ଆଇପିଏଲ ୨୦୨୨ ସିଜନର ର ୧୫ ଶ ସଂସ୍କରଣ ର ୩୦ ତମ ମ୍ୟାଚ୍ ଦୁଇଥର ଚାମ୍ପିଅନ୍ ଦଳ କୋଲକାତା ନାଇଟ୍ ରାଇଡର୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଉଛି I ମୁମ୍ବାଇର ବ୍ରାବୋର୍ନ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚରେ କୋଲକାତା ଅଧିନାୟକ ଶ୍ରେୟାସ ଆୟର ଟସ୍ ଜିତି ରାଜସ୍ଥାନକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଛନ୍ତି । ସଞ୍ଜୁ ସାମସନ୍ ରାଜସ୍ଥାନର ଅଧିନାୟକ ରହିଛନ୍ତି I
କୋଲକାତା ଶେଷ ମ୍ୟାଚ୍ରେ ହାଇଦ୍ରାବାଦ ଠାରୁ ହାରିଥିଲା। ସେହିପରି ରାଜସ୍ଥାନ ମଧ୍ୟ ଗୁଜରାଟ ଠାରୁ ପରାସ୍ତ ହୋଇଥିଲା। ତେଣୁ ଉଭୟ ଦଳ ପାଇଁ ଆଜିର ମ୍ୟାଚ୍ ବେଶ ଗୁରୁତ୍ୱପୂର୍ଣ୍ଣ। ଏହି ମ୍ୟାଚ୍ରେ କେକେଆର ବିଜୟ ଟ୍ରାକକୁ ଫେରିବାକୁ ଚେଷ୍ଟା କରିବ। ଅନ୍ୟପଟେ ରାଜସ୍ଥାନ ରୟାଲ୍ସ ଏହି ମ୍ୟାଚ୍ ଜିତି ପଏଣ୍ଟ ଟେବୁଲର ଟପ୍ ୪ରେ ରହିବାକୁ ଚେଷ୍ଟା କରିବ। ତେଣୁ ଆଜି ର ଏହି ମୁକାବିଲା ବେଶ୍ ରୋମାଞ୍ଚକର ହେବ ବୋଲି ଆଶା କରାଯାଉଛି।
କୋଲକାତା ତା’ର ଚୂଡ଼ାନ୍ତ ଏକାଦଶରେ ଗୋଟିଏ ପରିବର୍ତ୍ତନ କରିଛି। ଅମନ ଖାନଙ୍କ ବଦଳରେ ଶିମବ ମାଭି ଚୂଡ଼ାନ୍ତ ଏକାଦଶରେ ସ୍ଥାନ ପାଇଛନ୍ତି। ସୁନୀଲ ନାରିନ ଆଜି ତାଙ୍କ ଆଇପିଏଲ କ୍ୟାରିୟର୍ରେ ୧୫୦ତମ ମ୍ୟାଚ୍ ଖେଳୁଛନ୍ତି। ରାଜସ୍ଥାନ ରୟାଲ୍ସ କିନ୍ତୁ ଚୂଡ଼ାନ୍ତ ଏକାଦଶରେ ୩ଟି ପରିବର୍ତ୍ତନ କରିଛି।
ଗତ ମ୍ୟାଚ୍ରେ ଖେଳୁ ନଥିବା ଟ୍ରେଣ୍ଟ ବୋଲ୍ଟ ଆଜି ଫିଟ୍ ହୋଇ କମବ୍ୟାକ କରିଛନ୍ତି। ସେହିପରି ଓବେଡ ମ୍ୟାକକୋୟ ରାଜସ୍ଥାନ ପକ୍ଷରୁ ଡେବ୍ୟୁ କରିଛନ୍ତି। କରୁଣ ନାଏରଙ୍କୁ ମଧ୍ୟ ଆଜି ରାଜସ୍ଥାନ ସୁଯୋଗ ଦେଇଛି। ଗତମ୍ୟାଚ୍ରେ ଖେଳୁଥିବା ଜିମ୍ମି ନୀଶମ, ରସେଇ ଭାନ ଡେର ଡୁସେନ ଓ କୁଲଦୀପ ଯାଦବ ଚୂଡ଼ାନ୍ତ ଏକାଦଶରୁ ବାଦ ପଡ଼ିଛନ୍ତି।