ୟୁକ୍ରେନ ଉପରେ ଆକ୍ରମଣ ପରେ ଜାପାନ ଆନୁଷ୍ଠାନିକ ଭାବରେ ରୁଷିଆର ‘ମୋଷ୍ଟ ଫେଭରଡ୍ ନେସନ୍’ ସ୍ଥିତିକୁ ପ୍ରତ୍ୟାହାର କରି ନେଇଛି I ଯେହେତୁ ସାଧାରଣ ନାଗରିକଙ୍କ ଉପରେ ରୁଷିଆର ସାମରିକ ଅତ୍ୟାଚାର ବଢି ଚାଲିଛି, ଏହାର ପ୍ରତିବାଦରେ ଜାପାନ ଏହି ପଦକ୍ଷେପ ନେଇଛି i
ଏହା ହେଉଛି ଗତ ମାସରେ ପ୍ରଧାନମନ୍ତ୍ରୀ ଫୁମିଓ କିଶିଡାଙ୍କ ଦ୍ୱାରା ଘୋଷିତ ପ୍ରତିବନ୍ଧକ ତାଲିକାର ଏକ ଅଂଶ, ଯେଉଁଥିରେ ରୁଷିଆର ୮ ଜଣ କୂଟନୀତିଜ୍ଞ ଏବଂ ବ୍ୟବସାୟ ଅଧିକାରୀଙ୍କୁ ବହିଷ୍କାର କରିବାର ନିଷ୍ପତ୍ତି ମଧ୍ୟ ରହିଛି। ଜାପାନର ସଂସଦ ବାଣିଜ୍ୟ ସ୍ଥିତିକୁ ନେଇ ରୁଷିଆ ଉପରେ ଚାପକୁ ଆହୁରି ଜୋରଦାର କରିବ ବୋଲି ଆଶା କରାଯାଉଛି ଏବଂ ଅନ୍ୟ ଦେଶଗୁଡିକ ସାମୂହିକ ଭାବରେ ପ୍ରତିବନ୍ଧକ ଲାଗୁ କରିଛନ୍ତି।
ବହିଷ୍କୃତ ହୋଇଥିବା ୮ ଜଣ ରୁଷିୟ କୂଟନୀତିଜ୍ଞ, ଟୋକିଓରେ ଥିବା ରୁଷ ଦୂତାବାସରୁ ହାନେଡା ଅନ୍ତର୍ଜାତୀୟ ବିମାନବନ୍ଦରକୁ ଏକ ବସ୍ରେ ଯାଇ ସେଠାରେ ରୁଷିଆର ଏକ ସରକାରୀ ବିମାନରେ ସ୍ଵଦେଶକୁ ଫେରିଥିବାର ଦେଖାଯାଇଥିଲା। ଜାପାନ ପୂର୍ବରୁ ରୁଷିଆର ପ୍ରତିଶୋଧର ସମ୍ମୁଖୀନ ହୋଇଛି। ନିକଟରେ ମସ୍କୋ ଟୋକିଓ ସହିତ ଏକ ଶାନ୍ତି ଚୁକ୍ତି ଉପରେ ଆଲୋଚନାକୁ ସ୍ଥଗିତ ରଖିବାକୁ ଘୋଷଣା କରିଥିଲା, ଯେଉଁଥିରେ ଦ୍ୱିତୀୟ ବିଶ୍ୱଯୁଦ୍ଧର ଶେଷ ଭାଗରେ ଜାପାନରୁ ପୂର୍ବତନ ସୋଭିଏତ ସଂଘ ଜବରଦଖଲ କରିଥିଲା।
ଜାପାନ ମଧ୍ୟ ଶହ ଶହ ରୁଷୀୟ ବ୍ୟକ୍ତି ଏବଂ ଗୋଷ୍ଠୀଙ୍କର ସମ୍ପତ୍ତି ଫ୍ରିଜ୍ କରିଛି | ଏହା ନୂତନ ପୁଞ୍ଜି ବିନିଯୋଗ ଏବଂ ବାଣିଜ୍ୟ ଉପରେ ମଧ୍ୟ ପ୍ରତିବନ୍ଧକ ଲଗାଇଛି ଯାହା ସାମଗ୍ରୀ ରପ୍ତାନି ସହିତ ସାମରିକ ଉଦ୍ଦେଶ୍ୟରେ ବ୍ୟବହାର କରାଯାଇପାରିବ | ରୁଷର କୋଇଲା ଆମଦାନୀକୁ ବନ୍ଦ କରିବା ପାଇଁ ଜାପାନ ଯୋଜନା ମଧ୍ୟ ଘୋଷଣା କରିଛି।