ଗୁରୁ ଗ୍ରହ ବୃହସ୍ପତି ଙ୍କ ପାଇଁ ଧାରଣ କରନ୍ତୁ ସୁନା , କିନ୍ତୁ ଏହି ରାଶିର ବ୍ୟକ୍ତି ମାନେ ସୁନା ଧାରଣ କରିବା ଉଚିତ ନୁହେଁ

ସୁନା ଅତ୍ୟନ୍ତ ମୂଲ୍ୟବାନ ଧାତୁ Iପ୍ରତ୍ୟେକ ଧାତୁର ଗୁଣ ଏବଂ ପ୍ରଭାବ ବିଷୟରେ ଜ୍ୟୋତିଷ ଶାସ୍ତ୍ରରେ କୁହାଯାଇଛି I ଜାତକରେ ଗ୍ରହ ମାନଙ୍କର ଅବସ୍ଥିତି ଓ ପ୍ରଭାବ କୁ ନେଇ ବ୍ୟକ୍ତି ଙ୍କୁ ଧାତୁ ବ୍ୟବହାର କରିବାକୁ କୁହାଯାଇଥାଏ I ଏହା ବ୍ୟତୀତ, ରାଶିଫଳର ଗ୍ରହର ତ୍ରୁଟି ଦୂର କରିବା ପାଇଁ ସୁନା, ରୂପା କିମ୍ବା ଅନ୍ୟାନ୍ୟ ଧାତୁରେ ଅନେକ ରତ୍ନ ପିନ୍ଧିବାକୁ ପରାମର୍ଶ ଦିଆଯାଇ ଥାଏ I ଅଧିକାଂଶ ରତ୍ନ ପଥର କୁ ସୁନା ସହିତ ପିନ୍ଧାଯାଏ I ଆସନ୍ତୁ ଜାଣିବା ସୁନା ପିନ୍ଧିବାର ଲାଭ ଏବଂ କେଉଁ ରାଶିରବ୍ୟକ୍ତି ମାନେ ସୁନା ପିନ୍ଧିବା ଉଚିତ୍ ନୁହେଁ ଇ

ସୁନାର ଓ ଜ୍ୟୋତିଷ ଶାସ୍ତ୍ର
ଜ୍ୟୋତିଷ ଶାସ୍ତ୍ରରେ ବୃହସ୍ପତି ଗ୍ରହ ସହିତ ସୁନାର ସମ୍ପର୍କ ବିଷୟରେ କୁହାଯାଇଛି I ଜାତକ ରେ ଗୁରୁ ଗ୍ରହ ବୃହସ୍ପତି ଉଚ୍ଚରେ ଥିଲେ ବା ତାଙ୍କୁ ପ୍ରସନ୍ନ କରାଇବା ପାଇଁ ସୁନା ଧାରଣ କରିବାକୁ କୁହ ଯାଇଥାଏ I ବୃହସ୍ପତିଙ୍କର ପ୍ରିୟ ରଙ୍ଗ ହଳଦିଆ I ତେଣୁ ଜାତକରେ ବୃହସ୍ପତି ରହିଥିଲେ ବ୍ୟକ୍ତି ଙ୍କୁ ହଳଦିଆ ବସ୍ତ୍ର ,ଏବଂ ସୁବର୍ଣ୍ଣ ଧାତୁ ରେ ନିର୍ମିତ ଅଳଙ୍କାର ବା ଓଜନ ଅନୁସାରେ ପକ୍ଷରାଜ ରତ୍ନ ଧାରଣ କରିବାକୁ କୁହାଯାଇଥାଏ I ସୁନା ଉପରେ ବୃହସ୍ପତିଙ୍କର ଭଲ ପ୍ରଭାବ ରହିଥାଏ I ତେଣୁ ଏପରି ପରିସ୍ଥିତିରେ, ସୁନା ପିନ୍ଧିବା ବୃହସ୍ପତି ଗ୍ରହକୁ ମଜବୁତ କରିଥାଏ ଏବଂ ଜୀବନରେ ମାନ ,ସମ୍ମାନ ,ଧନ ଏବଂ ସୁଖସ୍ଵାଚ୍ଛନ୍ଦ୍ୟ ର ବୃଦ୍ଧି ହୋଇଥାଏ ଇ

ଏହି ରାଶି ର ବ୍ୟକ୍ତିମାନେ ସୁବର୍ଣ୍ଣ ଧାରଣ କରିବା ଅତ୍ୟନ୍ତ ଲାଭଦାୟକ
ମେଷ: ମେଷ ରାଶି ବ୍ୟକ୍ତି ମାନେ ସୁନାର ମୁଦି ପିନ୍ଧିବା ଲାଭଦାୟକ ହୋଇଥାଏ I ଏଥିରୁ କାର୍ଯ୍ୟ ର ନୂତନ ପନ୍ଥା ଖୋଲିଥାଏ ଏବଂ ଆୟର ଉତ୍ସ ସୃଷ୍ଟି ହୁଏ I ସେହିପରି ଋଣ ମଧ୍ୟ ମୁକ୍ତି ହୋଇଥାଏ I

