ଚାଣକ୍ୟ ନୀତି : କାଙ୍ଗାଳି ଆସିବା ପୂର୍ବରୁ ଦେଖା ଯାଇଥାଏ ଏହି ସବୁ ଲକ୍ଷଣ

ପ୍ରତ୍ୟକ ମଣିଷ ଜୀବନରେ ଅନେକ ଭଲ ଏବଂ ଖରାପ,ଉତ୍ଥାନ ପତନ ଘଟିଥାଏ I ଯଦି ଆମେ ସାବଧାନତାର ସହିତ ଦେଖିବା, ଏହି ଘଟଣା ଘଟିବା ପୂର୍ବରୁ,କିଛି ପୂର୍ବ ଲକ୍ଷଣ ଦେଖାଇ ଥାଏ I ଏହି ସଙ୍କେତଗୁଡ଼ିକ ବେଳେବେଳେ ସାଧାରଣ ଦେଖାଯାଏ କିନ୍ତୁ ସେମାନଙ୍କର ବିଶେଷ ଅର୍ଥ ଥାଏ I ସେହି ସମୟରେ, କିଛି ଅଦ୍ଭୁତ ସଂକେତ ମଧ୍ୟ ବଡ଼ ଘଟଣାଗୁଡ଼ିକ ସମ୍ପର୍କରେ ପୂର୍ବ ସୂଚନା ଦେଇଥାଏ I ସେହିଭଳି ମହକୂଟନୀତିଜ୍ଞ ଆଚାର୍ଯ୍ୟ ଚାଣକ୍ୟ ତାଙ୍କ ନୀତିରେ ଏପରି କିଛି ସଙ୍କେତ ବିଷୟରେ କହିଛନ୍ତି, ଏହା ଆଗାମୀ ଆର୍ଥିକ ସଙ୍କଟକୁ ସୂଚାଇଥାଏ I ତେଣୁ, ଯଦି ଆମେ ଜୀବନରେ ଏହି ସବୁ ସଙ୍କେତ ପାଉଛୁ, ତେବେ ତୁରନ୍ତ ସତର୍କ ହେବା ଉଚିତ ,ଆସନ୍ତୁ ଜାଣିବା ଏହି ସଂକେତ ଗୁଡିକ ବିଷୟରେ :

ଆର୍ଥିକ ଅବସ୍ଥା ବିଗିଡ଼ିବା ପୂର୍ବର ସଂକେତ
ଯଦି ଘରେ ଦର୍ପଣ ବାରମ୍ବାର ଭାଙ୍ଗି ଯାଉଥାଏ ଅଥବା କୌଣସି କାଚ ଜିନିଷ ଭାଙ୍ଗିଯାଉଥାଏ ତେବେ ଏହା ଧନ ନଷ୍ଟ ହେବାର ସୂଚନା ଦେଇଥାଏ I ଭଙ୍ଗା କାଚକୁ ଅତ୍ୟନ୍ତ ଅପ୍ରୀତିକର ବୋଲି ଧରାଯାଏ, ତେଣୁ କେବେବି ଏହି ଭଙ୍ଗ କାଚ ଭଙ୍ଗା ପାତ୍ରକୁ ଘରେ ରଖନ୍ତୁ ନାହିଁ ତୁରନ୍ତ ଏହାକୁ ବାହାର କରିଦିଅନ୍ତୁ I

ଯଦି ଘରେ ଚଉରା ରେ ଥିବା ତୁଳସୀ ଗଛ ହଠାତ୍ ଶୁଖିଯାଏ ଏବଂ ବାରମ୍ବାର ଲଗାଇବା ପରେ ମଧ୍ୟ ଭଲ ଭାବରେ ବଢେ ନାହିଁ, ତେବେ ଏହା ଦରିଦ୍ରତା ଆସିବାର ସଙ୍କେତ ଅଟେ I ଯଦି ଏହି ଲକ୍ଷଣ ଦେଖାଯାଉଥାଏ ନିଜ ଘରର ବଜେଟ୍, ଆୟ ଏବଂ ବ୍ୟୟ ସମେତ ସମସ୍ତ ପରିସ୍ଥିତି ଉପରେ ଧ୍ୟାନ ଦିଅନ୍ତୁ , ଏବଂ ଅଯଥା ଖର୍ଚ୍ଚାନ୍ତ ହେଵା କୁ ଏଡ଼ନ୍ତୁ I

