କ୍ରିକେଟ ରୁ ସନ୍ୟାସ ପରେ ହରଭଜନ ସିଂ କହିଲେ ‘କାହିଁକି ଟିମରୁ ବାହାରିଲି ଆଜି ଯାଏଁ ଜାଣିନି’

ଦେଶର କିମ୍ବଦନ୍ତୀ ସ୍ପିନର ଥିବା ହରଭଜନ ସିଂ ଆକା ଭଜୀ ଅନ୍ତର୍ଜାତୀୟ କ୍ରିକେଟକୁ ଅବସର ଘୋଷଣା କରିଛନ୍ତି। ସେ ବର୍ତ୍ତମାନ ଜୀବନରେ ଏକ ନୂତନ ଭୂମିକା ପାଇଁ ନିଜକୁ ପ୍ରସ୍ତୁତ କରୁଛନ୍ତି I ରାଜନୀତିରେ ଯୋଗଦେବାର ସମ୍ଭାବନା ଏଥିରେ ଅନ୍ତର୍ଭୁକ୍ତ I
ତେବେ କ୍ରିକେଟରୁ ସନ୍ନ୍ୟାସ ଘୋଷଣା କରିବା ପରେ ଭଜ୍ଜି ଏବେ ଏକ ବଡ ବୟାନ ଦେଇଛନ୍ତି । ଏହି ବୟାନରେ ସେ ପୂର୍ବ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କୁ ନେଇ କିଛି ମନ୍ତବ୍ୟ ରଖିବା ସହିତ, ତାଙ୍କୁ ଦଳରୁ କାହିଁକି ବାହାର କରାଯାଇଥିଲା ସେ ନେଇ ମଧ୍ୟ ମତ ରଖିଛନ୍ତି ।
ଏକ ଜାତୀୟ ସ୍ତରର ଘରୋଇ ଚାନେଲକୁ ନିଜର ସାକ୍ଷାତ୍କାର ଦେଇ ହରଭଜନ କହିଛନ୍ତି, ମୋତେ ଯେତେବେଳେ ୩୧ ବର୍ଷ ହୋଇଥିଲା ସେତେବେଳକୁ ମୁଁ ଟେଷ୍ଟରେ ୪୦୦ ୱିକେଟ୍ ନେଇସାରିଥିଲି । ଯଦି ମୁଁ ଏତେ କମ୍ ବର୍ଷରେ ୩୦୦ ୱିକେଟ୍ ନେଇସାରିଥିଲି, ତେବେ ଆଗାମୀ ୮ରୁ ୯ ବର୍ଷ ଭିତରେ ମୁଁ ଆଉ ୧୦୦ରୁ ଅଧିକ ୱିକେଟ୍ ନେଇପାରିଥାନ୍ତି । ହେଲେ ଏହାପରେ ମୋତେ ଆଉ ଖେଳିବାକୁ ସୁଯୋଗ ଦିଆଯାଇନଥିଲା । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି, ମୋତେ ଦଳରେ ଚୟନ ମଧ୍ୟ କରାଯାଇନଥିଲା ବୋଲି ହରଭଜନ ଏହି ଇଣ୍ଟରଭ୍ୟୁରେ କହିଛନ୍ତି । ଏହା ଛାଡ ସେ କହିଛନ୍ତି କି ଯଦି ଆପଣ ଗୋଟିଏ ଦିନରେ ୱିକେଟ୍ ନେଇଛନ୍ତି ଆଉ ତା ପରଦିନ ଆପଣଙ୍କୁ ଡ୍ରପ କରାଯାଏ ,ତେବେ ଆପଣଙ୍କୁ କେମିତି ଲାଗିବ I ମୁ ନିଜ ଇଛାରୁ କ୍ରିକେଟ ଛାଡି ନ ଥିଲି ,ମୋତେ ସାଇଡ କରି ଦିଆଯାଇଥିଲା ,ମୋତେ ଅଣଦେଖା କରାଯାଇଥିଲା ଏ ପରିକି ଚୟନକର୍ତ୍ତାଙ୍କ ଠାରୁ ମୁ କୌଣସି ଉତ୍ତର ମଧ୍ୟ ପାଇ ନ ଥିଲି କି ମୋତେ କାହିଁକି ବାହାର କରାଗଲା I ଜଣେ ବରିଷ୍ଠ ଖେଳାଳି ଙ୍କୁ ବିନା କାରଣରେ ବାହାର କରିଥିବାରୁ ,ହୁଏତ କେବେ ତାଙ୍କୁ ଅନୁଭବ ହେଇପାରେ I ଭଗବାନ ଉପରେ ଅଛନ୍ତି ସେ ନିଶ୍ଚୟ ନ୍ୟାୟ ଦେବେ I ଜୀବନ ଖାଲି କ୍ରିକେଟ ନୁହେଁ ,ଜୀବନ ଏକ ଲମ୍ବା ରେସ I