ପଢା ପଢି କିମ୍ବା ଚାକିରୀ ପାଇଁ ସରସ୍ବତୀ ପୂଜାରେ କରନ୍ତୁ ଏହି ବାସ୍ତୁ ଉପାୟ

ସରସ୍ୱତୀ ପୂଜା ଦିନ ଅର୍ଥାତ୍ ବସନ୍ତ ପଞ୍ଚମୀ ଦିନଟି ବିଦ୍ୟାର୍ଥୀ , କଳା ର ପୂଜାରୀ ମାନଙ୍କ ପାଇଁ ହୋଇଥାଏ ଖାସ ଦିନ I ଏହା ଛଡା ଯେଉଁମାନେ ନିଜ କ୍ୟାରିଅରରେ ଉନ୍ନତି କରିବାକୁ ଚାହୁଁଛନ୍ତି ସେମାନଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ | ଶିକ୍ଷାର ଦେବୀ ସରସ୍ୱତୀଙ୍କୁ ପୂଜା କରି ତାଙ୍କ ଆଶୀର୍ବାଦ ପାଇବା ପାଇଁ ଏହି ଦିନ ବର୍ଷର ସବୁଠାରୁ ବିଶେଷ ଦିନ I

ଶିକ୍ଷା ଏବଂ ବୃତ୍ତିରେ ଅଗ୍ରଗତି ପାଇଁ ମାତା ସରସ୍ୱତୀଙ୍କ ଆଶୀର୍ବାଦ ଅତ୍ୟନ୍ତ ଗୁରୁତ୍ୱପୂର୍ଣ୍ଣ I ତାଙ୍କ ଅନୁଗ୍ରହରେ, ବ୍ୟକ୍ତିଙ୍କର ଏକାଗ୍ରତା ଏବଂ ବୁଦ୍ଧି ପ୍ରାପ୍ତ ହୁଏ, ଯେଉଁଥିପାଇଁ ବ୍ୟକ୍ତି ଜୀବନର ପ୍ରତ୍ୟେକ କାର୍ଯ୍ୟରେ ସଫଳ ହୁଅନ୍ତି I ଯଦି ବାସ୍ତୁ ଶାସ୍ତ୍ର ରେ ଏବଂ ଜ୍ୟୋତିଷ ଶାସ୍ତ୍ରରେ ଉଲ୍ଲେଖ କରାଯାଇଥିବା ଏହି ନିୟମ ଗୁଡିକ ପ୍ରତି ଧ୍ୟାନ ଦେବା , ତେବେ ଜୀବନରେ ସଫଳତା ପାଇବା ଅସମ୍ଭବ ନୁହେଁ I ଏହି ବର୍ଷ ବସନ୍ତ ପଞ୍ଚମୀ ୫ ଫେବୃଆରୀ, ଶନିବାର ଦିନ ପାଳନ କରାଯାଉଛି I
ତେବେ ଆସନ୍ତୁ ଜାଣିବା :

ସରସ୍ୱତୀ ପୂଜା ରେ ସଫଳତା ପାଇଁ ବାସ୍ତୁ ପ୍ରତିକାର
ବସନ୍ତ ପଞ୍ଚମୀ ଦିନ, ନିଜ ପଢା ରୁମ ରେ ମାତା ସରସ୍ୱତୀଙ୍କ ଏକ ଚିତ୍ର ରଖନ୍ତୁ , ଯେଉଁଠାରୁ ପାଠପଢିବା କିମ୍ବା କାର୍ଯ୍ୟ କରିବା ସମୟରେ ମାତା ସରସ୍ୱତୀଙ୍କଫୋଟୋ ଉପରେ ଆପଣଙ୍କରନଜର ପଡୁଥିବ I ଏହା ଏକାଗ୍ରତା ସହିତ ବୁଦ୍ଧି ବଢ଼ାଇଥାଏ ଯାହାଦ୍ୱାରା ପ୍ରତ୍ୟେକ ପରୀକ୍ଷା-ସାକ୍ଷାତକାରରେ ସଫଳତାଆଣିଥାଏ I

ପାଠ ପଢା ସ୍ଥାନରେ ଯଦି କୌଣସି ବାସ୍ତୁ ତ୍ରୁଟି ଥାଏ, ତେବେ ତାହା ଆଜି ସରସ୍ୱତୀ ପୂଜା ଦିନରେ ଏହାକୁ ଦୂର କରନ୍ତୁ I ଯେମିତିକି ଆପଣଙ୍କ ପଢା ଟେବୁଲ , କାନ୍ଥ ଠାରୁ ଅଳ୍ପ ଦୂରରେ ରହିବ ଦରକାର ,କାନ୍ଥକୁ ଲଗାଇ ରଖିଲେ ଏହା ବସ୍ତୁ ତ୍ରୁଟି ଦେଇଥାଏ I

