ଡାଳିମ୍ବ ଚୋପା ମଧ୍ୟ ଡାଳିମ୍ବ ପରି ଉପକାରୀ ,ସ୍ୱାସ୍ଥ୍ୟ ପାଇଁ ଏହାର ପ୍ରୟୋଗ ବେଶ ପ୍ରଭାବଶାଳୀ ,ଚର୍ମ ସମସ୍ୟା ପାଇଁ ଲାଭଦାୟକ ,କେଶ ସମ୍ବନ୍ଧୀୟ ସମସ୍ୟା ,ଏବଂ ହୃଦୟ କୁ ସ୍ୱାସ୍ଥ୍ୟ ରଖିବା ପାଇଁ ଏହା ଜରୁରୀ ଅଟେ ଇ ତେବେ ଏହାର ବ୍ୟବହାର ବିଷୟ ରେ ଜାଣନ୍ତୁ :
ଚର୍ମ ସମସ୍ୟା ପାଇଁ
ଡାଳିମ୍ବ ଚୋପା ସୂର୍ଯ୍ୟ-ଅତି ବାଇଗଣୀ ରଶ୍ମି ଏଜେଣ୍ଟ ଧାରଣ କରିଥାଏ I ଏହା ଆପଣଙ୍କ ଚର୍ମକୁ କ୍ଷତିକାରକ UVA କିରଣରୁ ରକ୍ଷା କରନ୍ତି ଏହାଦ୍ୱାରା ଚର୍ମ କର୍କଟ ହେବାର ଆଶଙ୍କା କମିଯାଏ I ଏହାର ଚୋପା କୁ ବ୍ୟବହାର କଲେ ସନ ଟ୍ୟାନ ବା (କଳାପ୍ୟାଚ)କୁ ମଧ୍ୟ ଅପସାରଣ କରିଥାଏ I ଏଥିପାଇଁ ଡାଳିମ୍ବ ଚୋପା କୁ ଶୁଖାଇ ତାର ଗୁଣ୍ଡ ପ୍ରସ୍ତୁତ କରନ୍ତୁ ଏହା ର ଶୁଖିଲା ପାଉଡର କୁ ଆପଣଙ୍କର ଲୋସନ କିମ୍ବା କ୍ରିମ୍ ସହିତ ମିଶାନ୍ତୁ ଏବଂ ଘରୁ ବାହାରିବାର ୨୦ ମିନିଟ୍ ପୂର୍ବରୁ ଏହାକୁ ଲଗାନ୍ତୁ I
ଡାଳିମ୍ବ ଚୋପା ଆପଣଙ୍କ ଚର୍ମରେ କୋଲାଜେନ୍ ନଷ୍ଟକୁ ରୋକିଥାଏ ଏବଂ କୋଷର ବୃଦ୍ଧିକୁ ପ୍ରୋତ୍ସାହିତ କରିଥାଏ I ଏହା ବାର୍ଦ୍ଧକ୍ୟ ଏବଂ କୁଞ୍ଚିତ ରେଖାକୁ କମାଇଥାଏ I ଦୁଇ ଚାମଚ ଡାଳିମ୍ବ ଚୋପା ପାଉଡର ନେଇ ଅଳ୍ପ କ୍ଷୀର ମିଶାନ୍ତୁ I ଯଦି ଆପଣଙ୍କର ତ୍ୱଚା ତେଲିଆ, କ୍ଷୀର ବଦଳରେ ଗୋଲାପ ଜଳକୁ ପାଉଡରରେ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ I ଏହି ପେଷ୍ଟକୁ ଆପଣଙ୍କ ମୁହଁରେ ଲଗାନ୍ତୁ ଏବଂ ଶୁଖିବା ପରେ ଉଷୁମ ପାଣିରେ ମୁହଁ ଧୋଇ ଦିଅନ୍ତୁ I ଏହା ଏକ ପ୍ରାକୃତିକ ମଶ୍ଚରାଇଜର ପରି କାର୍ଯ୍ୟ କରେ I
ପାଟି ସ୍ୱାସ୍ଥ୍ୟ ପାଇଁ :
ନିଶ୍ୱାସ ରେ ଦୁର୍ଗନ୍ଧ ,ବା ପାଟି ଦୁର୍ଗନ୍ଧ ପାଇଁ , ଦାନ୍ତ ମାଢି ଫୁଲିବା ଜନିତ ସମସ୍ୟା ଏବଂ ପାଟି ଘା’କୁ ଦୂର କରିବା ପାଇଁ ଡାଳିମ୍ବ ଚୋପା ର ପ୍ରୟୋଗ ଏକ ପ୍ରଭାବଶାଳୀ ଉପାୟ I ଡାଳିମ୍ବ ଚୋପା ପାଉଡରକୁ ଏକ ଗ୍ଲାସ୍ ପାଣିରେ ମିଶାନ୍ତୁ ଏବଂ ଏହି ମିଶ୍ରଣ ସହିତ ଗାର୍ଗଲ୍ କରନ୍ତୁ I ଆପଣ ନିଶ୍ଚୟ ଉପକୃତ ହେବେ I
ହୃଦୟ ସ୍ୱାସ୍ଥ୍ୟ ପାଇଁ
ଡାଳିମ୍ବ ଚୋପା ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟରେ ଭରପୂର ଅଟେ I ଏହା ଆପଣଙ୍କୁ ହୃଦରୋଗରୁ ରକ୍ଷା କରିଥଏ I ଡାଳିମ୍ବ ଚୋପା ଖାଇବା ଦ୍ୱାରା କୋଲେଷ୍ଟ୍ରଲ ସ୍ତର ଏବଂ ଚାପ କମିଯାଏ I ଏହା ଉଭୟ ଅକ୍ସିଡେଟିଭ୍ ଚାପ ଏବଂ ରକ୍ତଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରେ ଇ ତେଣୁ ଯଦି ଆପଣ ଏକ ଚାମଚ ଡାଳିମ୍ବ ଚୋପା ପାଉଡରକୁ ଏକ ଗ୍ଲାସ ଉଷୁମ ପାଣିରେ ମିଶାଇ ପିଇଲେ ବହୁତ ଉପକାର ପାଇବେ ଇ କିନ୍ତୁ ଯଦି ଆପଣଙ୍କ ହୃଦରୋଗ ଜଣାପଡ଼ିଥାଏ ତେବେ କୌଣସି ଉପାୟ କରିବା ପୂର୍ବରୁ ଡାକ୍ତର ଙ୍କ ପରାମର୍ଶ ଅବଶ୍ୟ ନିଅନ୍ତୁ I
କେଶ ପାଇଁ
ଡାଳିମ୍ବ ଚୋପା ପାଉଡର ଆପଣଙ୍କୁ କେଶ ଝଡିବାରେ ରୋକିଥାଏ ଏବଂ ରୁପି ସମସ୍ୟା ଦୂର କରିଥାଏ I ଆପଣ ଲଗାଉଥିବା ତେଲରେ ଡାଳିମ୍ବ ଚୋପା ର ପାଉଡରକୁ ମିଶ୍ରଣ କରନ୍ତୁ ଏବଂ ଏହାକୁ କେଶର ମୂଳରେ ଲଗାଇ ମସାଜ୍ କରନ୍ତୁ I କିଛି ସମୟ ପରେ କେଶକୁ ମାଇଲଡ ସାମ୍ପୁରେ ଧୋଇ ଦିଅନ୍ତୁ , ଅଳ୍ପ ଦିନରେ ଫରକ ଜାଣିପାରିବେ I