ବଦଳିବେ ରିଲାଏନ୍ସ ମୁଖ୍ୟ : ଯୁବ ପିଢ଼ି ଙ୍କୁ ଗୁରୁତ୍ତ୍ଵ

ରିଲାଏନ୍ସ ଇଣ୍ଡଷ୍ଟ୍ରିର ମୁଖ୍ୟ ମୁକେଶ ଅମ୍ବାନୀ ପ୍ରଥମଥର ପାଇଁ ରିଲାଏନ୍ସ ଇଣ୍ଡଷ୍ଟ୍ରିର ପ୍ରମୁଖ ରୂପେ ଉତ୍ତରାଧିକାରୀ ଘୋଷଣା କରାଯିବାକୁ ନେଇ ସୂଚନା ଦେଇଛନ୍ତି।
ରିଲାଏନ୍ସ ଫ୍ୟାମିଲି ଡେ’ କାର୍ଯ୍ୟକ୍ରମକୁ ସମ୍ବୋଧନ କରିବା ବେଳେ ଅମ୍ବାନୀ ଏହି କଥା କହିଛନ୍ତି। ଉତ୍ତରାଧିକାରୀ ଯୋଜନା ଉପରେ ପ୍ରଥମ ଥର ପାଇଁ ଆରଏଲ ମୁଖ୍ୟ କହିଛନ୍ତି ଯେ ଯୁବପିଢ଼ୀ ବର୍ତ୍ତମାନ ନେତୃତ୍ୱ ଗ୍ରହଣ କରିବାକୁ ପ୍ରସ୍ତୁତ ଅଛନ୍ତି। ତାଙ୍କ ପିତା ଧିରୁ ଭାଇ ଅମ୍ବାନୀଙ୍କ ଜନ୍ମଦିନରେ ଆୟୋଜିତ କାର୍ଯ୍ୟକ୍ରମରେ ଉତ୍ତରାଧିକାରୀ ହସ୍ତାନ୍ତର ପ୍ରକ୍ରିୟା ଆରମ୍ଭ କରିବା ବିଷୟରେ ଅମ୍ବାନୀ ସୂଚନା ଦେଇଥିଲେ। ତେବେ ଏହି ଗ୍ରୁପର ଉତ୍ତରାଧିକାରୀ କାହାକୁ କରାଯିବ ସେ ନେଇ କିଛି କହିନହାନ୍ତି ମୁକେଶ ଅମ୍ବାନୀ ଉତ୍ତରାଧିକାରୀ ସୂତ୍ରରେ ତାଙ୍କର ଦୁଇ ପୁଅ ଆକାଶ ଏବଂ ଅନନ୍ତ ଓ ଝିଅ ଇଶା ଅମ୍ବାନୀ ଅଛନ୍ତି।
ସେ କହିଛନ୍ତି, ‘ବଡ ସ୍ୱପ୍ନ ଏବଂ ଅସମ୍ଭବ ମନେହେଉଥିବା ଲକ୍ଷ୍ୟ ହାସଲ କରିବାକୁ, ସଠିକ୍ ଲୋକଙ୍କୁ ନିୟୋଜିତ କରିବା ଏବଂ ସଠିକ୍ ନେତୃତ୍ୱ ନେବା ଆବଶ୍ୟକ। ରିଲାଏନ୍ସ ବର୍ତ୍ତମାନ ଏକ ଗୁରୁତ୍ୱପୂର୍ଣ୍ଣ ନେତୃତ୍ୱ ପରିବର୍ତ୍ତନ କରିବା ପ୍ରକ୍ରିୟାରେ ଅଛି। ଏହି ପରିବର୍ତ୍ତନ ମୋ ପିଢ଼ୀର ବୟସ୍କମାନଙ୍କ ଠାରୁ ନୂତନ ଲୋକଙ୍କ ନୂତନ ପିଢ଼ି ଯାଏଁ ଘଟିବ। ସେ ଏହି ପ୍ରକ୍ରିୟା ତ୍ୱରାନ୍ୱିତ କରିବାକୁ ଚାହୁଁଛନ୍ତି ବୋଲି ଅମ୍ବାନୀ କହିଛନ୍ତି।’
ଅମ୍ବାନୀ ତାଙ୍କ ସମ୍ବୋଧନରେ କହିଛନ୍ତି, ‘ମୋ ସମେତ ସମସ୍ତ ବୟସ୍କମାନେ ବର୍ତ୍ତମାନ ରିଲାଏନ୍ସରେ ବହୁତ ଦକ୍ଷ, ପ୍ରତିବଦ୍ଧ ଏବଂ ଦକ୍ଷ ଯୁବ ନେତୃତ୍ୱ ବିକାଶ କରିବା ଉଚିତ୍। ଆମେ ସେମାନଙ୍କୁ ମାର୍ଗଦର୍ଶନ, ସକ୍ଷମ ଏବଂ ଉତ୍ସାହିତ କରିବା ଉଚିତ୍। ଯେତେବେଳେ ସେମାନେ ଆମ ଅପେକ୍ଷା ଭଲ ପ୍ରଦର୍ଶନ କରିବାରେ ସମର୍ଥ ହୋଇଯିବେ, ଆମେ ଆରାମରେ ବସି ତାଳି ମାରିବା ଉଚିତ୍।’
ସୂଚନା ମୁତାବକ, ମୁକେଶ ଅମ୍ବାନୀ ତାଙ୍କ ବାପା ଧୀରୁଭାଇ ଅମ୍ବାନୀଙ୍କ ଦେହାନ୍ତ ପରେ ରିଲାଏନ୍ସ ଗ୍ରୁପର ମୁଖ୍ୟ ଭାବେ ଦାୟିତ୍ୱ ସମ୍ଭାଳିଥିଲେ। ଏବେ ତାଙ୍କ ବାପାଙ୍କ ଜଦ୍ମଦିନରେ ଆୟୋଜିତ କାର୍ଯ୍ୟକ୍ରମରେ ମୁକେଶ ଅମ୍ବାନୀ ଉତ୍ତରାଧିକାରୀକୁ ରିଲାଏନ୍ସ ଗ୍ରୁପ ହସ୍ତାନ୍ତର କରିବା ପ୍ରକ୍ରିୟା ଆରମ୍ଭ କରିଥିବା ନେଇ ସୂଚନା ଦେଇଛନ୍ତି।