଏକ ସପ୍ତାହ ପରେ ମେ’ ୧୭ ତାରିଖରେ ସେୟାର ବଜାରରେ ଲିଷ୍ଟ ହେବ । ୩ ଦଶମିକ ୫ ପ୍ରତିଶତ ଅଂଶଧନ ବିକ୍ରି କରିବ । ପୂର୍ବରୁ ଏଲଆଇସିର ଅଂଶଧନ ୫ ପ୍ରତିଶତ ବିକ୍ରୀ ହେବ ବୋଲି ଘୋଷଣା କରାଯାଇଥିଲେ ବି ପରେ ଏହାକୁ କମାଇ ଦିଆଯାଇଛି ।
ଏଲଆଇସିରୁ ୬ ଲକ୍ଷ କୋଟି ଟଙ୍କାର ପୁଞ୍ଜି ପ୍ରତ୍ୟାହାର ପାଇଁ ଘୋଷଣା କରିଛନ୍ତି ସରକାର । ପୂର୍ବରୁ ମାର୍ଚରେ ଏଲଆଇସିର ଆଇପିଓ ଲଞ୍ଚ ହେବ ବୋଲି ସରକାର ଘୋଷଣା କରିଥିଲେ । କିନ୍ତୁ ଭାରତ-ୟୁକ୍ରେନ ଯୁଦ୍ଧ ଓ ଆର୍ଥିକ ସ୍ଥିତି କାରଣରୁ ଏହାକୁ ଘୁଞ୍ଚାଇ ଦିଆଯାଇଥିଲା । ଗତ ମାସରେ ଆଇପିଓ ପାଇଁ ନୂଆ ଡ୍ରାଫ୍ଟ କାଗଜପତ୍ର ଦାଖଲ କରାଯାଇଥିଲା ।

ଏଲଆଇସିରୁ ୬ ଲକ୍ଷ କୋଟି ଟଙ୍କାର ପୁଞ୍ଜି ପ୍ରତ୍ୟାହାର ପାଇଁ ଘୋଷଣା କରିଛନ୍ତି ସରକାର । ପୂର୍ବରୁ ମାର୍ଚରେ ଏଲଆଇସିର ଆଇପିଓ ଲଞ୍ଚ ହେବ ବୋଲି ସରକାର ଘୋଷଣା କରିଥିଲେ । କିନ୍ତୁ ଭାରତ-ୟୁକ୍ରେନ ଯୁଦ୍ଧ ଓ ଆର୍ଥିକ ସ୍ଥିତି କାରଣରୁ ଏହାକୁ ଘୁଞ୍ଚାଇ ଦିଆଯାଇଥିଲା । ଗତ ମାସରେ ଆଇପିଓ ପାଇଁ ନୂଆ ଡ୍ରାଫ୍ଟ କାଗଜପତ୍ର ଦାଖଲ କରାଯାଇଥିଲା ।

ଅନ୍ୟପଟେ ଏହି ଆଇପିଓର ସବସ୍କ୍ରିପସନ ପୂର୍ବରୁ ରାଜନୈତିକ ବିବାଦ ଆରମ୍ଭ ହୋଇଯାଇଛି। ଆଇପିଓକୁ ନେଇ କଂଗ୍ରେସ ସରକାରଙ୍କୁ ଟାର୍ଗେଟ କରିଛି। ଆଇପିଓରେ ଶେୟାର ମୂଲ୍ୟନିର୍ଦ୍ଧାରଣକୁ ନେଇ ପ୍ରଶ୍ନ ଉଠାଇଛି କଂଗ୍ରେସ। କଂଗ୍ରେସ ଅଭିଯୋଗ କରିଛି ଯେ ଦେଶର ୩୦ କୋଟି ପଲିସିଧାରୀଙ୍କ ବିଶ୍ୱାସର ମୂଲ୍ୟ ତୁଳନାରେ ଶେୟାରର ମୂଲ୍ୟ ନଗଣ୍ୟ ଧାର୍ଯ୍ୟ ହୋଇଛି। ଏବେ ସରକାର ଏହାକୁ କମ ମୂଲ୍ୟରେ ଉପସ୍ଥାପନ କରିବାକୁ ଯାଉଛନ୍ତି। କଂଗ୍ରେସ ସାଧାରଣ ସମ୍ପାଦକ ତଥା ମୁଖପାତ୍ର ରଣଦୀପ ସୂର୍ଯ୍ୟୱାଲା ଏହାକୁ ନେଇ ସରକାରଙ୍କୁ କାଠଗଡାରେ ଛିଡା କରିଛନ୍ତି।