ନୂଆଦିଲ୍ଲୀ: ଅଯୋଧ୍ୟା ରାମ ମନ୍ଦିର ଦାନ ଚୋରି ମାମଲା ଏବେ ସୁପ୍ରିମକୋର୍ଟରେ ପହଞ୍ଚିଛି। ଆଜି ଏହି ମାମଲାର ଶୁଣାଣି ସମୟରେ ସୁପ୍ରିମକୋର୍ଟ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟକୁ ନୋଟିସ ଜାରି କରିଛନ୍ତି ଏବଂ ଏସଆଇଟି ଠାରୁ ଏହାର ତଦନ୍ତ ଉପରେ ରିପୋର୍ଟ ମଧ୍ୟ ମାଗିଛନ୍ତି। କୋର୍ଟ କହିଛନ୍ତି ଯେ, ପରବର୍ତ୍ତୀ ଶୁଣାଣି ଆସନ୍ତା ସୋମବାର ହେବ। ରାମ ମନ୍ଦିର ଦାନ ଚୋରି ମାମଲାର ଶୁଣାଣି ମୁଖ୍ୟ ବିଚାରପତି (CJI) ସୂର୍ଯ୍ୟକାନ୍ତ ଏବଂ ବିଚାରପତି ଜୟମାଲ୍ୟ ବାଗଚି ଏବଂ ଭି. ମୋହନାଙ୍କ ଖଣ୍ଡପୀଠ କରିଥିଲେ। ଖଣ୍ଡପୀଠ ଉତ୍ତର ପ୍ରଦେଶ ସରକାରଙ୍କ ଦ୍ୱାରା ନିର୍ଦ୍ଦେଶିତ ଏସଆଇଟି ତଦନ୍ତ ଉପରେ ଏକ ସ୍ଥିତି ରିପୋର୍ଟ ମାଗିଥିଲେ। କୋର୍ଟ କହିଛନ୍ତି ଯେ, “ଆମେ ଉତ୍ତର ପ୍ରଦେଶ ସରକାରଙ୍କ ଦ୍ୱାରା ଗଠିତ ଏସଆଇଟି କୁ ଏକ ସ୍ଥିତି ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଉଛୁ। ଆସନ୍ତା ସୋମବାର ପରବର୍ତ୍ତୀ ଶୁଣାଣି ପାଇଁ ଏହି ମାମଲାକୁ ତାଲିକାଭୁକ୍ତ କରନ୍ତୁ ଏବଂ ଏସଆଇଟି ଗଠନ ସମ୍ପର୍କରେ ସୂଚନା ମଧ୍ୟ ସ୍ଥିତି ରିପୋର୍ଟରେ ପ୍ରଦାନ କରନ୍ତୁ।”