ଓଡିଶାର ଘରେ ଘରେ ପରିଚିତ ସମସ୍ତଙ୍କର ଅତି ଲୋକପ୍ରିୟ ଅଭିନେତା ମିହିର ଦାସ ବର୍ତ୍ତମାନ କିଡ଼ନୀ ଜନିତ ଅସୁସ୍ଥତାରେ ହସ୍ପିଟାଲ ରେ ଅଛନ୍ତି ଇକିନ୍ତୁ ତାଙ୍କୁ ବଂଚି ଥାଉ ଥାଉ ମାରି ଦେଲା ୱିକିପିଡିଆ । ଗତ ବୁଧୁବାର ଅର୍ଥାତ ୧୪-୧୨ ରେ ଓଡ଼ିଶାର ବର୍ଷୀଆନ ଅଭିନେତାଙ୍କର ଦେହାନ୍ତ ହୋଇଯାଇଥିବା ଖବର ୱିକିପିଡିଆ ନିଜ ସାଇଟ ରେ ଅପଲୋଡ଼ କରିଥିଲା I ୱିକିପିଡିଆ ର ଏହି ଅକ୍ଷମଣୀୟ ଅପରାଧ ପରେ ଓଡ଼ିଶାବାସୀ ଙ୍କର ତୀବ୍ର ପ୍ରତିକ୍ରିୟା ପାଇଥିଲା I ଏହାପରେ ,ଗୁରୁବାର ପୁଣି ମିହିର ଦାସ ଜୀବିତ ଥିବା ଦର୍ଶାଇ ୱିକିପେଡିଆରେ ଡାଟା ଅପଡେଟ୍ କରିଛି । ତେବେ ଏହାକୁ ଘୋର ନିନ୍ଦା କରିଛନ୍ତି ଓଡ଼ିଶାବାସୀ । ଏକ ଘରୋଇ ଚାନେଲ ରେ ଏହି ବାବଦରେ ପ୍ରକାଶ ପାଇବା ପରେ ଘଟଣା ପଦାକୁ ଆସିଥିଲା I
ଆପଣଙ୍କ ଟିଭି ସ୍କ୍ରିନରେ ରହିଛି ଓଡିଶାର ଲୋକ ପ୍ରିୟ ଅଭିନେତା ମିହିର ଦାସଙ୍କ ବାବଦରେ ୱିକିପେଡିଆର ଦୁଇ ଦିନର ସ୍କ୍ରିନ ସଟ୍ । ପ୍ରଥମଟି ବୁଧବାର ରାତିର ହୋଇଥିବାବେଳେ ଅନ୍ୟଟି ଗୁରୁବାରର । ବୁଧବାର ରାତିରେ ଥିବା ୱିକିପେଡିଆର ତଥ୍ୟ କହୁଛି ମିହିର ଦାସଙ୍କର ୧୪ ତାରିଖରେ ଦେହାନ୍ତ ହୋଇଯାଇଛି । କିନ୍ତୁ ଗୁରୁବାର ଦିନର ସେହି ତଥ୍ୟକୁ ହଟାଇବା ସହ ମିହିର ଦାସ ଜୀବିତ ଥିବା ଦର୍ଶା ଯାଇଛି । ୱିକିପେଡିଆର ତଥ୍ୟ ଉପରେ କୋଟି କୋଟି ଲୋକ ବିଶ୍ୱାସ କରୁଥିବାବେଳେ ଏଭଳି ଏକ ମିଛ ସୂଚନା ପ୍ରକାଶ ପାଇବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏହାକୁ ନିନ୍ଦା କରିଛନ୍ତି ଓଡିଶା ସିନେ ଆସୋସିଏସନର ସମ୍ପାଦକ ଶ୍ରୀତମ ଦାସ ।