ବ୍ରିଟେନ ସରକାର ଭାରତୀୟ ଯାତ୍ରୀ ମାନଙ୍କ ପାଇଁ ଲାଗୁ କରିଥିବା କୋଭିଡ କଟକଣା (ଭ୍ରାତୃ ଯାଉଥିବା ଯାତ୍ରୀ ମାନେ ୧୦ ଦିନ କ୍ଵାରେଣ୍ଟିନ ରହିବା )ର ପାଲଟା ଜବାବ ଦେଇଛି ଭାରତ । ବ୍ରିଟେନ ସରକାର ଭାରତୀୟ ଯାତ୍ରୀଙ୍କ ପାଇଁ ଯେଉଁ ଗାଇଡଲାଇନ ଜାରି କରିଥିଲେ ଭାରତ ମଧ୍ୟ ବ୍ରିଟେନ ଯାତ୍ରୀଙ୍କ ପାଇଁ ଜେଶକୁ ତେସା ନୀତି ରେ ସେହି ନିୟମ ଲାଗୁ କରିଛି । ତେଣୁ ବ୍ରିଟେନ ଯାତ୍ରୀ ଏଣିକି ଭାରତ ଆସିଲେ ମାନିବାକୁ ପଡିବ କଟକଣା । ଭାରତ ସରକାର ଶୁକ୍ରବାର ବ୍ରିଟେନ ପ୍ରତି ସମାନ କଟକଣା ଯୁକ୍ତ ନିୟମ ଜାରି କରିବା ପରିପ୍ରେକ୍ଷୀ ରେ କହିଛନ୍ତି ବ୍ରିଟେନରୁ ଭାରତ ଆସୁଥିବା ଯାତ୍ରୀଙ୍କୁ ୧୦ ଦିନ ସଙ୍ଗରୋଧରେ ରହିବା ବାଧ୍ୟତାମୂଳକ । କିଛିଦିନ ତଳେ ବ୍ରିଟେନ ପକ୍ଷରୁ ଭାରତର ଟିକାକରଣକୁ ନେଇ ପ୍ରଶ୍ନ ଉଠାଯାଇଥିଲା । ତେବେ ପ୍ରଥମେ କୋଭିସିଲଡକୁ ଅନୁମତି ଦେଇନଥିଲେ ମଧ୍ୟ ଭାରତର କଡା ଆଭିମୂଖ୍ୟ ପରେ ବ୍ରିଟେନ ସରକାରଙ୍କ ପକ୍ଷରୁ କୋଭିସିଲଡକୁ ଅନୁମତି ମିଳିଥିଲା । କିନ୍ତୁ ପୂର୍ବପରି ଭାରତୀୟ ଯାତ୍ରୀଙ୍କ ପାଇଁ ୨ ଡୋଜ ଟିକା ନେଇସାରିଥିଲେ ମଧ୍ୟ ୧୦ ଦିନ ସଂଗରୋଧରେ ରହିବାକୁ ବାଧ୍ୟତାମୂଳକ କରିଥିଲା ବ୍ରିଟେନ୍ । ତେବେ ଭାରତ ଏବେ ସମାନ ନୀତି ବ୍ରିଟେନ ପାଇଁ ଆପଣାଇଛି । ବ୍ରିଟେନରୁ ଆସୁଥିବା ଯାତ୍ରୀଙ୍କ ପାଇଁ ଯାତ୍ରାର ୭୨ ଘଣ୍ଟା ପୂବରୁ ଆରଟିପିସିଆର ନେଗେଟିଭ ସାର୍ଟିଫିକେଟକୁ ବାଧ୍ୟତାମୂଳକ କରିଛନ୍ତି । ଖାଲି ସେତିକି ନୁହେଁ ଆସିବାର ଅଷ୍ଟମ ଦିନରେ ମଧ୍ୟ ପୁଣିଥରେ ଆରଟିପିସିଆର ଟେଷ୍ଟ କରିବାକୁ ପଡିବ । ତେବେ ଆସନ୍ତା ଅକ୍ଟୋବର ୪ ରୁ ଏହି ନୂଆ ନିୟମ ଲାଗୁ ହେବ ।