ଉତ୍ତର ପ୍ରଦେଶ ନିର୍ବାଚନ ଫଳାଫଳ କୁ ନେଇ ଏକଜିଟ ପୋଲ ଆକଳନ ର ହିସାବ ସତ ହେବାକୁ ଯାଉଛି I ଉତ୍ତର ପ୍ରଦେଶ ରେ ପୁଣି ଫୁଟିବ ପଦ୍ମ I ଇତିହାସ ରଚିବ ଯୋଗୀ ସରକାର I ଉତ୍ତର ପ୍ରଦେଶ ବିଧାନସଭାର ସମସ୍ତ ୪୦୩ ଆସନରେ ଭୋଟ ଗଣତି ଜାରି ରହିଛି। ବର୍ତ୍ତମାନ ର ତାଜା ଭୋଟ ଗଣତି ଖବର ଅନୁଯାୟୀ ଉତ୍ତର ପ୍ରଦେଶ ର ସମସ୍ତ ୪୦୩ଟି ବିଧାନସଭା ଆସନରୁ ଏବେ ସୁଦ୍ଧା ୩୭୮ଟିରେ ଗଣତି ଚାଲିଛି। ଏହା ମଧ୍ୟରୁ ବିଜେପି ୨୪୯ଟି ଆସନରେ ଆଗରେ ଥିବା ବେଳେ ମୁଖ୍ୟ ବିରୋଧୀ ଅଖିଲେଶ ଯାଦବଙ୍କ ସମାଜବାଦୀ ପାର୍ଟି ୧୦୯ଟି ଆସନରେ ଲିଡ୍ କରୁଛି। କଂଗ୍ରେସ ୮ଟି, ବିଏସ୍ପି ୮ଟି ଓ ଅନ୍ୟାନ୍ୟ ଦଳ ୪ଟି ଆସନରେ ଆଗରେ ଚାଲିଛନ୍ତି। ରାଜ୍ୟରେ ସରକାର ଗଠନ ପାଇଁ ମ୍ୟାଜିକ ନମ୍ବର ହେଉଛି ୨୦୨। ତେଣୁ ବିଜେପି ଅତି ସହଜରେ ପୁଣି ଉତ୍ତର ପ୍ରଦେଶରେ ସରକାର ଗଠନ କରିବ ବୋଲି ରାଜନୈତିକ ବିଶେଷଜ୍ଞ ମାନେ ମତ ଦେଇଛନ୍ତି I