ନୂଆଦିଲ୍ଲୀ: ଅଣ୍ଡର-୧୯ ଏସିଆ କପ୍ କ୍ରିକେଟ ର ଫାଇନାଲ୍ ମୁକାବିଲାରେ ପାକିସ୍ତାନକୁ ଗୋଟିଏ ୱିକେଟରେ ପରାସ୍ତ କରି ନବମ ଥର ପାଇଁ ଅଣ୍ଡର-୧୯ ଏସିଆ କପ୍ ଚାମ୍ପିଅନ୍ ହୋଇଛି ଭାରତ। ଓମାନର ଅଲ୍ ଆମେରାଟ୍ କ୍ରିକେଟ୍ ଗ୍ରାଉଣ୍ଡରେ ଖେଳାଯାଇଥିବା ଫାଇନାଲରେ ପ୍ରଥମେ ବ୍ୟାଟିଂ କରି ପାକିସ୍ତାନ ୫୦ ଓଭରରେ ୯ ୱିକେଟ୍ ହରାଇ ୩୩୭ ରନ୍ କରିଥିଲା।ପାକିସ୍ତାନ ଦେଇଥିବା ୩୩୮ ରନ୍ ର ବିଶାଳ ଲକ୍ଷ୍ୟକୁ ପିଛା କରି ଭାରତୀୟ ଦଳ ଏହି ବିଜୟ ଲାଭ କରିଛି । ପ୍ରଥମେ ବ୍ୟାଟିଂ କରିଥିବା ପାକିସ୍ତାନ ଉସ୍ମାନ ଖାନଙ୍କ ୧୦୭ ରନ, ଅବଦୁଲ କାଦିରଙ୍କ ୮୦ ରନ ଓ ଅଧିନାୟକ ଫରହାନ ୟୁସୁଫଙ୍କ ୬୩ ରନ ବଳରେ ୯ ଓ୍ଵିକେଟ୍ ହରାଇ କରିଥିଲା ୩୩୭ ରନ। ଭାରତ ପକ୍ଷରୁ ଆର୍ଯ୍ୟବୀର ସେହୱାଗ ୫୮ ରନ୍ କରିଥିବା ବେଳେ ଅଧିନାୟକ ଲକ୍ଷ୍ୟ ରାଇଚନ୍ଦାନୀ ୮୦ ରନ୍ର ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ତଥାପି ମ୍ୟାଚ୍ର ଶେଷ ଭାଗରେ ଭାରତର ସ୍ଥିତି ଚିନ୍ତାଜନକ ଥିଲା । ଏହି ସମୟରେ ମନଲ ଚୌହାନ ଓ ମୋହିତ ଉଲ୍ୱାଙ୍କ ଲଢ଼ୁଆ ପ୍ରଦର୍ଶନ ଭାରତ ପାଇଁ ନିର୍ଣ୍ଣାୟକ ହୋଇଥିଲା। ବିଶେଷକରି ମୋହିତ ଶେଷ ପର୍ଯ୍ୟନ୍ତ ଅପରାଜିତ ରହି ୨୬ ବଲ୍ରୁ ୪୯ ରନ୍ କରିଥିଲେ। ଶେଷ ୱିକେଟ୍ରେ ଚିଗୁରୁପତି ଭେଙ୍କଟାଙ୍କ ସହ ମିଶି ମୋହିତ ଭାରତକୁ ସହଜ ବିଜୟ ଲକ୍ଷ୍ୟ ହାସ କରାଇଥିଲେ।