IPL2022 : ହାଇଦ୍ରାବାଦ ଆଗରେ ୧୫୫ ରନର ବିଜୟ ଲକ୍ଷ୍ୟ ରଖିଲା ଚେନ୍ନାଇ

ମୁମ୍ବାଇ ଡି.ଓ୍ବାଇ ପାଟିଲ ଷ୍ଟାଡିୟମ ଠାରେ ଖେଳାଯାଉଥିବା ଆଇପିଏଲ-୨୦୨୨ର ୧୭ତମ ମ୍ୟାଚରେ ହାଇଦ୍ରାବାଦ ଆଗରେ ୧୫୫ ରନର ବିଜୟ ଲକ୍ଷ୍ୟ ରଖିଛି ଚେନ୍ନାଇ । ଏହି ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ମୁକାବିଲା ହୋଇଛି ପ୍ରଥମେ ବ୍ୟାଟିଂ କରି ଚେନ୍ନାଇ ସୁପର କିଙ୍ଗ୍ସ ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ବିନିମୟରେ ୧୫୪ ରନ କରିଛି। ଏହି ମ୍ୟାଚରେ ହାଇଦ୍ରାବାଦ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଦଳ ପକ୍ଷରୁ ଦୁଇ ଓପନର ରବିନ ଉଥାପା ଓ ଋତୁରାଜ ଗାଇକ୍ବାଡ୍ ଯଥାକ୍ରମେ ୧୫ ଓ ୧୬ ରନ କରି ଆଉଟ ହେବା ପରେ ୩ ନମ୍ବରେ ବ୍ୟାଟିଂ କରିବାକୁ ଆସିଥିବା ମୋଇନ ଅଲ୍ଲି ଲଢୁଆ ବ୍ୟାଟିଂ କରି ୪୮ ରନ କରିଥିଲେ । ସେହିପରି ଅମ୍ବାତି ରାଇଡୁ ୨୭ ଓ ରବୀନ୍ଦ୍ର ଜାଦେଜା ୨୩ ରନ କରିଥିଲେ ।

ହାଇଦ୍ରାବାଦ ପକ୍ଷରୁ ଓ୍ବାସିଂଟନ ସୁନ୍ଦର ଓ ଟି.ନଟରାଜନ ୨ଟି ଲେଖାଏଁ ତଥା ଭୁବନେଶ୍ବର କୁମାର,ମାର୍କୋ ଜାନସେନ ଓ ଆଇଡେନ ମାର୍କରାମ ଗୋଟିଏ ଲେଖାଏଁ ଓ୍ବିକେଟ ନେଇଥିଲେ ।