IPL ରେ ୫ ଥର ଜିତି ଚାମ୍ପିଅନ୍ ହୋଇଥିବା ମୁମ୍ବାଇ ଇଣ୍ଡିଆନ୍ସ ଦଳ କୁ ୯ ମ ଥର ପାଇଁ ପରାଜୟର ସମ୍ମୁଖୀନ ହେବାକୁ ପଡିଛି I DY ପାଟିଲ ସ୍ପୋର୍ଟସ ଷ୍ଟାଡିୟମରେ ଖେଳାଯାଇଥିବା ୫୬ ତମ ମ୍ୟାଚରେ କୋଲକାତା ୨୦ ଓଭରରେ ୯ ୱିକେଟ୍ ହରାଇ ୧୬୫ ରନ୍ ସଂଗ୍ରହ କରିଥିଲା | ଏହା ପରେ କଲକାତା ବିପକ୍ଷରେ ଦଳ ୧୭ .୩ ଓଭରରେ ୧୧୩ ରନ୍ ସ୍କୋର କରିବା ପରେ ମୁମ୍ବାଇ ଦଳ ଆଉଟ୍ ହୋଇଯାଇଥିଲା। ଓପନର୍ ଇଶାନ୍ କିଶନ ମୁମ୍ବାଇ ପାଇଁ ୫୧ ରନର ଚମତ୍କାର ଇନିଂସ ଖେଳିଥିଲେ। ସେ ୪୩ ବଲରେ ୫ ଚୌକା ଓ ୧ ଛକା ମାରିଥିଲେ। ତେବେ ତାଙ୍କ ବ୍ୟତୀତ ଅନ୍ୟ କୌଣସି ବ୍ୟାଟ୍ସମ୍ୟାନ୍ ଅଧିକ ସମୟ ପିଚ ରେ ତିଷ୍ଠିପାରି ନ ଥିଲେ I ଦଳ ୧୨ଶ ମ୍ୟାଚରୁ ପଞ୍ଚମ ବିଜୟ ହାସଲ କରି ପଏଣ୍ଟ ତାଲିକାର ସପ୍ତମ ସ୍ଥାନକୁ ଉଠିଛି।
ପ୍ରଥମେ ବ୍ୟାଟିଂ କରି ଭେଙ୍କଟେଶ ଆୟରଙ୍କ ୪୩ ଏବଂ ନୀତିଶ ରାଣାଙ୍କ ୪୩ ରନ ବଳରେ କୋଲକାତା ନାଇଟ୍ ରାଇଡର୍ସ ୯ ଓ୍ଵିକେଟ୍ ବିନିମୟରେ ୧୬୫ ରନ କରିଥିଲା। ରିଙ୍କୁ ସିଂ ୨୩ ରନରେ ଅପରାଜିତ ଇନିଂସ ଖେଳିଥିଲେ। ଜବାବରେ ମୁମ୍ବାଇ ଇଣ୍ଡିଆନ୍ସ ନିୟମିତ ବ୍ୟାଟିଂ ବିପର୍ଯ୍ୟୟ ଭୋଗି ୧୭.୩ ଓଭରରେ ୧୧୩ ରନରେ ଅଲଆଉଟ୍ ହୋଇଛି। ଦଳ ୫୨ ରନରେ ପରାଜୟ ଭୋଗିଛି। ପାଟ୍ କମିନ୍ସ ୨୨ ରନ ଦେଇ ୩ଟି ଓ୍ଵିକେଟ୍ ଏବଂ ଆନ୍ଦ୍ରେ ରସେଲ ୨୨ ରନ ଦେଇ ୨ ଓ୍ଵିକେଟ୍ ନେଇ ବିଜୟ ଭୂମିକାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି।