କଟକ: ୨୦୨୪ ମସିହା ଜାନୁୟାରୀ ମାସରେ ଓଡ଼ିଶା ମୋଟ ଜିଏସଟି (କେନ୍ଦ୍ରୀୟ ଜିଏସଟି + ସମନ୍ବିତ ଜିଏସଟି + ରାଜ୍ୟ ଜିଏସଟି + ଅତିରିକ୍ତ ଟିକସ) କ୍ଷେତ୍ରରେ ଏ ଯାବତ ଦ୍ବିତୀୟ ସର୍ବାଧିକ ସଂଗ୍ରହ ହାସଲ କରୁଛି । ୨୦୨୩ ମସିହା ଜାନୁୟାରୀ ମାସରେ ରାଜ୍ୟ ୪୨୫୫.୫୯ କୋଟି ଟଙ୍କା ମୋଟ ଜିଏସଟି ସଂଗ୍ରହ କରିଥିବାବେଳେ ୨୦୨୪ ମସିହା ଜାନୁୟାରୀ ମାସରେ ଏହା ୪୯୬୩.୧୬ କୋଟି ଟଙ୍କା ମୋଟ ଜିଏସଟି ସଂଗ୍ରହ କରିଛି । ଫଳରେ ଏ କ୍ଷେତ୍ରରେ ୧୬.୬୩ ପ୍ରତିଶତ ଅଭିବୃଦ୍ଧି ହାର ହାସଲ ହୋଇଛି ।
ଚଳିତ ଆର୍ଥିକ ବର୍ଷର ଜାନୁୟାରୀ ମାସ ପର୍ଯ୍ୟନ୍ତ ୪୪୫୦୨.୮୩ କୋଟି ଟଙ୍କା ମୋଟ ଜିଏସଟି ସଂଗୃହୀତ ହୋଇଥିବାବେଳେ ୨୦୨୨-୨୩ ଆର୍ଥିକ ବର୍ଷର ଜାନୁୟାରୀ ମାସ ସୁଦ୍ଧା ହୋଇଥିବା ସଂଗ୍ରହ ତୁଳନାରେ ଏହା ୧୦.୭୮ ପ୍ରତିଶତ ଅଧିକ । ଜାନୁୟାରୀ ମାସରେ ରାଜ୍ୟ ଜିଏସଟି ଓ ସମନ୍ବିତ ଜିଏସଟି ଫଇସଲା ବାବଦକୁ ଓଡ଼ିଶା ସଂଗ୍ରହ କରିଥିବା ୨୨୭୧.୭୭ କୋଟି ଟଙ୍କା ହେଉଛି ଏ ଯାବତ ତୃତୀୟ ସର୍ବାଧିକ ସଂଗ୍ରହ । ୨୦୨୩ ମସିହା ଜାନୁୟାରୀ ମାସରେ ଏ ବାବଦରେ ହୋଇଥିବା ୧୮୦୦.୮୬ କୋଟି ଟଙ୍କାର ସଂଗ୍ରହ ତୁଳନାରେ ଏହା ୨୬.୧୫ ପ୍ରତିଶତ ଅଧ୍ବକ ।
Comments are closed, but trackbacks and pingbacks are open.