ଯାତ୍ରା ଅଭିନୟ ହେଲା ଜୀବନର ଶେଷ ଯାତ୍ରା

ଯାଜପୁର :ନାଟକରେ ଅଭିନୟ କରୁଥିବା ସମୟରେ ଶେଷ ହେଲା ଜୀବନ ନାଟକ । ମେକଅପ ନେବା ବେଳେ ଅଫେରା ରାଇଜକୁ ଚାଲି ଯାଇଛନ୍ତି ଯାତ୍ରା ନାୟକ ଜୟନ୍ତ ମହାପାତ୍ର I ଏଭଳି ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ବ୍ଲକରେ ଇ ଗତ ରବିବାର ଦିନ ଜାତ ମଞ୍ଚସ୍ଥ ପୂର୍ବରୁ ମେକଅପ ରୁମ୍ରେ ହଠାତ ସଂଜ୍ଞାହୀନ ହୋଇ ଟଳି ପଡ଼ିଥିଲେ ଜୟନ୍ତ I ତାଙ୍କୁ ହସ୍ପିଟାଲ ନେବା ପରେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ I ଏଭଳି ଦୁଖଦଃ ଖବର ଶୁଣି ହାତବାକ ହୋଇଯାଇଥିଲେ ସହ କଳାକାର I

ଘଟନାନୁସାରେ ଯାଜପୁର ଜିଲ୍ଲା ଧର୍ମଶାଳା ବ୍ଲକ ରେଖିଦେଇପୁର ପଞ୍ଚାୟତ ପାଇକରାପୁରରେ ନାଟକ ମଞ୍ଚସ୍ଥ କରୁଥିଲା ଦରବାର ଅପେରା। ରବିବାର ରାତିରେ ନାଟକ ହେବାର ଥିଲା ‘ଫଗୁଣ ଦେଇଛି ଦୁଃଖ ଛଗୁଣ’। ମେଲୋଡି ଚାଲିଥିଲା ଆଉ କଳାକାର ମାନେ ନିଜକୁ ପ୍ରସ୍ତୁତ କରିଥିଲେ। ଯାତ୍ରା ମଞ୍ଚକୁ ଯିବାପାଇଁ ନାୟକ ଜୟନ୍ତ ମହାପାତ୍ର ନିଜକୁ ପ୍ରସ୍ତୁତ କରୁଥିଲେ I ଏହି ସମୟରେ ସେ ହଠାତ ଅସୁସ୍ଥ ହୋଇ ତଳେ ପଡିଯାଇଥିଲେ I ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା I ତାଙ୍କ ଅନୁପସ୍ଥିତିରେ ଅଲଗା ନାଟକ ‘ଭାଇ ସIତ ପର ଭାରିଜା ନିଜର’,ନାଟକ ମଞ୍ଚସ୍ଥ ହେବା ପାଇଁ ଘୋଷଣା ହେଲା I ମାତ୍ର ୩ ତା ସିନ ପରେ ହସପିଟାଲରୁ ଆସିଥିଲା ଦୁଖଦଃ ଖବର I ଘଟଣା ଶୁଣିବା ପରେ ସହ କଳାକାରଙ୍କ ସହିତ ଯାତ୍ରାପ୍ରେମୀଙ୍କ ଆଖିରେ ଭରି ଯାଇଥିଲା ଲୁହର ବନ୍ୟା I ଏହା ସହିତ ନାଟକ ବନ୍ଦ ହୋଇ ଯାଇଥିଲା I ମୃତ ଜୟନ୍ତଙ୍କ ଘର ବାଲେଶ୍ୱର ଜିଲ୍ଲା ରାଜବରହମପୁର ଅଞ୍ଚଳରେ। ଆଜି ତାଙ୍କ ମରଶରୀର ନିଜ ଗାଁକୁ ନିଆଯାଇ ସେଠାରେ ଶେଷକୃତ୍ୟ ସମ୍ପନ୍ନ କରାଯାଇଥିବା ସୂଚନା ମିଳିଛି।