ଭୁବନେଶ୍ୱର: ଆସନ୍ତା ଫେବ୍ରୁଆରୀ ୬ରୁ ୧୭ ଯାଏଁ ଚାଲିବ ଖଣ୍ଡଗିରି ଯାତ୍ରା ମହୋତ୍ସବ। ଏହି କୁମ୍ଭମେଳାରେ ୧୩ଟି ଯାତ୍ରାପାର୍ଟି ସେମାନଙ୍କ ନାଟକ ସୋ କରିବେ। ଏହି ଯାତ୍ରାରେ ଆଇଟମ୍ ଡ୍ୟାନ୍ସ ମନା। ନାଚି ପାରିବେନି ନିଶା, ସାହୁ ଭାଉଜ ଓ ରାଣୀ ପ୍ରିୟଦର୍ଶିନୀ। ମଙ୍ଗଳବାର ଖଣ୍ଡଗିରି ଥାନାରେ ବରିଷ୍ଠ ପୁଲିସ ଅଧିକାରୀଙ୍କ ସହ ବୈଠକ ପରେ ଯାତ୍ରା କମିଟି ଏହି ନିଷ୍ପତ୍ତି ନେଇଛି । କମିଟି କହିଛି ଯେ, ଯାତ୍ରାରେ ଅଶ୍ଳୀଳତାକୁ ବରାଦାସ୍ତ କରାଯିବ ନାହିଁ। ରାଜ୍ୟ ସରକାର ଏନେଇ ପୂର୍ବରୁ କଡ଼ା ନିର୍ଦ୍ଦେଶ ଦେଇସାରିଛନ୍ତି। ଯେଉଁ ଆଇଟମ୍ ଗାର୍ଲମାନେ ନୃତ୍ୟ ପରିବେଷଣ କରୁଥିଲେ, ତାହା ଆଉ ହେବ ନାହିଁ। ଏଥିପାଇଁ ଏକ ସ୍ୱତନ୍ତ୍ର କମିଟି ଗଠନ କରାଯିବ ବୋଲି ଯାତ୍ରା କମିଟି ସ୍ପଷ୍ଟ କରିଛି।