ସେହିପରି ଚାକିରି ଖୋଜୁଥିବା କିମ୍ବା ଚାକିରି ପାଇଁ ପରୀକ୍ଷା-ସାକ୍ଷାତକାର ପାଇଁ ପ୍ରସ୍ତୁତ ହେଉଥିବା ଲୋକମାନେ ଉତ୍ତର ଦିଗରେ ବସି ଅଧ୍ୟୟନ କରିବା ଉଚିତ୍ I ଏହାଦ୍ୱାରା ଆପଣଙ୍କୁ ଖୁବ ଶୀଘ୍ର ଏକ ଭଲ ଚାକିରି ପାଇଁ ପାରିବେ I

ପଢା ରୁମ ସବୁବେଳେ ପଶ୍ଚିମରେ ନୈଋତ ଦିଗରେ ରହିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ I ଏହା ବ୍ୟତୀତ ରୁମର ରଙ୍ଗ ହାଲୁକା ଧଳା କିମ୍ବା ହାଲୁକା କ୍ରିମ୍ ରଙ୍ଗ ହେଲେ ପାଠ ପଢ଼ାରେ ଏକାଗ୍ରତା ବୃଦ୍ଧି ପାଇଥାଏ I

ଯଦି କୌଣସି ଚାକିରୀ ବା କାର୍ଯ୍ୟକରିବା ପାଇଁ ଲକ୍ଷ୍ୟ ହାସଲ କରିବାରେ ଅସୁବିଧା ହେଉଥାଏ , ତେବେ ସରସ୍ୱତୀ ପୂଜା ଦିନ, ଏକ ବଡ଼ କାର୍ଡ ବୋର୍ଡ ଉପରେ ନିଜର ଲକ୍ଷ୍ୟ ଲେଖନ୍ତୁ ଏବଂ ଏକ ଭିଜନ୍ ବୋର୍ଡ ତିଆରି କରି କୋଠରୀରେ ରଖନ୍ତୁ I ଏହା ଦ୍ୱାରା , ସ୍ୱୟଂଚାଳିତ ଭାବରେ ଆପଣଙ୍କୁ ନିଜର ଲକ୍ଷ୍ୟ ଆଡକୁ ଯିବାର ଉପାୟ ମିଳିଯିବ I

ଚେଷ୍ଟା କରନ୍ତୁ ଯେ ଆପଣଙ୍କର ପଢା ଟେବୁଲ୍ ବର୍ଗାକାର ପରିବର୍ତ୍ତେ ଆୟତାକାର ହେବା ଉଚିତ ଏବଂ ଟେବୁଲ୍ ସୁନ୍ଦର ଭାବରେ ସଜାଯିବା ଉଚିତ I ମା’ସରସ୍ବତୀ ପ୍ରସନ୍ନ ହେବI ସହିତ କାର୍ଯ୍ୟ କିମ୍ବା ପଢା ସମୟରେ ସକରାତ୍ମକତା ବୃଦ୍ଧି ପାଇଥାଏ I
ପାଠ ପଢିବା ସମୟରେ କିମ୍ବା ଚାକିରୀ ସମ୍ବନ୍ଧୀୟ କୌଣସି କାର୍ଯ୍ୟ କରିବା ସମୟରେ ଆପଣଙ୍କ ଚେହେରା ସର୍ବଦା ପୂର୍ବ କିମ୍ବା ଉତ୍ତର ଦିଗରେ ରହିବା ଉଚିତ୍ ଇ ଆପଣଙ୍କ ପିଠି କାନ୍ଥ ପଟକୁ ରହିଲେ ଶୀଘ୍ର ସଫଳତା ମିଳିଥାଏ I

ଯଦି କଠିନ ପରିଶ୍ରମ କରିବା ପରେ ମଧ୍ୟ ପଢା ପଢି ରେ ଭଲ ଫଳ ମିଳୁ ନାହିଁ, ତେବେ ଆପଣ ପଶ୍ଚିମ ଦିଗରେ ବସି ପଢିବା ଉଚିତ I ବିଶ୍ୱାସ ରହିଛି ଯେ ଏହି ପ୍ରତିକାର ଦ୍ୱାରା କଠିନ ପରିଶ୍ରମ ଅନୁଯାୟୀ ଫଳ ମିଳିଥାଏ I

ପାଠ ପଢା ଆରମ୍ଭ କରିବା ପୂର୍ବରୁ ବା ଚାକିରୀ ସମ୍ବନ୍ଧୀୟ ଆବେଦନ ପତ୍ର ଭରିବା ଆଗରୁ ମା’ସରସ୍ବତୀ ଙ୍କୁ ଧ୍ୟାନ କରନ୍ତୁ ସଫଳତା ନିହାତି ମିଳିବ I