ରାଜ୍ୟରେ ଜାରି ହେଲା ପଞ୍ଚାୟତ ନିର୍ବାଚନ ଗାଇଡ୍ଲାଇନ୍ । ନିର୍ବାଚନ ପ୍ରଚାର ନେଇ ଏସ୍ଆରସି ଏହି ଗାଇଡ୍ଲାଇନ୍ ଜାରି କରିଛନ୍ତି । ଏସଆରସି ଙ୍କ ଦ୍ୱାରା ଗତ ୫ ତାରିଖ ଜାରି କରିଥିବା ନିର୍ଦ୍ଦେଶର ପରିବର୍ତ୍ତନ କରିଛନ୍ତି ଓ ସର୍ବାଧିକ ୫ଜଣ ଲୋକଙ୍କୁ ଡୋରଟୁ ଡୋର ପ୍ରଚାର କରିବାକୁ ଅନୁମତି ମିଳିବ । ଏହାବାଦ କୌଣସି ବଡ଼ ସମାବେଶ ବା ବହୁତ ଲୋକ ଏକାଠି ହେବାକୁ ଏଥିରେ ବାରଣ କରାଯିବI ସହ ସର୍ବାଧିକ ୧୦୦ ଜଣରେ ରାଜନୈତିକ ସମାବେଶକୁ ସର୍ତ୍ତମୂଳକ ଅନୁମତି ଦିଆଯାଇଛି । ସେହିଭଳି ଇଣ୍ଡୋର ହଲ୍ରେ କ୍ଷମତାର ୫୦ ପ୍ରତିଶତ ଲୋକଙ୍କୁ ଉପସ୍ଥିତ ରହିବା ପାଇଁ ଅନୁମତି ରହିଛି I
ତେବେ କୋଭିଡ-୧୯କୁ ଦୃଷ୍ଟି ରଖି ଅଧିକ ସଂଖ୍ୟାରେ ଲୋକଙ୍କୁ ଧରି ପ୍ରଚାର କରିବାକୁ ଅନୁମତି ମିଳିବ ନାହିଁ । କୋଭିଡ୍ ସଂକ୍ରମିତ ପ୍ରାର୍ଥୀ ବ୍ୟକ୍ତିଗତ ଭାବେ ବୁଲି ପ୍ରଚାର କରିପାରିବେ ନାହିଁ । କେବଳ ସେ ଇଲେକ୍ଟ୍ରୋନିକ ଓ ଭର୍ଚୁଆଲ ମାଧ୍ୟମରେ ପ୍ରଚାର କରିବାକୁ ପରାମର୍ଶ ଦିଆଯାଇଛି I ପୂର୍ବ ନିର୍ଦ୍ଦେଶନାମା ଅନୁଯାୟୀ ରୋଡ୍ ଶୋ’, ପଦଯାତ୍ରା, ସାଇକେଲ, ବାଇକରେ ରାଲି ଓ ଅନ୍ୟାନ୍ୟ ଶୋଭାଯାତ୍ରା ଉପରେ କଟକଣା ଜାରି ହୋଇଛି ।