ଆସନ୍ତା ଜୁନ ୧୨ ତାରିଖରେ ଭାରତ ଓ ସାଉଥ ଆଫ୍ରିକା ମଧ୍ୟରେ ଅନୁଷ୍ଠିତ ହେବାକୁ ଥିବା ଟି-20 ଅନ୍ତରାଷ୍ଟ୍ରିୟ ମ୍ୟାଚ ପାଇଁ ଆଜି ପ୍ରଥମ ଟିକେଟ କିଣିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଓଡିଶା କ୍ରିକେଟ ଆସୋସିଏସନ ବା ଓସିଏର ଅଧ୍ୟକ୍ଷ ଶ୍ରୀ ପଙ୍କଜ ଲୋଚନ ମହାନ୍ତି ଓ ଓସିଏର ସେକ୍ରେଟାରୀ ଶ୍ରୀ ସଞ୍ଜୟ ବେହେରା
ମ୍ୟାଚର ପ୍ରଥମ ଟିକେଟ ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ପ୍ରଦାନ କରିଛନ୍ତି । ଏହାସହ ମୁଖ୍ୟମନ୍ତ୍ରୀଙ୍କୁ ମ୍ୟାଚର ସମସ୍ତ ପ୍ରସ୍ତୁତି ବାବଦରେ ଅବଗତ କରାଇଛନ୍ତି । ଏହି ଅବସରରେ 5T ସଚିବ ଭି.କେ ପାଣ୍ଡିୟାନ ଉପସ୍ଥିତ ଥିଲେ । ଏହା ସହ ଏଚଡ଼ିଏଫସି ବ୍ୟାଙ୍କର ଜୋନାଲ ହେଡ଼ ଶ୍ରୀ ଦୀପକ ସିଂହ ଏବଂ ଉପାଧ୍ୟକ୍ଷ ଅନିମେଷ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ ।