ମହାନଦୀରେ ଅଘଟଣ। ମହାନଦୀର ଯୋବ୍ରା ନିକଟରେ ଗାଧୋଇଥିବା ବେଳେ ବୁଡିଯାଇଥିଲେ ୩ ଜଣ ସାଙ୍ଗ । ସେମାନଙ୍କୁ ଭିତରୁ ଜଣଙ୍କୁ ସ୍ଥାନୀୟ ଲୋକ ଉଦ୍ଧାର କରି କଟକ ବଡ଼ ମେଡ଼ିକାଲ୍ରେ ଭର୍ତ୍ତି କରିଥିଲେ। ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ତାଙ୍କ ନାଁ ହେଉଛି ସାହିଲ୍ ଖାନ୍। ତେବେ ଅନ୍ୟ ଦୁଇ ନାବାଳକଙ୍କ ପତ୍ତା ଏପର୍ଯ୍ୟନ୍ତ ମିଳିନାହିଁ। ଦମକଳ ବାହିନୀ ଓ ଓଡ୍ରାଫ ଟିମ୍ ଉଦ୍ଧାର କାର୍ଯ୍ୟ ଜାରି ରଖିଛନ୍ତି।
ସୂଚନାମୁତାବକ,ଅପରାହ୍ନରେ ଚାରିଘରିଆ ଅଞ୍ଚଳର ତିନି ସାଙ୍ଗ ମହମ୍ମଦ ସାହିଲ୍, ମହମ୍ମଦ ସିଦ୍ଦିକ୍ ଓ ଛୋଟୁ ଗାଧୋଇବାକୁ ଆସିଥିଲେ। ଗାଧୋଇବା ବେଳେ ଚୋରା ବାଲିରେ ତିନି ସାଙ୍ଗଙ୍କ ଗୋଡ଼ ଖସି ଯାଇଥିଲା।
ଫଳରେ ତିନି ସାଙ୍ଗ ନଦୀ ଗଣ୍ଡରେ ବୁଡିଯାଇଥିଲେ I ବୁଡିବାର ଚିତ୍କାର ଶୁଣି ସ୍ଥାନୀୟ ଲୋକେ ଘଟଣାସ୍ଥଳକୁ ଆସି ଗୁରୁତର ଅବସ୍ଥାରେ ତିନି ଜଣଙ୍କ ମଧ୍ୟରୁ ମହମ୍ମଦ ସାହିଲଙ୍କୁ ଉଦ୍ଧାର କରିଥିଲେ। ତାଙ୍କୁ ମେଡ଼ିକାଲ୍ ରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିବାବେଳେ ବର୍ତ୍ତମାନ ସୁଦ୍ଧା ଆଉ ଦୁଇ ଜଣଙ୍କର ପତ୍ତା ମିଳି ନାହିଁ।
Comments are closed, but trackbacks and pingbacks are open.