ଜିଲ୍ଲା ପରିଷଦ ଅଧ୍ୟକ୍ଷ ନିର୍ବାଚନ :୩୦ ଜିଲ୍ଲାରୁ ୩୦ ଆସନ ହାତେଇଲା ବିଜେଡି

ରାଜ୍ୟରେ ଆଜି ହୋଇଯାଇଛି ଜିଲ୍ଲା ପରିଷଦ ଅଧ୍ୟକ୍ଷ ନିର୍ବାଚନ I ପଂଚାୟତ ନିର୍ବାଚନ ର ଐତିହାସିକ ବିଜୟ ପରେ ୩୦ଟି ଯାକ ଜିଲ୍ଲାରେ ଜିଲ୍ଲା ପରିଷଦ ଅଧ୍ୟକ୍ଷ ଆସନ ହାସଲ କରିଛି ବିଜେଡି । ଏହି ଆସନ ହାସଲ କରି ପ୍ରଥମ ଥର ପାଇଁ ରାଜ୍ୟରେ ଶାସକ ଦଳ କୁ ମିଳିଛି ବଡ଼ ସଫଳତା I
ଗତଥର ନିର୍ବାଚନ ରେ ଯେଉଁ ସବୁ ଜିଲ୍ଲାରେ ବିଜେଡି ପରାଜୟ ହୋଇଥିଲେ ଏଥର ସେହି ସବୁ ଜିଲ୍ଲାରେ ବହୁ ବ୍ୟବଧାନରେ ବିଜୟୀ ହୋଇଛି ବିଜେଡି । ତେବେ ପଂଚାୟତ ନିର୍ବାଚନ ପରି ଜିଲ୍ଲା ପରିଷଦ ଅଧ୍ୟକ୍ଷ ନିର୍ବାଚନ ରେ ମଧ୍ୟ ବିଜେପି ପ୍ରତ୍ୟାଖ୍ୟାତ ହୋଇଛି I ଓଡ଼ିଶାର ଗାଁ ରାଜନୀତିରେ ବିଜେପି ନିଶ୍ଚିହ୍ନ ହୋଇଛି କହିଲେ ଚଳେ I ରବିବାର ଅନୁଷ୍ଠିତ ଜିଲ୍ଲା ପରିଷଦ ଅଧ୍ୟକ୍ଷ ନିର୍ବାଚନର ଫଳାଫଳରୁ ଏହା ସ୍ପଷ୍ଟ ହୋଇଛି ।
ଚଳିତ ପଞ୍ଚାୟତ ନିର୍ବାଚନରେ ରାଜ୍ୟର ୮୫୩ ଜିଲ୍ଲା ପରିଷଦ ଜୋନରୁ ୮୫୧ରେ ନିର୍ବାଚନ ଅନୁଷ୍ଠିତ ହୋଇଥିଲା । ସେଥିରେ ବିଜେଡି ଏକତରଫା ଭାବେ ୭୬୬ ଜୋନରେ ବିଜୟ ଲାଭ କରିଥିଲା । ବିରୋଧୀ ବିଜେପି ୪୨ଟି, ଓ କଂଗ୍ରେସକୁ ୩୭ଟି ଆସନ ମିଳିଥିବା ବେଳେ ୭ଟି ଆସନ ଅନ୍ୟାନ୍ୟ ଖାତାକୁ ଯାଇଥିଲା । ସବୁ ଜିଲ୍ଲାରେ ବିରୋଧୀଙ୍କ ଠାରୁ ଢ଼େର ଅଧିକ ଆସନ ଜିତି ଥିବାରୁ ବିଜେଡି ସବୁ ଠାରେ ପରିଷଦ ଗଠନ କରିବା ନେଇ ସ୍ପଷ୍ଟ ହୋଇଥିଲା । କେବଳ କଂଗ୍ରେସ କୋରାପୁଟ ଜିଲ୍ଲାରେ ଆସନ ଜିତିବାରେ ୨ ଅଙ୍କ ଛୁଇଁଥିଲା । ତେବେ ନିର୍ବାଚନର ନିୟମ ଅନୁଯାୟୀ ଏଥର କ୍ରସ ଭୋଟିଂ ହେବାର ସମ୍ଭାବନା ମଧ୍ୟ କମ୍ ଥିଲା । ତେଣୁ ପ୍ରଥମ ଥର ପାଇଁ ବିଜେଡି ରାଜ୍ୟର ସମସ୍ତ ଜିଲ୍ଲା ପରିଷଦ ଅଧ୍ୟକ୍ଷ ପଦ ହାସଲ କରି ରେକର୍ଡ କରିଛି ବିଜେଡି । ଆସନ୍ତୁ ଜାଣିବା କେଉଁ ଜିଲ୍ଲାରେ କିଏ ହେଲେ ଜିଲ୍ଲା ପରିଷଦ ଅଧ୍ୟକ୍ଷ :
ଅନୁଗୁଳ- ବବିତା ପ୍ରଧାନ

