ଓଡ଼ିଆ ଚଳଚ୍ଚିତ୍ର ସଂଳାପ ଲେଖକ ରଣଜିତ୍ ପଟ୍ଟନାୟକ ଙ୍କ ପରଲୋକ I ମୃତ୍ୟୁ ବେଳକୁ ତାଙ୍କୁ ୬୫ ବର୍ଷ ହୋଇଥିଲା I କଟକ ସ୍ଥିିତ ସିଡ଼ିଏ-୯ ନମ୍ବର ବାସଭବନରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି I କିଛି ଦିନ ହେଲା ସେ ଲିଭର ଜନିତ ରୋଗରେ ପୀଡିତ ହୋଇ ଚିକିତ୍ସିତ ହେଉଥିଲେ ।
ରଣଜିତ ଏକାଧାରରେ ଜଣ ଅଭିନେତା, ନିର୍ଦ୍ଦେଶକ, ନାଟ୍ୟକାର ଓ ସଙ୍ଗୀତକାର ମଧ୍ୟ । ତାଙ୍କର ପ୍ରଥମ ଚଳଚ୍ଚିତ୍ର ହେଉଛି ‘ଗୋପରେ ବଢୁଛି କଳା କହ୍ନେଇ’ । ତା ସହିତ ସେ ସଂଳାପ ଦେଇଥିବା ଲୋକପ୍ରିୟ ଫିଲ୍ମ ଗୁଡିକ ହେଉଛି ପ୍ରେମୀ ନମ୍ବର ୱାନ୍ , ବର୍ଷା ମାଇଁ ଡାର୍ଲିଂ, ପ୍ରେମ ଋତୁ ଆସିଲାରେ ଓ ଡନ୍ ଇତ୍ୟାଦି । ସେ ବହୁ ଟିଭି ସିରିଏଲ ଓ ନାଟକର ସଂଳାପ ଲେଖକ ଭାବେ ସୁନାମ ପାଇଥିଲେ ରଣଜିତ। ତାଙ୍କ ବିୟୋଗରେ ଓଡ଼ିଆ ସିନେ ଜଗତରେ ଶୋକର ଛାୟା ଖେଳିଯାଇଛି। ବହୁ ବିଶିଷ୍ଟ ବ୍ୟକ୍ତି ତାଙ୍କ ବାସଭବନରେ ପହଂଚି ତାଙ୍କର ଶେଷ ଦର୍ଶନ କରିଛନ୍ତି।