ଭୁବନେଶ୍ବର : ବାଲି ପଡ଼ିନଥିବାରୁ ଘଟିଛି ଦୁର୍ଘଟଣା । ଭୁବନେଶ୍ବର ଲିଙ୍ଗରାଜ ମନ୍ଦିରରେ ମହାଦୀପ ଉଠିବା ବେଳେ ଅଘଟଣକୁ ନେଇ ପ୍ରତିକ୍ରିୟା ରଖିଛନ୍ତି ଆହତ ସେବାୟତ ଯୋଗେନ୍ଦ୍ର ସମର୍ଥାଙ୍କ ପୁଅ ଅଶ୍ୱିନୀ ସମର୍ଥା। ମଶାଲରେ ଘିଅ ଅଧିକ ପରିମାଣରେ ଥିଲା । ଏହା ସହ ମନ୍ଦିର ଉପରକୁ ଉଠିବା ରାସ୍ତାରେ ପ୍ରଶାସନ ବାଲି ପକାଇବା କଥା ଯାହା କାଲି ପଡ଼ି ନଥିଲା । ପାଦରେ ଘିଅ ଲାଗିବା କାରଣରୁ ଗୋଡ ଖସି ପଡିଯାଇଛନ୍ତି ବୋଲି ଅଭିଯୋଗ କରିଛନ୍ତି ଅଶ୍ୱିନୀ । ମନ୍ଦିରର ମୁଖ୍ୟ ନିଯୋଗ ମାନେ ଅବହେଳା କରି ଆସିଛନ୍ତି । ପ୍ରଶାସନ ମଧ୍ୟ ଏଥିପ୍ରତି ଧ୍ୟାନ ଦେଇନାହିଁ । ଆମ ପାଇଁ କୌଣସି ପ୍ରକାର ଇନସୁରାନ୍ସ ବା ବୀମା ନାହିଁ । ଏହା ନିଶ୍ଚୟ ଏକ ଅଘଟଣ, କିନ୍ତୁ ଏହାର ତଦନ୍ତ ହେବା ଦରକାର ବୋଲି ଯୋଗେନ୍ଦ୍ରଙ୍କ ପୁଅ କହିଛନ୍ତି । ଅନ୍ୟପଟେ ଆହତ ସେବାୟତଙ୍କୁ ଭେଟିବା ସହ ପ୍ରତିକ୍ରିୟା ରଖିଛନ୍ତି ଭୁବନେଶ୍ବର ମେୟର ସୁଲୋଚନା ଦାସ । ମନ୍ଦିର ଚଢିବା ବାଟରେ ପ୍ରଶାସନ ବାଲି ପକାଇବାକୁ ଭୁଲିଯାଇଛି । ବାଲି ପଡ଼ିଥିଲା ଏଭଳି ଅଘଟଣ ଘଟି ନଥାନ୍ତା । ଘଟଣାକୁ ନେଇ ତଦନ୍ତ ହେବା ଦରକାର ବୋଲି ସେ କହିଛନ୍ତି । କାଲି ମହାଦୀପ ଉଠେଇବା ବେଳେ ତଳେ ପଡ଼ିଯାଇଥିଲେ ଲିଙ୍ଗରାଜ ସେବାୟତ ଯୋଗେନ୍ଦ୍ର ସମର୍ଥା । ତାଙ୍କର ମୁଣ୍ଡ ଓ ମୁହଁରେ ଗଭୀର ଆଘାତ ଲାଗିବା ସହ ଗୋଡ ଗୋଇଠି ଭାଙ୍ଗି ଯାଇଛି । ଏବେ କ୍ୟାପିଟାଲ ହସ୍ପିଟାଲରରେ ସେ ଚିକିତ୍ସାଧୀନ ଅଛନ୍ତି ।