ପୌର ନିର୍ବାଚନ : ବିଏମସି ପାଇଁ କଂଗ୍ରେସ ମେୟର ପ୍ରାର୍ଥୀ ମଧୁସ୍ମିତା ଆଚାର୍ଯ୍ୟ ଙ୍କ ନାମାଙ୍କନ ପତ୍ର ଦାଖଲ

ପୌର ନିର୍ବାଚନ ପାଇଁ ଆଜି ହେଉଛି ୫ ଦିନ I ଗତ ୨ ତାରିଖ ରୁ ଆରମ୍ଭ ହୋଇଛି ନାମାଙ୍କନ ଦାଖଲ । ଆସନ୍ତା ୭ ତାରିଖ ଯାଏ ନାମାଙ୍କନ ପତ୍ର ଦାଖଲ ହେବା କୁ ଥିବାବେଳେ ମହାନଗର ନିଗମ ଠାରୁ ପୌର ପରିଷଦ ଓ ଏନଏସି ସବୁଠି ପ୍ରାର୍ଥୀଙ୍କ ଚାଲିଛି ନାମାଙ୍କନ ପତ୍ର ଦାଖଲ । ନାମାଙ୍କନ ଦାଖଲର ସମୟ ସରିଆସୁଥିବାବେଳେ ପ୍ରାର୍ଥୀମାନେ ନିଜ ନିଜ ସମର୍ଥକଙ୍କ ଗହଣରେ ଆସି ପ୍ରାର୍ଥୀପତ୍ର ଦାଖଲ କରୁଛନ୍ତି । ଫଳରେ ଅତିରିକ୍ତ ଜିଲ୍ଲାପାଳ ଙ୍କ ଅଫିସ ଗୁଡିକରେ ନାହିଁ ନ ଥିବା ଭିଡ଼ ଦେଖାଯାଉଛି I ଆଜି ଦଳୀୟ ସମର୍ଥକଙ୍କ ଗହଣରେ ଆସି ଭୁବନେଶ୍ୱର ମହାନଗର ନିଗମର କଂଗ୍ରେସର ମେୟର ପ୍ରାର୍ଥୀ ମଧୁସ୍ମିତା ଆଚାର୍ଯ୍ୟ ଅତିରିକ୍ତ ଜିଲ୍ଲାପାଳ ଙ୍କ ଅଫିସ ର ନିଜର ନାମାଙ୍କନ ପତ୍ର ଦାଖଲ କରିଛନ୍ତି । ସେହିପରି ମହାନଗର ନିଗମର ବିଭିନ୍ନ ୱାର୍ଡ ପାଇଁ କର୍ପୋରେଟର ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି । ସେପଟେ ଆଜି କଟକ ମହାନଗର ନିଗମ ମେୟର ପଦ ପାଇଁ ବିଜେପି ଅଭିନେତାରୁ ନେତା ବନିଥିବା ଶ୍ରୀତମ ଦାସଙ୍କୁ ପ୍ରାର୍ଥୀ କରିଛି । ଏନେଇ ଦଳ ପକ୍ଷରୁ ବିଧିବଦ୍ଧ ଭାବରେ ଘୋଷଣା କରାଯାଇଛି ।