ଯଦି କ୍ଷୀର ବାରମ୍ବାର ଉତୁରି ଯାଉଥାଏ କିମ୍ବା ଲୁଣ ବାରମ୍ବାର ହାତରୁ ଖସି ପଡୁଥାଏ , ତେବେ ଏହା ମଧ୍ୟ ଆର୍ଥିକ ପରିସ୍ଥିତି ପାଇଁ ଶୁଭ ସଂକେତ ନୁହେଁ I ଏହିପରି ହେବା ଦ୍ୱାରା ଘରେ କିଛି ଆର୍ଥିକ ସଙ୍କଟର ଆଗମନକୁ ମଧ୍ୟ ସୂଚିତ କରେ I

ଯଦି ଘରେ ଅନାବଶ୍ୟକ ଝଗଡା ହଠାତ୍ ବୃଦ୍ଧି ହୁଏ ତେବେ ଏହା ମଧ୍ୟ ଭଲ ସଙ୍କେତ ନୁହେଁ I ଘରର ପରିବେଶ ଅଶାନ୍ତ ରହିଲେ ମାତା ଲକ୍ଷ୍ମୀ ସେହିସ୍ଥାନରୁ ଦୁରେଇ ଯାନ୍ତି , ଏହା ଦ୍ୱାରା ଘରର ଆର୍ଥିକ ସ୍ଥିତି ଦୋହଲି ପାରେ I ତେଣୁ ଯେତେ ସମ୍ଭବ ଘରେ ଚୁପ ରୁହନ୍ତୁ ,ପରିବେଶ କୁ ଶାନ୍ତ ରଖନ୍ତୁ I

ଯଦି ଘରର କୌଣସି ସଦସ୍ୟ ଙ୍କର ହଠାତ୍ ନିଦ ଭାଙ୍ଗି ଯାଉଥାଏ କିମ୍ବା ରାତିରେ ଭଲ ନିଦ ହେଉ ନ ଥାଏ,ଏହା ମଧ୍ୟ ଆର୍ଥିକ ସ୍ଥିତି ବିଗିଡ଼ିବାର ସଂକେତ ଦେଇଥାଏ I ଏହା ବ୍ୟତୀତ ଘରେ ହଠାତ ବୁଢିଆଣୀ ଜାଲ ବା ଅଳନ୍ଧୁ ଅତ୍ୟଧିକ ହେଉଥାଏ ଏହା ଘରେ କଳହ ସହିତ ଧନ ହାନି ର ସଂକେତ ଦେଇଥାଏ ଇ ତେଣୁ ସର୍ବଦା ଘରେ ଅଳନ୍ଧୁ ସଫା ରଖନ୍ତୁ ଏବଂ ବୁଢିଆଣୀ ଜାଲ ହେବାକୁ ଦିଅନ୍ତୁ ନାହିଁ I ଏହା ବ୍ୟତୀତ ଘରେ ବୟସ୍କ ଗୁରୁଜନ ମାନଙ୍କୁ ବାରମ୍ବାର ଅପମାନ କରିବା କିମ୍ବା ଘରର ଗୁରୁଜନ ମାନେ ସବୁବେଳେ ଦୁଖୀ ,ଅଶାନ୍ତ ରହିଲେ ମଧ୍ୟ ଦେବୀ ଲକ୍ଷ୍ମୀ ପ୍ରସନ୍ନ ହୋଇ ନ ଥାନ୍ତି I ଏହା ମଧ୍ୟ ଆର୍ଥିକ ପରିସ୍ଥିତି ବିଗିଡ଼ିବାର ସଂକେତ ଦେଇଥାଏ I ତେଣୁ, ଘରର ଗୁରୁଜନ ମାନଙ୍କୁ ସବୁବେଳେ ଆଦର ସତ୍କାର କରନ୍ତୁ ସେମାନେ ହସ ଖୁସିରେ ରହିଲେ ତାଙ୍କ ଆଶୀର୍ବାଦ ରୁ ଆପଣଙ୍କ ର ସମସ୍ତ ସମସ୍ୟା ଦୂର ହେବ, ଆପଣ ଉନ୍ନତି ର ଶିଖର ରେ ପହଞ୍ଚି ପାରିବେ I ଯଦି କୌଣସି କାରଣରୁ ଗୁରୁଜନ ମାନେ ଅଶାନ୍ତି ହେଉଥାନ୍ତି ତବେ ଏହାର ସମାଧାନ ଆପଣଙ୍କ ହାତରେ ରହିଛି ଏହାର କାରଣ ଜାଣି ଅତି ଶୀଘ୍ର ଏହାକୁ ଦୂର କରନ୍ତୁ I କ୍ରୋଧିତ ହୁଅନ୍ତି, ତେବେ ଏହାର କାରଣ ଜାଣି ସେହି ସମସ୍ୟାକୁ ହଟାନ୍ତୁ I