ପୁଣି ମଞ୍ଜା ସୂତାରେ କାଟିଲା ବେକ ଇ ଗତ ଡିସେମ୍ବର ୨୫ ରେ କଟକରେ ମାଞ୍ଜା ସୂତା ଲାଗି ଜଣେ ନବବିବାହିତ ବ୍ୟକ୍ତି ଙ୍କର ମୃତ୍ୟୁ ହୋଇଥିଲେ ଇ ଏହି ହୃଦୟବିଦରାକ ଘଟଣା ମନରୁ ନ ଲିଭୂଣୁ ଆଜି ପୁଣି ଭୁବନେଶ୍ୱର ଡୁମଡୁମାରେ ଘଟିଯାଇଛି ଆଉ ଏକ ବଡ଼ ଅଘଟଣ Iଡୁମୁଡୁମା ପାଲା ମଣ୍ଡପ ସାହିରେ ମାଞ୍ଜା ସୂତା ଲାଗି ୩ ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣଙ୍କୁ ମେଡିକାଲରେ ଗୁରୁତର ଅବସ୍ଥାରେ ଭର୍ତ୍ତି କରାଯାଇଛି । ଅନ୍ୟ ୨ ଜଣଙ୍କ ବେକରେ ଷ୍ଟିଚ୍ ପଡ଼ିଛି । ଅନ୍ୟପଟେ ମାଞ୍ଜା ସୂତା ଜବତ କରି ପୋଲିସ ତନାଘନା ଜାରି ରଖିଛି ।ପୂର୍ବରୁ ପୁରୀରେ ମଧ୍ୟ ଏଇଭଳି ଘଟଣାରେ ଜଣେ ଆହତ ହୋଇଥିଲେ ଇ ସେହିଭଳି ଦୁଇ ଦିନ ପୂର୍ବରୁ ରାଜା ବଗିଚା ପୁଲିସ କଲୋନିରେ ମାଞ୍ଜା ସୂତା ଲାଗି ଜଣେ ଯୁବତୀ ଆହତ ହୋଇଛନ୍ତି । ଗୁଡ଼ି ଉଡେଇବା ଖେଳ ଅନ୍ୟ କାହା ପାଇଁ କାଳ ସାଜୁଛି Iବାରମ୍ବାର ଏହିଭଳି ସମାନ ଘଟଣାମାନ ଘଟୁଥିଲେ ମଧ୍ୟ ପୋଲିସ କିମ୍ବା ସ୍ଥାନୀୟ ପୌର ପାଳିକା ପକ୍ଷରୁ ଗୁଡ଼ି ଉଡା କିମ୍ବା ଗୁଡ଼ି ନଟେଇ ବ୍ୟବସାୟୀ ମାନଙ୍କ ପ୍ରତି କୌଣସି କଡା ପଦକ୍ଷେପ ଗ୍ରହଣ କରୁନ ଥିବାରୁ ଜନ ଅସନ୍ତୋଷ ବଢୁଛି I କିଛି ଜଣଙ୍କର ସାମୟିକ ମନୋରଞ୍ଜନ ଅନ୍ୟ କାହାରି ପରିବାର ଓଜାଡ଼ି ନ ଦେଉ ପୌରପାଳିକା ତରଫରୁ ଏହା ଉପରେ ଦୃଷ୍ଟି ଦେବା ନିହାତି ଆବଶ୍ୟକ I