ବେଦ ବିଦ୍ୟାପୀଠ ର ବିଦ୍ୟାର୍ଥୀ ମାନଙ୍କୁ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏକ ବଡ ଉପହାର ଦେଇଛନ୍ତି। ବର୍ତ୍ତମାନ ବେଦ ବିଦ୍ୟାପୀଠ ମାଧ୍ୟମିକ ବୋର୍ଡର ସାର୍ଟିଫିକେଟ୍ ପାଇବାକୁ ଯୋଗ୍ୟତା ହାସଲ କରିଛି I ଏହା ସହିତ ଉଜ୍ଜୟିନ ବ୍ୟତୀତ ଦେଶର ଆଉ ପାଞ୍ଚଟି ସ୍ଥାନରେ ବେଦ ବିଦ୍ୟା ପୀଠ ପ୍ରତିଷ୍ଠାନ ଖୋଲାଯିବ। ଉଜ୍ଜୟିନ ପହଞ୍ଚିବା ପରେ କେନ୍ଦ୍ର ମନ୍ତ୍ରୀ ଉଜ୍ଜୟିନ ବିକ୍ରମ ବିଶ୍ୱବିଦ୍ୟାଳୟରେ ଡିଜି ଲକର ଶୁଭାରମ୍ଭ କରିଥିଲେ ଏବଂ ଅଡିଟୋରିୟମର ଭୁମି ପୂଜନ କରିଥିଲେ।
ଏହାପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବାବା ମହାକାଳେଶ୍ଵର ଙ୍କ ଦର୍ଶନ କରି ମହାରାଣୀ ସନ୍ଦୀପନୀ ବେଦ ବିଦ୍ୟା ପୀଠରେ ପହଞ୍ଚିଥିଲେ I ଏହି ଅବସରରେ ସେ କହିଛନ୍ତି ଯେ ବେଦ ବିଦ୍ୟା ପୀଠ ସମଗ୍ର ଦେଶରେ ୫୦୦୦ ରୁ ଅଧିକ ଛାତ୍ରଛାତ୍ରୀ ଶିକ୍ଷା ଗ୍ରହଣ କରୁଛନ୍ତି । ସେହିଭଳି ବର୍ତ୍ତମାନ ଦେଶର ଆହୂ ୫ ଟି ସ୍ଥାନରେ ବେଦ ବିଦ୍ୟା ପୀଠ ପ୍ରତିଷ୍ଠା ହେବ।
ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ବିଦ୍ୟାପୀଠ ରେ ଡିଗ୍ରୀ ଯୋଗ୍ୟତା ହାସଲ କରିବା ର କୌଣସି ବ୍ୟବସ୍ଥା ନାହିଁ। ଭାରତ ସରକାର ନିଷ୍ପତ୍ତି ନେଇଛନ୍ତି ଯେ ମହାରାଣୀ ସନ୍ଦୀପନୀ ବେଦ ବିଦ୍ୟା ପୀଠରେ ବେଦ ବିଦ୍ୟାକୁ ମାଧ୍ୟମିକ ବୋର୍ଡ ଭାବରେ ମାନ୍ୟତା ଦିଆଯିବ, ଯାହାଫଳରେ ଏହି ରୀତିନୀତି ସହ ଜଡିତ ଦେଶର ସମସ୍ତ ଛାତ୍ର ବୋର୍ଡ ପରୀକ୍ଷାରୁ ପ୍ରମାଣପତ୍ର ପାଇବେ। ଏଠାରେ ଗଣିତ, ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ଇତିହାସ, ଭୂଗୋଳ ଏବଂ ଅନ୍ୟାନ୍ୟ ବିଷୟଗୁଡ଼ିକ ଶିକ୍ଷା ଦିଆଯିବ I