ପରମପୂଜ୍ୟ ଓଡିଶୀ ଗୁରୁଶ୍ରୀ ଦେବପ୍ରସାଦ ଦାସ ଙ୍କ ୩୬ ତମ ପୁଣ୍ୟ ତିଥି ଅବସରରେ ,ଭୁବନେଶ୍ୱର ଓଡିଶୀ ନୃତ୍ୟ ଅନୁଷ୍ଠାନ ‘ତ୍ରିଧାରା’ ପକ୍ଷରୁ ରବୀନ୍ଦ୍ର ମଣ୍ଡପ ରେ ଶ୍ରଦ୍ଧାଞ୍ଜଳି ସମାରୋହ ଦିବସ ପାଳିତ ହୋଇଯାଇଛି I କାର୍ଯ୍ୟକ୍ରମଟି ସକାଳ ୧୦ ଟାରୁ ଆରମ୍ଭ ହୋଇ ସନ୍ଧ୍ୟା ୯.୩୦ ପର୍ଯ୍ୟନ୍ତ ଚାଲିଥିଲା I ମୁଖ୍ୟ ଅତିଥି ଭାବରେ ବିଧାୟକ ପ୍ରଫୁଲ୍ଲ ସାମଲ ,ଅନନ୍ତ ନାରାୟଣ ଜେନା,ଗୁରୁ ସୁଧାକର ସାହୁ ,ଓ ଗୁରୁ ସୂଦୀପ୍ତା ଦାସ ପ୍ରମୁଖ ଯୋଗ ଦେଇ ଆନୁଷ୍ଠାନିକ ଭାବରେ ଉଦ୍ଘାଟନ କରିଥିଲେ I ଉକ୍ତ କାର୍ଯ୍ୟକ୍ରମରେ ‘ତ୍ରିଧାରା’ ଅନୁଷ୍ଠାନ ର ଓଡିଶୀ ଗୁରୁ ଡ଼ଃ ଗଜେନ୍ଦ୍ର ପଣ୍ଡାଙ୍କ ପ୍ରତ୍ୟକ୍ଷ ତତ୍ୱାବଧାନରେ ନୃତ୍ୟଶିଳ୍ପୀମାନେ ଓଡିଶୀ ନୃତ୍ୟ ପରିବେଷଣ କରିଥିଲେ I
ଏଥିରେ ସାରା ଓଡିଶା ର ୪୫ ଟି ତଥା ରାଜ୍ୟବାହାରେ ଥିବା ‘ତ୍ରିଧାରା’ ର ୩୬ ଟି ଶାଖା ରେ ଥିବା ଓଡିଶୀ ନୃତ୍ୟଶିଳ୍ପୀ ମାନେ ଯୋଗ ଦେଇ ନୃତ୍ୟ ପରିବେଷଣ କରିଥିଲେ I
ଏହି ଅବସରରେ ୧୫ ଜଣ ନୃତ୍ୟ ଗୁରୁ ଙ୍କୁ ଦେବପ୍ରସାଦ ନୃତ୍ୟ ରତ୍ନ ୨୦୧୧ ପ୍ରଦାନ କରାଯାଇଥିଲା I କାର୍ଯ୍ୟକ୍ରମଟିକୁ ଡ.ଶ୍ରୀନିବାସ ଘଟୁଆରୀ ଓ ଶ୍ରୀମାନ ଚନ୍ଦନ ସାହୁ ସଂଯୋଜନା କରିଥିଲେ I ଏଥିରେ ତ୍ରିଧାରା ର କାର୍ଯ୍ୟକାରୀ ସଭାପତି ସମସ୍ତ ଅଧିବେଶନ ରେ ସଭାପତିତ୍ୱ କରିଥିଲେ I ରୀନା ପଣ୍ଡା,ବିନୀତI ନନ୍ଦ,ବର୍ଣାଳୀ ବାନାର୍ଜୀ ,ପତ୍ୟୁଷ ପତ୍ର,ପ୍ରଭୂତୋଷ ପଣ୍ଡା ଓ ଦୀପିକା ପ୍ରିୟଦର୍ଶିନୀ ପ୍ରମୁଖ ସମାରୋହ କୁ ପରିଚାଳନା କରିଥିଲେ I ଶେଷରେ ତ୍ରିଧାରା ନିର୍ଦେଶକ ଡ଼ଃ.ଗୁରୁ ଗଜେନ୍ଦ୍ର ପଣ୍ଡା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ I