ଆକ୍ସନ ମୋଡରେ କୁଶୱାହା ! ଭାଙ୍ଗି ଯିବ କି ଜେଡିୟୁ ସଂଗଠନ ? ଜେଡିୟୁ ଛାଡି ଆରଏଲ୍ଜେଡିରେ ମିଶିବେ ନେତା ! ଚର୍ଚ୍ଚାରେ କୁଶୱାହା । ଉପେନ୍ଦ୍ର କୁଶୱାହା ଦଳରୁ ଇସ୍ତଫା ଦେଇଥିଲେ । ଜେଡିୟୁର ସଂସଦୀୟ ବୋର୍ଡ ଅଧ୍ୟକ୍ଷ କୁଶୱାହା ଜେଡିୟୁ ଛାଡ଼ୁଥିବା ଘୋଷଣା କରିବା ସହ ଏକ ନୂଆ ଦଳ ଆରମ୍ଭ କରିଥିଲେ । କୁଶୱାହା ତାଙ୍କ ନୂଆ ଦଳର ନାମ ଆର୍ଏଲ୍ଜେଡି ରଖିଥିବାବେଳେ ସେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଜେଡିୟୁ ଭାଙ୍ଗିବାକୁ ଯାଉଛି । ଜେଡିୟୁର ଅନେକ ବିଧାୟକ ଏବଂ ଏମଏଲସି ତାଙ୍କ ସହ ଯୋଗାଯୋଗରେ ଅଛନ୍ତି ।
ଆଗାମୀ ଦିନରେ ବହୁତ କିଛି ଘଟିବାକୁ ଯାଉଛି । ସେ ଏହା ମଧ୍ୟ କହିଛନ୍ତି ଯେ ସେ କେବଳ ବିଧାୟକ ଏବଂ ଏମଏଲସିମାନଙ୍କ ସହ ଯୋଗାଯୋଗରେ ନାହାଁନ୍ତି, ଏହା ବ୍ୟତୀତ ଅନେକ ଜେଡିୟୁ ନେତା ତାଙ୍କ ସହ ଯୋଗାଯୋଗରେ ଅଛନ୍ତି, ଯାହାର ଖୁବ ଶୀଘ୍ର ଖୁଲାସା ହେବ । ଜେଡିୟୁ ଭାଙ୍ଗିବା ପ୍ରଶ୍ନରେ ଉପେନ୍ଦ୍ର କହିଛନ୍ତି ଯେ ଜେଡିୟୁରେ କଣ ବାକି ଅଛି? ଜେଡିୟୁ ଏକ ଖାଲି ଘର ପରି ରହିଛି । ବର୍ତ୍ତମାନ ସେହି ପାର୍ଟିରେ କିଛି ବାକି ନାହିଁ ।
ଭବିଷ୍ୟତରେ ନୀତୀଶ କୁମାରଙ୍କ ସହ ପୁନର୍ବାର ହାତ ମିଳାଇବା ପ୍ରଶ୍ନରେ ଉପେନ୍ଦ୍ର କହିଛନ୍ତି ଯେ ରାଜନୈତିକ ଦୃଷ୍ଟିକୋଣରୁ ସେ ନୀତୀଶ କୁମାରଙ୍କ ସହ ହାତ ମିଳାଇପାରିବେ ନାହିଁ କିନ୍ତୁ ଆବଶ୍ୟକ ହେଲେ ସେ ନୀତୀଶ କୁମାରଙ୍କୁ ରକ୍ତ ଦେଇପାରିବେ । ସେ ପ୍ରଥମେ ନୀତୀଶ କୁମାରଙ୍କ ପାଖରେ ଠିଆ ହେବେ । ଏବେ ଉପେନ୍ଦ୍ର କୁଶୱାହା ବିହାରରେ ଯାତ୍ରା କରିବେ । ଉପେନ୍ଦ୍ର କୁଶୱାହା କହିଛନ୍ତି ଯେ ବିହାରର ସମସ୍ତ ସମାଜବାଦୀ ଲୋକଙ୍କ ନିକଟକୁ ଯାଇ ସେମାନଙ୍କୁ ଭେଟିବେ ।