ସିଂହ : ଏହି ରାଶିର ବ୍ୟକ୍ତି ଙ୍କ ପାଇଁ ସୁନା ଧାରଣ କରିବା ଲାଭଦାୟକ ହୋଇପାରେ I ବାସ୍ତବରେ ଏହି ରାଶିର ଶାସକ ଗ୍ରହ ହେଉଛନ୍ତି ସୂର୍ଯ୍ୟ I ସୂର୍ଯ୍ୟ ଏବଂ ବୃହସ୍ପତି ଗ୍ରହ ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ ସମ୍ପର୍କ ଅଛି, ତେଣୁ ଏହି ରାଶିର ବ୍ୟକ୍ତି ମାନେ ସୁନା ପିନ୍ଧିବା ତାଙ୍କ କ୍ୟାରିଅର ପ୍ରତି ଲାଭଦାୟକ ହୋଇଥାଏ I

କନ୍ୟା : ଏହି ରାଶିର ବ୍ୟକ୍ତିଙ୍କ ପାଇଁ ସୁନା ଧାରଣ କରିବା ଲାଭଦାୟକ ହୋଇଥାଏ I ଏହି ରାଶିର ବ୍ୟକ୍ତିମାନେ ସୁନା ପିନ୍ଧି ଅନେକ ସଫଳତା ଅର୍ଜନ କରିଥାନ୍ତି ଏବଂ ସେମାନଙ୍କର ଆର୍ଥିକ ଅବସ୍ଥା ସୁଦୃଢ ରହିଥାଏ I

ଧନୁ : ଏହି ରାଶିର ସ୍ୱାମୀ ହେଉଛନ୍ତି ଗୁରୁ ବୃହସ୍ପତି I ବୃହସ୍ପତି ଙ୍କ ପାଇଁ ସୁନା ଧାରଣ କରିବା ଅତ୍ୟନ୍ତ ଲାଭ ଦାୟକ ହୋଇଥାଏ I ତେଣୁ ଏହି ରାଶିର ବ୍ୟକ୍ତିଙ୍କ ପାଇଁ ସୁନା ପିନ୍ଧିବା ଶୁଭ ଅଟେ I ଏହାଦ୍ୱାରା ସେମାନେ ପ୍ରତ୍ୟେକ କାର୍ଯ୍ୟରେ ସଫଳତା ପାଇଥାନ୍ତି I

କେଉଁ ରାଶିର ବ୍ୟକ୍ତିମାନେ ସୁନା ଧାରଣ କରିବେ ନାହିଁ :

ଜ୍ୟୋତିଷ ଶାସ୍ତ୍ର ଅନୁଯାୟୀ, ବୃଷ, ମିଥୁନ, ବିଛା ଏବଂ କୁମ୍ଭ ରାଶିର ବ୍ୟକ୍ତିମାନେ ସୁନା ପିନ୍ଧିବା ଉଚିତ୍ ନୁହେଁ। ଅନ୍ୟପକ୍ଷରେ, ତୁଳା ଏବଂ ମକର ରାଶିର ବ୍ୟକ୍ତି ମାନେ ଅଳ୍ପ ପରିମାଣରେ ସୁନା ଅଳଙ୍କାର ପିନ୍ଧିବା ଉଚିତ୍ I

• ଯଦି ଆପଣ ବିବାହିତ ଜୀବନକୁ ଖୁସି କରିବାକୁ ଚାହାଁନ୍ତି, ତେବେ ବେକରେ ଏକ ସୁନା ଚେନ୍ ପିନ୍ଧନ୍ତୁ |
• ଯଦି ସନ୍ତାନ ସନ୍ତତିରେ ବିଳମ୍ବ ଘଟୁଥାଏ , ତେବେ ଆଙ୍ଗୁଠିରେ ସୁନା ମୁଦି ପିନ୍ଧିବା ଉଚିତ୍ ଇ
• ସୁନା ଉଭୟ ଶକ୍ତି ଏବଂ ଉତ୍ତାପ ଉତ୍ପାଦନ କରିବା ସହିତ ବିଷର ପ୍ରଭାବକୁ ମଧ୍ୟ ଦୂର କରିଥାଏ
• ଯଦି ଥଣ୍ଡା କିମ୍ବା ଶ୍ୱାସ ଜନିତ ରୋଗ ଥାଏ , ତେବେ କାନି ଆଙ୍ଗୁଠିରେ ସୁନା ମୁଦି ପିନ୍ଧନ୍ତୁ
• ଯଦି ଆପଣ ଅତ୍ୟନ୍ତ ପତଳା ତେବେ ସୁନା ଧାରଣ କରନ୍ତୁ
• ସୁନା ଧାରଣ କଲେ ଗଳା,ହାତ,ପାଦ,ଏବଂ ଛାତି ର କଷ୍ଟ ଦୂର ହୋଇଥାଏ I
  
• କୁହାଯାଇଥାଏ ସୁନା ,ସୁନାକୁ ଆକର୍ଷିତ କରିଥାଏ ତେଣୁ ସ୍ତ୍ରୀ ପୁରୁଷ ସମସ୍ତେ ଗଳାରେ ସୁନା ଚେନ ପିନ୍ଧି ପାରିବେ I