ଭୁବନେଶ୍ୱର :ଭୁବନେଶ୍ୱର ଏବଂ ସମ୍ବଲପୁରର କୁଲୁଣ୍ଡି ଠାରେ ଥିବା ସରକାରୀ ଶିକ୍ଷା ମହାବିଦ୍ୟାଳୟରେ କ୍ରୀଡ଼ା ଛାତ୍ରାବାସର ଶିକ୍ଷାର୍ଥୀର୍ଙ୍କ ପାଇଁ ୧୫% ଆସନ ସଂରକ୍ଷିତ ରହିବ । ଏନେଇ ଆସିଥିବା ପ୍ରସ୍ତାବ ଉପରେ କ୍ୟାବିନେଟର ମୋହର ଲାଗିଛି । ସରକାରୀ ଶିକ୍ଷା ମହାବିଦ୍ୟାଳୟର ଚୟନ ପ୍ରକ୍ରିୟାରେ କ୍ରୀଡ଼ା ଛାତ୍ରବାସର ଶିକ୍ଷାର୍ଥୀଙ୍କ ନିମନ୍ତେ ୫% ନମ୍ବର ମଧ୍ୟ କୋହଳ କରାଯିବ । ଯାହାଫଳରେ କ୍ରୀଡ଼ା ଛାତ୍ରାବାସର ଶିକ୍ଷାର୍ଥୀମାନେ ଶାରୀରିକ ଶିକ୍ଷାରେ ଚାକିରୀ କରିବାର ସୁଯୋଗ ପାଇପାରିବେ । ଖୋର୍ଦ୍ଧା ଜିଲ୍ଲାର ଜଟଣୀ ତହସିଲ ଅନ୍ତର୍ଗତ ଜାମୁକୋଳି ମୌଜାରେ କେନ୍ଦ୍ରୀୟ ହୋମିଓପାଥି ଗବେଷଣା ପ୍ରତିଷ୍ଠାନ ପ୍ରତିଷ୍ଠା ପାଇଁ ରାଜ୍ୟ ସରକାର ୫ ଏକର ଜମି ଯୋଗାଇଦେବେ । ଏଥିପାଇଁ ରାଜ୍ୟ ସରକାର ପ୍ରିମିୟମ ନେବେ ନାହିଁ । ଏକର ପିଛା ବାର୍ଷିକ ମାତ୍ର ୧୦୦ ଟଙ୍କା ଗ୍ରାଉଣ୍ଡ ରେଂଟ ଓ ସେସ ବାବଦକୁ ଗ୍ରାଉଣ୍ଡ ରେଂଟର ୭୫% ଦେୟ ବିନିମୟରେ ଦେବାକୁ ନିଷ୍ପତି ନେଇଛନ୍ତି । କ୍ୟାବିନେଟରେ ଏହି ପ୍ରସ୍ତାବ ଉପରେ ମଧ୍ୟ ମୋହର ଲାଗିଛି ।
କ୍ୟାବିନେଟ ବୈଠକ ପରେ ମୁଖ୍ୟ ଶାସନ ସଚିବ ସୁରେଶ କୁମାର ମହାପାତ୍ର କହିଲେଯେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ କ୍ୟାବିନେଟ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ୩୩ଟି ପ୍ରସ୍ତାବ ଉପରେ ମୋହର ଲାଗିଛି । ଜଳସମ୍ପଦ ବିଭାଗର ୬ଟି ପ୍ରସ୍ତାବକୁ କ୍ୟାବିନେଟ ଅନୁମୋଦନ ଦେଇଛନ୍ତି ।
Comments are closed, but trackbacks and pingbacks are open.