ଭୁବନେଶ୍ବର: ଓଡିଶାର ମହାପୁରଷମାନେ ଜନ୍ମ ଗ୍ରହଣ କରିଥିବା ଗ୍ରାମଗୁଡିକ ପ୍ରତି ରାଜ୍ୟ ସରକାରଙ୍କ ଦୃଷ୍ଟି ପଡିଛି। ଏଣିକି ସେହି ଗ୍ରାମଗୁଡିକ ଚିହ୍ନଟ କରାଯାଇ ବିକଶିତ କରାଯିବ। ଏ ନେଇ ସୂଚନା ଦେଇଛନ୍ତି ପଞ୍ଚାୟତିରାଜ ଓ ପାନୀୟ ଜଳ ବିଭାଗ ମନ୍ତ୍ରୀ ରବି ନାୟକ। ସେ କହିଛନ୍ତି ଯେ ଏହି କାର୍ଯ୍ୟ ସଂସ୍କୃତି ବିଭାଗ, ଗ୍ରାମ୍ୟ ଉନ୍ନୟନ ବିଭାଗ ପରି ବହୁ ବିଭାଗର ମିଳିତ ସହଯୋଗରେ କରାଯିବ। ବର୍ତ୍ତମାନ ଓଡିଶାର ବହୁ ମହାପୁରୁଷ ଜନ୍ମ ଗ୍ରହଣ କରିଥିବା ଗ୍ରାମଗୁଡିକ ଅବହେଳିତ ହୋଇ ପଡିରହିଛି। ସେହି ଗ୍ରାମବାସୀ ଯେଉଁ ଗର୍ବ କରିବା କଥା ତାହା ହୋଇପାରୁ ନାହିଁ। ସେଥିପାଇଁ ରାଜ୍ୟ ସରକାର ସେହି ଗ୍ରାମଗୁଡିକ ଚିହ୍ନଟ କରି ବିକାଶ କରିବେ। ଏହି ଚିହ୍ନଟ ପକ୍ରିୟା ପଞ୍ଚାୟତିରାଜ ବିଭାଗ ଓ ସଂସ୍କୃତି ବିଭାଗ ମିଳିତ ଭାବେ କରିବେ। ଖୁବ ଶିଘ୍ର ଏହାର ରୂପରେଖ ପ୍ରସ୍ତୁତ କରାଯିବ ବୋଲି ଜଣାପଡିଛି।