ନୂଆଦିଲ୍ଲୀ: ଆଜି ନୂଆଦିଲ୍ଲୀ ଠାରେ କେନ୍ଦ୍ର ବାଣିଜ୍ୟ ମନ୍ତ୍ରୀ ପୀୟୁଷ ଗୋଏଲ ଏବଂ ନ୍ୟୁଜିଲାଣ୍ଡ ବାଣିଜ୍ୟ ମନ୍ତ୍ରୀ ଟୋଡ ମ୍ୟାକ୍ଲେଙ୍କ ଉପସ୍ଥିତିରେ ମୁକ୍ତ ବାଣିଜ୍ୟ ରାଜିନାମା ଚୁକ୍ତି ସ୍ୱାକ୍ଷରିତ ହୋଇଛି । ଏହି ବାଣିଜ୍ୟିକ ଚୁକ୍ତି ଦୁଇ ଦେଶ ମଧ୍ୟରେ ଆର୍ଥିକ ସ୍ଥିତିକୁ ମଜବୁତ କରିବ ବୋଲି କହିଛନ୍ତି କେନ୍ଦ୍ର ମନ୍ତ୍ରୀ ପୀୟୁଷ ଗୋଏଲ । ଏହି ଚୁକ୍ତି ଦ୍ୱାରା ନ୍ୟୁଜିଲାଣ୍ଡରେ ଭାରତୀୟ ଦ୍ରବ୍ୟ ଉପରେ ଶତ ପ୍ରତିଶତ ସୀମା ଶୁଳ୍କ ଛାଡ଼ ହେବା ସହିତ ଆଗାମୀ ୧୫ ବର୍ଷ ପର୍ଯ୍ୟନ୍ତ ୨୦ ବିଲିୟନ ଡଲାର ନିବେଶ କରିବାକୁ ନ୍ୟୁଜିଲାଣ୍ଡ ପ୍ରତିଶ୍ରୁତି ଦେଇଛି । ନ୍ୟୁଜିଲାଣ୍ଡ ଭାରତୀୟ ରପ୍ତାନି ଉପରେ ଲାଗୁ ହୋଇଥିବା ଶୁଳ୍କକୁ ସମ୍ପୂର୍ଣ୍ଣ ଉଚ୍ଛେଦ କରିଛି । ଏଫଟିଏ ଭାରତୀୟ ବୃତ୍ତିଗତମାନଙ୍କୁ ସୀମିତ ଅବଧି ପାଇଁ ନ୍ୟୁଜିଲାଣ୍ଡରେ କାମ କରିବାକୁ ଅନୁମତି ଦେଇଛି । ନ୍ୟୁଜିଲାଣ୍ଡରେ ବୃତ୍ତି ପାଇଁ ଯାଉଥିବା ଭାରତୀୟଙ୍କୁ ୫୦୦୦ ‘ଅସ୍ଥାୟୀ ନିଯୁକ୍ତି ପ୍ରବେଶ ଭିସା’ ପ୍ରଦାନ କରାଯିବ । ଯାହାର ବୈଧତା ତିନି ବର୍ଷ ଯାଏଁ ରହିବ । ଭାରତରୁ ଶୁଳ୍କମୁକ୍ତ ମଦ ଏବଂ ସ୍ପିରିଟ୍ ଓ ନ୍ୟୁଜିଲାଣ୍ଡରୁ ମଦ ରିହାତି ଶୁଳ୍କ ସହିତ ବଜାରରେ ପ୍ରବେଶ କରିବ । ଯାହା ୧୦ ବର୍ଷ ମଧ୍ୟରେ ଧୀରେ ଧୀରେ ବନ୍ଦ କରାଯିବ। କପଡ଼ା, ପ୍ଲାଷ୍ଟିକ୍ ଉତ୍ପାଦ, ଚମଡ଼ା ସାମଗ୍ରୀ ଏବଂ ଇଞ୍ଜିନିୟରିଂ ଉତ୍ପାଦ ସମେତ ବିଭିନ୍ନ ପ୍ରକାରର ଭାରତୀୟ ସାମଗ୍ରୀ – ନ୍ୟୁଜିଲାଣ୍ଡ ବଜାରରେ ସମ୍ପୂର୍ଣ୍ଣ ବିନା ଶୁଳ୍କରେ ବିକ୍ରି କରାଯିବ । ନ୍ୟୁଜିଲାଣ୍ଡ ଏହାର ପଶମ, ମଦ, କାଠ, କୋଇଲା ଏବଂ ଆଭୋକାଡୋ ଏବଂ ବ୍ଲୁବେରି ପରି ଫଳ ରପ୍ତାନିରୁ ଲାଭବାନ ହେବ । ଭାରତୀୟ ଚାଷୀମାନଙ୍କୁ କିୱି , ସେଓ ଚାଷ ଏବଂ ମହୁ ଉତ୍ପାଦନରେ ସହାୟତା କରିବା ପାଇଁ ଏକ ଯୋଜନା ଅନ୍ତର୍ଭୁକ୍ତ ରହିଛି । ବାଣିଜ୍ୟ ଚୁକ୍ତିନାମା ସ୍ୱାକ୍ଷରିତ ହେବା ପରେ, କେନ୍ଦ୍ର ବାଣିଜ୍ୟ ଏବଂ ଶିଳ୍ପ ମନ୍ତ୍ରୀ ପୀୟୁଷ ଗୋୟଲ କହିଛନ୍ତି ଯେ ଏହା ନଅ ମାସ ମଧ୍ୟରେ ସମାପ୍ତ ହୋଇଛି, ଏବଂ ଏହାର ଗତି ଦୁଇ ଦେଶ ମଧ୍ୟରେ ବିଶ୍ୱାସର ଗଭୀରତା ଏବଂ ସହଭାଗୀ ମହତ୍ତ୍ୱାକାଂକ୍ଷା”କୁ ପ୍ରତିଫଳିତ କରେ। ଏହି ଏଫଟିଏ ସ୍ୱାକ୍ଷର କରିବା ବିକଶିତ ବିଶ୍ୱ ସହିତ ଭାରତର ସମ୍ପର୍କର ଆଉ ଏକ ନିର୍ଣ୍ଣାୟକ ମାଇଲଖୁଣ୍ଟ ଏବଂ ପ୍ରଧାନମନ୍ତ୍ରୀ ମୋଦିଙ୍କ ୨୦୪୭ର ସ୍ୱପ୍ନକୁ ସାକାର କରିବାରେ ସାହାଯ୍ୟ କରିବ ।