ନୂଆଦିଲ୍ଲୀ: ଟି୨୦ ବିଶ୍ୱକପରେ ଚାମ୍ପିୟନ ହେବା ପରେ ପ୍ରଥମ ମୁକାବିଲାରେ ଜିମ୍ବାୱେ ନିକଟରୁ ପରାଜୟର ସାମ୍ନା କରିଛି ଭାରତ। ଟସ୍ ଜିତି ପ୍ରଥମେ ଭାରତୀୟ ଅଧିନାୟକ ଶୁଭମନ ଗିଲ ବୋଲିଂ ନିଷ୍ପତ୍ତି ନେଇଥିଲା ବେଳେ ବୋଲରମାନେ ତାଙ୍କ ନିଷ୍ପତ୍ତିକୁ ସଠିକ ସାବ୍ୟସ୍ତ କରିଥିଲେ। ଜିମ୍ବାୱେ ୨୦ ଓଭରରେ ୯ ୱିକେଟ୍ ହରାଇ ୧୧୫ ରନ ସଂଗ୍ରହ କରିଥିଲା। ୧୧୬ ରନର ବିଜୟ ଲକ୍ଷକୁ ପିଛା କରି ଭାରତୀୟ ଟିମ୍ ପ୍ରାରମ୍ଭିକ ବିପର୍ଯ୍ୟୟର ଶିକାର ହୋଇଥିଲା। ଗୋଟିଏ ପଟେ ଅଧିନାୟକ ଶୁଭମନ ଗିଲ ଦୃଢତାର ସହିତ ବ୍ୟାଟିଂ କରୁଥିବା ବେଳେ ଅନ୍ୟ ବ୍ୟାଟରମାନେ ୱିକେଟ୍ ଫିଙ୍ଗି ଚାଲିଯାଉଥିଲେ।