ମାତା ବୈଷ୍ଣୋଦେବୀ ମନ୍ଦିର ରେ ଦଳାଚକଟା :୧୨ ମୃତ ,୧୫ ଗୁରୁତର

ନୂଆ ବର୍ଷ ଅବସରରେ ଜମ୍ମୁ ସ୍ଥିତ ମାତା ବୈଷ୍ଣୋଦେବୀ ମନ୍ଦିରରେ ଅସମ୍ଭାଳ ଭିଡ଼ ଯୋଗୁଁ ଦଳଚକଟା ରେ ୧୨ ଶ୍ରଦ୍ଧାଳୁ ପ୍ରାଣ ହରାଇବା ସହିତ ୧୫ରୁ ଊର୍ଧ୍ୱ ଗୁରୁତର ହେଇଛନ୍ତି ତେବେ ବର୍ତ୍ତମାନ ପର୍ଯ୍ୟନ୍ତ ସବିଶେଷ ତଥ୍ୟ ମିଳିପାରି ନ ଥିବାବେଳେ ଆହତମାନଙ୍କ ଉଦ୍ଧାର କାର୍ଯ୍ୟ ଜାରି ରହିଛି I ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମୃତକ ଓ ଆହତଙ୍କ ପାଇଁ କ୍ଷତିପୂରଣ ରାଶି ଘୋଷଣା କରିଛନ୍ତି ।

ସୂଚନାନୁସାରେ, ଶୁକ୍ରବାର ନୂଆବର୍ଷ ପାଇଁ ଶ୍ରଦ୍ଧାଳୁମାନେ ମାତାଙ୍କ ଦର୍ଶନ ପାଇଁ ଏଠାରେ ପହଁଚିଥିଲେ । କୌଣସି କାରଣରୁ ଶ୍ରଦ୍ଧାଳୁଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା ।ରାତି ପ୍ରାୟ ୨ଟା ୪୫ରେ ଏହି ବୈଷ୍ଣୌଦେବୀ ମନ୍ଦିରରେ ଦଳଚକଟା ହୋଇ ଏହି ଅଘଟଣ ହୋଇଥିଲା । ଜମ୍ମୁ-କାଶ୍ମୀର ଡିଜିପି ଦିଲବାଗ ସିଂଙ୍କ ସୂଚନା ଅନୁସାରେ, ପରେ ପରସ୍ପରକୁ ଧକ୍କା ଦେଇଥିଲେ । ଯଦ୍ୱାରା ଦଳଟକଟା ହୋଇଥିଲା । ଏହି ଦଳାଚକଟା ସମୟରେ ଯିଏ ଯୁଆଡେ ପାରିଲେ ଦୌଡିବାକୁ ଲାଗିଥିଲେ ତେଣୁ ମୃତାହତ ଙ୍କ ସଂଖ୍ୟା ବଢି ଯାଇଥିଲା ।
ତେବେ ବର୍ତ୍ତମାନ ସୁଦ୍ଧା ସମସ୍ତ ମୃତଦାହତଙ୍କୁ କଟରା ଓ ନାରାୟଣ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ମୃତାହତଙ୍କ ସଂଖ୍ୟା ଆହୁରି ବଢିପାରେ । ମୃତକଙ୍କ ମଧ୍ୟରେ ଦିଲ୍ଲୀ, ହରିୟାଣା, ପଞ୍ଜାବ, ଜମ୍ମୁ-କାଶ୍ମୀରର ଶ୍ରଦ୍ଧାଳୁ ରହିଛନ୍ତି । ଅନ୍ୟମାନଙ୍କ ପରିଚୟ ଅସ୍ପଷ୍ଟ ରହିଛି ।ଖବର ପାଇ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । ପୋଲିସର କହିବାନୁସାରେ, ସ୍ଥିତି ଏବେ ନିୟନ୍ତ୍ରଣରେ ରହିଛି ।