ବାଲେଶ୍ଵର- ନାରାୟଣ ପ୍ରଧାନ

ବଲାଙ୍ଗିର- ଦେବକୀ ସାହୁ

ବରଗଡ- ମାନିନୀ ଭୋଇ

ଭଦ୍ରକ- ପ୍ରଫୁଲ୍ଲ ଜେନା

ବୌଦ୍ଧ- ପ୍ରଭାସିନୀ ଦାସ

କଟକ- କିଶୋର ଚନ୍ଦ୍ର ମିଶ୍ର

ଦେବଗଡ- କୌଶିକ କୁମାର ପ୍ରଧାନ

ଢେଙ୍କାନାଳ- ଅର୍ଚ୍ଚନା ପୁହାଣ

ଗଜପତି- ଜି.ତିରୁପତି ରାଓ

ଗଞ୍ଜାମ- ଅଞ୍ଜଳି ସ୍ଵାଇଁ

ଯାଜପୁର- ନଳିନୀପ୍ରଭା ଜେନା

ଜତସିଂହପୁର- ମନୋଜ କୁମାର ଭୋଇ

ଝାରସୁଗୁଡା- ତୁଳାବତୀ ମିଞ୍ଜ

କନ୍ଧମାଳ- ନନ୍ଦିନୀ ମଲ୍ଲିକ

କଳାହାଣ୍ଡି- ପୁଷ୍ପେନ୍ଦ୍ର କୁମାର ସିଂହଦେଓ

କେନ୍ଦୁଝର- ସାଗରୀକା ସାହୁ

କେନ୍ଦ୍ରାପଡା- ଗୀତାଞ୍ଜଳି ସେଠୀ

କୋରାପୁଟ- ସସ୍ମିତା ମେଲେକା

ଖୋର୍ଦ୍ଧା- ରୂପଶ୍ରୀରାଣୀ ଗୁମାନସିଂ

ମାଲକାନଗିରି- ସମାରୀ ରାଙ୍ଗୁଲୁ

ମୟୂରଭଞ୍ଜ- ଭାରତୀ ହାଂସଦା

ନବରଙ୍ଗପୁର- ମୋତିରାମ ନାୟକ
ଗୁରୁତ୍ୱପୂର୍ଣ୍ଣ କଥା ହେଉଛି ମାଲକାନଗିରି ଜିଲ୍ଲା ପରିଷଦ ଅଧ୍ୟକ୍ଷ ପଦ ଏଥର ସ୍ୱାଭିମାନ ଅଂଚଳର ବିଜେଡି ପ୍ରାର୍ଥୀ ସମାରି ତାଙ୍ଗୁଲୁ ଅକ୍ତିଆର କରିଛନ୍ତି । ଦୀର୍ଘ ବର୍ଷ ପରେ ମାଓ ଅଧ୍ୟୁଷିତ ସ୍ୱାଭିମାନ ଅଂଚଳରେ ପଂଚାୟତ ନିର୍ବାଚନ ହୋଇଥିଲା । ସେହିପରି ସୁନ୍ଦରଗଡ଼ରେ ଜିଲ୍ଲା ପରିଷଦ ଅଧ୍ୟକ୍ଷା ହୋଇଛନ୍ତି କୁନ୍ତୀ ପ୍ରଧାନ ସେ ପେସାରେ ଜଣେ ମହିଳା ଟେଲର I