ଭୁବନେଶ୍ୱର: ଆରମ୍ଭ ହୋଇଛି ବିଧାନସଭାର ମୌସୁମୀ ଅଧିବେଶନ । ବିଧାନସଭା ଆରମ୍ଭ ହେଉ ହେଉ ଆରମ୍ଭ ହୋଇଯାଇଛି ବିକ୍ଷୋଭ, ଧାରଣା । ବିଧାନସଭା ସମ୍ମୁଖରେ ଆଜି ଗର୍ଜୁଛନ୍ତି ଜନତା । ମୋ ଦଳର କର୍ମୀ । ୫ଟି ସଚିବଙ୍କୁ ବିରୋଧ କରି ଚାଲିଛି ନାରାବାଜି । ସମସ୍ତଙ୍କ ମୁହଁରେ ଗୋଟିଏ କତା, ସଚିବ କିଏ ? ଯଦି ସଚିବ ସବୁ କରିବେ ନେତା ନିର୍ବାଚନ କାହିଁକି ?
ଅକ୍ଷୟ କୁମାରଙ୍କ ନେତୃତ୍ୱରେ ମୋ ଦଳର ଶତାଧିକ ପୁରୁଷ ଓ ମହିଳା କର୍ମୀ ୫ଟି ସଚିବଙ୍କୁ ବିରୋଧ କରି ରାସ୍ତାକୁ ଓହ୍ଲାଇଛନ୍ତି । ପାଣ୍ଡିଆନ ଗୋ ବ୍ୟାକ ନାରା ଦେଇ ବିଧାନସଭା ସମ୍ମୁଖରେ ହଲ୍ଲାବୋଲ କରୁଛନ୍ତି । ଦଳର ଅଭିଯୋଗ ଯେ, ସଚିବ ଜିଲ୍ଲା ଜିଲ୍ଲା ଗସ୍ତ କରି ଲୋକଙ୍କ ଅଭିଯୋଗ ଶୁଣୁଛନ୍ତି । ଏପରି ସ୍ଥିତିରେ ନେତାଙ୍କର ଆବଶ୍ୟକତା ନାହିଁ । ଯଦି ସଚିବ ପାଣ୍ଡିଆନ ରାଜ୍ୟ ଚଳାଇବେ ତେବେ ବିଧାୟକ, ମନ୍ତ୍ରୀ ଘରେ ଶୁଅନ୍ତୁ ବୋଲି ସେମାନେ ଦାବି କରିଛନ୍ତି ।
କର୍ମୀମାନେ ବିଧାନସଭା ଘେରାଉ କରିବା ପାଇଁ ଯାଉଥିବାବେଳେ ପୋଲିସ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲା । ଫଳରେ ପୋଲିସ-କର୍ମୀ ଧସ୍ତାଧସ୍ତି ହୋଇଥିଲେ । ପୋଲିସ କିଛି କର୍ମୀଙ୍କୁ ଅଟକ ରଖିଥିବା ଜଣାଯାଇଛି ।
ସୂଚନାଥାଉ କି, ରାଜ୍ୟରେ ନିର୍ବାଚନ ପାଖେଇ ଆସୁଥିବେଳେ ରାଜନୀତି ଜୋର ଧରିଛି । ବିଭିନ୍ନ ଦଳ ପକ୍ଷରୁ ଶାସକ ବିଜେଡିକୁ ଘେରିବାକୁ ଚେଷ୍ଟା କରୁଛନ୍ତି ।