ନିର୍ବାଚନ ପୂର୍ବରୁ ପୁଣି ଜେଲ୍ ଗଲେ ସମାଜବାଦୀ ପାର୍ଟି ନେତା ଆଜମ ଖାନ

ନୂଆଦିଲ୍ଲୀ: ଉତ୍ତର ପ୍ରଦେଶ ନିର୍ବାଚନ ପୂର୍ବରୁ ସମାଜବାଦୀ ପାର୍ଟୀର ନେତା ଆଜମ ଖାନ ପୁଣି ଥରେ ଜେଲ୍ ଯାଇଛନ୍ତି । ଆର୍ଥିକ ହେରଫେର ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟର ୪ ଦିନିଆ ରିମାଣ୍ଡ ଶେଷ ହେବା ପରେ ତାଙ୍କୁ ଆଜି ସିବିଆଇ ସ୍ୱତନ୍ତ୍ର ଅଦାଲତରେ ହାଜର କରାଯାଇଛି । ଏହା ପରେ କୋର୍ଟ ତାଙ୍କୁ ୧୦ ଦିନିଆ ନ୍ୟାୟିକ ହେପାଜତରେ ଡସନା ଜେଲକୁ ପଠାଇଦେଇଛନ୍ତି । ସୂଚନା ଥାଉ ଯେ, ମହମ୍ମହ ଅଲୀ ଜୋହର ଟ୍ରଷ୍ଟ ଏବଂ ଜୋହର ବିଶ୍ୱ ବିଦ୍ୟାଳୟରେ ଆର୍ଥିକ ଅନିୟମିତତା ମାମଲାରେ ଇଡି ତଦନ୍ତ କରୁଛି । ପ୍ରବର୍ତ୍ତନ ନିର୍ଦ୍ଦେଶାଳୟ ଖାନ ଏବଂ ଅନ୍ୟମାନଙ୍କ ବିରୁଦ୍ଧରେ ମନି ଲଣ୍ଡରିଂ ମାମଲା ଦାୟର କରିଛି। ଆଜମ ଖାନ ଏବଂ ତାଙ୍କ ସହଯୋଗୀଙ୍କ ବିରୁଦ୍ଧରେ ଉତ୍ତର ପ୍ରଦେଶ ପୋଲିସ ଦ୍ୱାରା ଦାୟର କରାଯାଇଥିବା ୫୮ ଟି ଏଫଆଇଆର ଆଧାରରେ ମାମଲା ଦାୟର କରାଯାଇଛି । ସରକାରୀ କାର୍ଯ୍ୟ ପାଇଁ ଉଦ୍ଦିଷ୍ଟ ପାଣ୍ଠି ଖାନଙ୍କ ଦ୍ୱାରା ପ୍ରୋତ୍ସାହିତ ରାମପୁରରେ ମହମ୍ମଦ ଅଲି ଜୌହର ବିଶ୍ୱବିଦ୍ୟାଳୟ ନିର୍ମାଣ ପାଇଁ ବ୍ୟବହାର କରାଯାଇଥିଲା। ଆଜମ ଖାନ ନଗର ଉନ୍ନୟନ ମନ୍ତ୍ରୀ ଏବଂ ଉତ୍ତର ପ୍ରଦେଶ ଜଳ ନିଗମ ଦାୟିତ୍ୱରେ ଥିବାବେଳେ ପଦର ଅପବ୍ୟବହାର କରି ଆର୍ଥିକ ହେରଫେର କରିଥିଲେ ।