ରାଜ୍ୟରେ କରୋନା ସଂକ୍ରମିତ ଙ୍କ ସଂଖ୍ୟା ଉର୍ଦ୍ଧ୍ବ ମୁଖି ହୋଇ ୫୦୦୦ ହଜାର ପହଂଚିଥିବାବେଳେ ତା ପଛକୁ ତାଳ ଦେଇ ଓମିକ୍ରନ ଭାରିଆଣ୍ଟ ମଧ୍ୟ ମାଡି ଚାଲିଛି I ସେହି ଅନୁସାରେ ଆଜି ରାଜ୍ୟରୁ ଆଉ ୨୮ ଜଣ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇ ସଂକ୍ରମିତ ଙ୍କ ସଂଖ୍ୟା ୧୦୦ ପାର କରିଛି । ଏହାସହ ରାଜ୍ୟରେ ମୋଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୦୩କୁ ବୃଦ୍ଧି ପାଇଛି । ଡିସେମ୍ବର ୨୧ରେ ପ୍ରଥମେ ୨ ଆକ୍ରାନ୍ତ ରାଜ୍ୟରେ ଚିହ୍ନଟ ହୋଇଥିଲେ । ସେହିଭଳି ଡିସେମ୍ବର ୨୩ରେ ଆଉ ୨ଜଣ ଓମିକ୍ରନ୍ ଆକ୍ରାନ୍ତ ଚିହ୍ନଟ ହୋଇଥିଲେ । ଏହାପରେ ଡେସେମ୍ବର ୨୬ରେ ଲଗାତାର ବୃଦ୍ଧି ପାଇ ୪ଜଣ ପଜିଟିଭ୍ ଚିହ୍ନଟ ହୋଇଥିଲେ । ଏହାପରେ ଡିସେମ୍ବର ୨୯ରେ ଜଣେ, ଡିସେମ୍ବର ୩୦ରେ ୫, ଜାନୁଆରୀ ୨ରେ ୨୩, ଜାନୁଆରୀ ୫ତାରିଖରେ ୨୪, ଜାନୁଆରୀ ୮ତାରିଖରେ ୧୪ ଚିହ୍ନଟ ହୋଇଥିବା ବେଳେ ଗତ ୨୪ ଘଣ୍ଟାରେ ୨୮ଜଣ ପଜିଟିଭ୍ ଚିହ୍ନ ହୋଇଛନ୍ତି । ଯାହା ରାଜ୍ୟସରକାରଙ୍କ ଚିନ୍ତା ବଢାଇଦେଇଛି ।
ସେପଟେ ରାଜ୍ୟରେ ଓମିକ୍ରନ୍ ସଂକ୍ରମଣ ଉପରମୁହାଁ ହେଉଥିବା ବେଳେ ସାମ୍ନାକୁ ଆସିଛି ଆଶ୍ୱସ୍ତିକର ଖବର । ୮ଜଣ ଓମିକ୍ରନ୍ ଆକ୍ରାନ୍ତ ସୁସ୍ଥ ହୋଇଥିବା ସୂଚନାରୁ ଜଣାପଡିଛି । ତେବେ ଏନେଇ ଆଇଏଲଏସ୍ ପକ୍ଷରୁ ବିସ୍ତୃତ ସୂଚନା ଦିଆଯାଇଛି I