ନୂଆଦିଲ୍ଲୀ : ଅପ୍ରେସୋନ ସିନ୍ଦୂର ପରେ ଭାରତ-ପାକିସ୍ତାନ ମଧ୍ୟରେ ଲାଗିରହିଛି ଉତ୍ତେଜନା । ଏକ ପ୍ରକାର ଅଘୋଷିତ ଯୁଦ୍ଧ ଆରମ୍ଭ ହୋଇଯାଇଛି ଇ ପାକିସ୍ତାନ ଲଗାତାର ସୀମା ନିକଟବର୍ତ୍ତି ଅଞ୍ଚଳରେ ଗୁଳି ଚାଳନା, ଡ୍ରୋନ୍ ଓ କ୍ଷେପଣାସ୍ତ୍ର ଦ୍ୱାରା ଆକ୍ରମଣ କରୁଛି, ଯାହାକୁ ଭାରତୀୟ ସୈନ୍ୟ ଅକାମୀ କରି ଦେଉଛନ୍ତି। ପରିସ୍ଥିତିକୁ ଦୃଷ୍ଟିରେ ରଖି ରେଳବାଇ ପକ୍ଷରୁ ଏକ ବଡ ନିଷ୍ପତ୍ତି ନିଆଯାଇଛି।
ଭାରତୀୟ ରେଳବାଇ ପକ୍ଷରୁ ପାକିସ୍ତାନ ସଂଲଗ୍ନ ଜମ୍ମୁ ଏବଂ ପଞ୍ଜାବର ସୀମାବର୍ତ୍ତୀ ଅଞ୍ଚଳରେ ରେଳାଚଳାଚଳ ବାତିଲ ପାଇଁ ନିଷ୍ପତ୍ତି ନିଆଯାଇଛି।
ରାତିରେ ଅମୃତସର, ଭଟିଣ୍ଡା, ଫିରୋଜପୁର, ଜମ୍ମୁ ଭଳି ସ୍ଥାନ ଦେଇ ଯାଉଥିବା ଟ୍ରେନ୍ ଗୁଡ଼ିକର ସମୟସୂଚୀ ଏବେ ପୁନଃନିର୍ଦ୍ଧାରିତ ହେବ। ଏହି ସ୍ଥାନଗୁଡ଼ିକ ଦେଇ ଯାଉଥିବା ଟ୍ରେନଗୁଡ଼ିକର ସମୟସୂଚୀ ପୁନଃନିର୍ଦ୍ଧାରଣ କରାଯିବ ଏବଂ ସକାଳେ ଚଳାଚଳ କରାଯିବ। ସେହି ସମୟରେ, କମ ଦୂରତା ଟ୍ରେନଗୁଡ଼ିକୁ ବାତିଲ କରିବାକୁ ନିଷ୍ପତ୍ତି ନିଆଯାଇଛି।
ଏହି ନିଷ୍ପତ୍ତି ଯୋଗୁଁ ୧୫ ରୁ ଅଧିକ ଟ୍ରେନ ପ୍ରଭାବିତ ହେବ। ତଥାପି, ଯାତ୍ରୀମାନଙ୍କୁ ଆଣିବା ପାଇଁ, ରେଳବାଇ ଦିନରେ ସ୍ୱତନ୍ତ୍ର ଟ୍ରେନ ଚଳାଇବାକୁ ନିଷ୍ପତ୍ତି ନେଇଛି। ଦିନରେ ଚାଲୁଥିବା ସମସ୍ତ ଟ୍ରେନ୍ ଯଥାରୀତି ଚାଲିବ।