କଟକ ମହିଳା ଥାନାରେ ହାଜର ହୋଇଛନ୍ତି ଗାୟକ ହ୍ୟୁମାନ ସାଗର। ତାଙ୍କ ନାଁରେ ପତ୍ନୀ ଶ୍ରୀୟା ନିର୍ଯାତନା ଅଭିଯୋଗ କଲାପରେ ପୋଲିସ ସମନ ପାଇ ହାଜର ହୋଇଛନ୍ତି ହ୍ୟୁମାନ ସାଗର। ଏଣେ ହ୍ୟୁମାନ ସାଗରଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି ଶ୍ୱଶୁର । ମଦ ପିଇ ହ୍ୟୁମାନ ସାଗର ତାଙ୍କ ଝିଅକୁ ମାନସିକ ଓ ଶାରୀରିକ ନିର୍ଯାତନା ଦିଅନ୍ତି । କେବଳ ସେତିକି ନୁହେଁ ୫ ମାସ ହେବ ସ୍ୱାମୀ ସ୍ତ୍ରୀ ଅଲଗା ରହୁଛନ୍ତି । ଅତ୍ୟାଚାର ପାଇଁ ବାଧ୍ୟ ହୋଇ ଝିଅକୁ ଘରକୁ ନେଇଆସିଥିଲୁ ବୋଲି ଶ୍ରୀୟାଙ୍କ ବାପା ଅଭିଯୋଗ କରିଛନ୍ତି।
ହ୍ୟୁମାନ ସାଗରଙ୍କ ବିରୋଧରେ ପତ୍ନୀ ଶ୍ରୀୟା ମିଶ୍ର ଘରୋଇ ହିଂସା ଓ ଦାମ୍ପତ୍ୟ କଳହ ଅଭିଯୋଗ ଆଣିବା ପରେ ଉଭୟଙ୍କୁ ଆଜି କଟକ ମହିଳା ଥାନାରେ ହାଜର ହେବା ପାଇଁ ସମନ ହୋଇଥିଲା । ଏହି ଅବସରରେ ଶ୍ରୀୟାଙ୍କ ବାପା ଓ ତାଙ୍କ ଓକିଲ ହ୍ୟୁମାନଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଛନ୍ତି ।
ହ୍ୟୁମାନ ସାଗର ମଦ ପିଇ ପତ୍ନୀଙ୍କୁ ମାରଧର କରନ୍ତି । ତାଙ୍କର ଅନ୍ୟ ଝିଅ ସହ ସମ୍ପର୍କ ଥିବା ଏବଂ ବାହାଘର ପରେ ହ୍ୟୁମାନ କୁଆଡେ ଯୌତୁକ ଦାବି କରୁଥିବା ପରି ଅଭିଯୋଗ ଆଣିଛନ୍ତି ଶ୍ରେୟାଙ୍କ ପରିବାର ଲୋକେ ।
ଅନ୍ୟପକ୍ଷେ ହ୍ୟୁମାନ ଗଣମାଧ୍ୟମ ସାମ୍ନାରେ ଏପରି ଅଭିଯୋଗକୁ ଖଣ୍ଡନ କରିଛନ୍ତି ।
ଓଡ଼ିଶାର ଲୋକପ୍ରିୟ ଗାୟକ ହ୍ୟୁମାନ ସାଗରଙ୍କ ବିରୋଧରେ ପତ୍ନୀ ନିର୍ଯାତନା ଅଭିଯୋଗ ଆଣିବା ପରେ କଟକ ମହିଳା ଥାନାରେ ଆଜି ହାଜର ହୋଇଛନ୍ତି ହ୍ୟୁମାନ ସାଗର ଓ ପତ୍ନୀ । ଥାନାରେ ହାଜର ହେବା ପାଇଁ ତାଙ୍କୁ ସମନ ହୋଇଥିଲା । ପତ୍ନୀ ଶ୍ରୀୟା ମିଶ୍ର ତାଙ୍କ ବିରୋଧରେ ଘରୋଇ ହିଂସା ଓ ଦାମ୍ପତ୍ୟ କଳହ ଅଭିଯୋଗ ଆଣିଥିଲେ ।