ଗତ କିଛି ସପ୍ତାହ ଧରି ରାଜଧାନୀ ଦିଲ୍ଲୀ ରେ ୪୯ ଡିଗ୍ରୀ ର ପ୍ରଚଣ୍ଡ ଗ୍ରୀଷ୍ମ ପ୍ରବାହ ପରେ ଆଜି ସକାଳ ଠାରୁ ପ୍ରବଳ ବର୍ଷା ଯୋଗୁଁ ସ୍ଥିତି ସଙ୍ଗୀନ । ସୋମବାର ସକାଳ ଠାରୁ ପ୍ରବଳ ବର୍ଷ ଯୋଗୁଁ ଦିଲ୍ଲୀରେ ଗାଡି ଚଳାଚଳ ବାଧାପ୍ରାପ୍ତ ହେବା ସାଙ୍ଗକୁ ଟ୍ରେନ ଗୁଡିକ ମଧ୍ୟ ଅଟକି ରହିଛି ଏହା ସହିତ ଖରାପ ପାଗ ଲାଗି ରହିଥିବାରୁ ବିମାନ ଉଡାଣରେ ବାଧାପ୍ରାପ୍ତ ସୃଷ୍ଟି ହୋଇଛି । ପାଗକୁ ଦୃଷ୍ଟିରେ ରଖି ବିଳମ୍ବରେ ବିମାନ ଚଳାଚଳ କରିବାକୁ କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ଦିଆଯାଇଛି । ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ଦିଲ୍ଲୀ ଏନସିଆରରେ ପ୍ରବଳ ବର୍ଷା ହୋଇଛି । ବର୍ଷା କାରଣରୁ ଏନସିଆରର କେତେକାଂଶ ସ୍ଥାନରେ ବିଦ୍ୟୁତ୍ ସରବରାହ ମଧ୍ୟ ବାଧାପ୍ରାପ୍ତ ହୋଇଛି ।
ପାଣିପାଗ ଏବଂ ବଜ୍ରପାତ ଯୋଗୁଁ ଦିଲ୍ଲୀ ବିମାନ ବନ୍ଦରରେ ବିମାନ ଚଳାଚଳ ପ୍ରଭାବିତ ହୋଇଛି। ବିମାନ ଉଡାଣ ପାଇଁ ସମ୍ପୃକ୍ତ ବିମାନ ସେବା ସହିତ ଯୋଗାଯୋଗ କରିବାକୁ ବିମାନ ବନ୍ଦର ଯାତ୍ରୀମାନଙ୍କୁ ଅନୁରୋଧ କରିଛି । ଅନ୍ୟପକ୍ଷରେ ବଜ୍ରପାତ ଏବଂ ବଜ୍ରପାତ ହେତୁ ଦିଲ୍ଲୀ ଏନସିଆରରେ ଅନେକ ଗଛ ପଡିଥିଲା ଏବଂ ପବନର ବେଗ ମଧ୍ୟ ଜୋରରେ ଦେଖିବାକୁ ମିଳିଥିଲା ।
ଏଥି ସହିତ ଆଗାମୀ ୨୪ ଘଣ୍ଟା ମଧ୍ୟରେ ଦିଲ୍ଲୀରେ ପ୍ରବଳ ବର୍ଷା ହୋଇପାରେ । ପାଣିପାଗ ବିଭାଗ ପକ୍ଷରୁ ଆଗାମୀ ୨୪ ଘଣ୍ଟା ମଧ୍ୟରେ ପ୍ରବଳ ବର୍ଷା ହେବା ନେଇ ଅରେଞ୍ଜ ଓ୍ୱାର୍ଣ୍ଣିଂ ଜାରି କରାଯାଇଛି ।
ସୂଚନାନୁସାରେ ରାଜଧାନୀ ଦିଲ୍ଲୀରେ ପାଗ ଏତେ ମାତ୍ରାରେ କୋହୋଲା ରହିଛି ଯେ ପ୍ରାୟ ୪୦ ବର୍ଷ ପରେ, ମେ ୨୩ ରେ ସର୍ବନିମ୍ନ ତାପମାତ୍ରା ୧୭ .୨ ଡିଗ୍ରୀ ସେଲସିୟସରେ ରେକର୍ଡ କରାଯାଇଛି I ଏହାପୂର୍ବରୁ ୧୯୮୨ ମସିହାରେ, ମଇ ୨ ରେ, ଦିଲ୍ଲୀର ସର୍ବନିମ୍ନ ତାପମାତ୍ରା ୧୫ .୨ ଡିଗ୍ରୀ ସେଲସିୟସରେ ରେକର୍ଡ କରାଯାଇଥିଲା I