ବହୁ ତଳ ବିଶିଷ୍ଟ କୋଠାରେ ୧୮ ମହଲାରେ ଅଗ୍ନିକାଣ୍ଡ ଘଟି ୬ ମୃତ, ୧୫ ଜଣ ଆହତ,ବ୍ୟାପକ କ୍ଷୟକ୍ଷତି
ମୁମ୍ବାଇର ଏକ ୨୦ ମହଲା ବିଶିଷ୍ଟ ବହୁତଳ କୋଠା ରେ ୧୮ତମ ମହଲାରେ ଭୀଷଣ ଅଗ୍ନିକାଣ୍ଡ ଘଟିଛି I ମୁମ୍ବାଇର ତାଡଦେବ ଅଞ୍ଚଳରେ ଏହି ଘଟଣା ଘଟିଛି। କମଲା ଆପାର୍ଟମେଣ୍ଟ ରେ ଥିବା ୧୮ତମ ମହଲାରେ ଲାଗିଥିବା ଏହି ଅଗ୍ନିକାଣ୍ଡରେ ଏପର୍ଯ୍ୟନ୍ତ ୬ ଜଣ ମୃତ୍ୟୁବରଣ କରିଥିବା ବେଳେ ୧୫ରୁ ଅଧିକ ଆହତ ହୋଇଛନ୍ତି। ଏହି ବିଲଡିଂରେ ଲାଗିଥିବା ନିଆଁକୁ ଭୟଙ୍କର ଅଗ୍ନିକାଣ୍ଡ ଲେବଲ୍-୩ ପର୍ଯ୍ୟାୟରେ ଅନ୍ତର୍ଭୃକ୍ତ କରିଛି ମୁମ୍ବାଇ ଅଗ୍ନିଶମ ବାହିନୀ। ଉକ୍ତ ବିଲଡିଂରୁ ଆହତମାନଙ୍କୁ ଉଦ୍ଧାର କରାଯାଇ ୫ଟି ଆମ୍ବୂଲାନ୍ସରେ ମେଡିକାଲକୁ ପଠାଯାଇଛି। ଘଟଣାସ୍ଥଳରରେ ୧୩ଟି ଦମକଳ ଓ ୭ଟି ପାଣି ଟାଙ୍କି ନିଆଁ ଲିଭାରେ ନିୟୋଜିତ ଅଛି। ସମସ୍ତ ଆହତଙ୍କୁ ନିକଟ ଭାଟିଆ ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରୁ ୧୨ଜଣଙ୍କ ଅବସ୍ଥା ସ୍ଥିର ଥିବାରୁ ସାଧାରଣ ୱାର୍ଡରେ ଭର୍ତ୍ତି କରାଯାଇଛି ।ଘଟଣାରେ ମୃତକଙ୍କ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି ।ଏହାଛଡା ବିଲିଡିଂରେ ଫସିଥିବା ଲୋକଙ୍କୁ ସୁରକ୍ଷିତ ଭାବେ ବାହାର କରିଦିଆଯାଇଛି।
